“?Wanem Nao Misin mo Seves blong Kraes?,” Liahona, Jenuware 2023.
Kam Folem Mi
?Wanem Nao Misin mo Seves blong Kraes?
Toktok Antap long Hil, i kam long James Tissot © Brooklyn Museum of Art / Bridgeman Images
Jisas Kraes i mekem kavenan long laef bifo laef long wol ia blong kam long Wol mo stap olsem Sevya blong yumi (luk long Moses 4:2; Ebraham 3:27). Olsem Sevya blong yumi, Hem i komplitim tugeta misin mo seves blong Hem
Presiden Russell M. Nelson i eksplenem se: “Misin blong Lod long wol ia i bin hapen tru long Atonmen blong Hem … [mo] blong mekem se laef we i no save finis i hapen blong eniwan we oli kwalifae long hem. … Seves blong Hem i evri samting we Hem i bin mekem—Ol merikel blong Hem, ol tijing blong Hem, ol odinens we Hem i lukluk nomo long olgeta, tijing blong Hem long olsem wanem blong prea.”1
Ol infomesen abaot misin mo seves blong Kraes oli tokbaot long plante ples insaed long ol skripja. Traem lukluk long ol toktok blong mama blong Hem, Meri, long Luk 1:46–55. Hana tu i wan eksampol blong gat fasin blong stap lisin, i mekem wan prea we i semmak abaot seves blong Lod long 1 Samuel 2:1–10.
Olsem we Kam Folem Mi lesen buk i stap givim tingting, yu save komperem hemia wetem ol gudgudfala samting we Jisas i mekem long Matiu 5:3–12.2
Tingting blong mekem lis blong ol samting abaot seves blong Kraes we ol skripja ia oli tokbaot; wan ditel oli bin putum long lis olsem wan eksampol:
-
Kraes i kam blong helpem yumi harem gud long ol hanggri blong yumi long saed blong spirit (luk long 1 Samuel 2:5; Luk 1:53; Matiu 5:6).