“Stap Faenemaot Tabu Plan we Papa God i gat long Famli blong Mifala we i ‘No Stret Evriwan,’” Liahona, Jenuware 2023.

Ol Yang Adalt

Stap Faenem Tabu Disaen Ia insaed long famli blong yumi we i “No stret gud evriwan”

I Kam long Jenet Erickson

Senia Profesa blong Dipatmen blong Jos Histri mo Jos Doktrin, Brigham Yang Yunivesiti

Taem i no gat wan famli we i “stret gud evriwan” long laef blong wol ia, bae i save kam wan bigfala harem nogud, be yumi save yusum ol samting we oli tru blong kam kolosap moa long Sevya.

yangfala adalt woman wetem wan babol blong tingting abaot famli

I nogat wan samting we i givim ol dip filing mo mining, glad, filing blong stap wantem tumas, mo harem nogud bitim ol rilesensip we i senta long ol eksperiens blong yumi long laef blong wol ia—ol famli rilesensip blong yumi. Mo from se ol rilesensip ia oli impoten tumas, ol lida blong yumi long Jos oli kasem insperesen blong krietem “Famli: Wan Ofisol Toktok I Go long Wol.”¹ Ol trutok insaed oli talem witnes abaot wan Papa we i gat lav mo we i wantem tumas blong yumi save ol tabu paten we oli lidim yumi i go long bigfala glad ia we i no save finis insaed long famli laef.

Presiden Henry B. Eyring, Seken Kaonsela insaed long Fas Presidensi, i bin tijim: “From se Papa blong yumi i lavem ol pikinini blong Hem, bae Hem i no lego yumi blong faenem abaot wanem i impoten moa long laef ia mo wea ples lukluk blong yumi i save kasem bigfala glad o i save kasem sore. ”² Hemia i tekem tu, plante tabu rol blong famli we yumi save gat long laef ia olsem: pikinini gel o boe, sista o brata, mama o papa, anti o angkel, bubuwoman o bubuman.

Ol trutok insaed long famli, ofisol toktok i go long wol, i saenem rod i go long ol samting we “oli stret gud evriwan we oli no save finis” we plante long yumi oli wantem tumas insaed long hat—ol strong, hapi famli rilesensip we i no save finis. Problem i we, yumi stap laef long wan “tru laef blong wol.” Mo spes ia bitwin ol samting we oli “tru” mo “stret gud evriwan” i save givim soa long hat blong man. Samtaem, bae yumi no save luk olsem wan laet we i lidim yumi, bae yumi save eksperiensem ofisol toktok olsem wan ples blong harem nogud we i rimaenem yumi long weaples yumi “no bin mekem gud” blong kasem wanem we i “stret gud evriwan.”

Yumi save wantem tumas blong mared be yumi no lukluk long hem olsem wan samting we i posibol.
Yumi save mared finis mo eksperiensem wan harem nogud from divos.
Yumi save wantem tumas blong gat pikinini be yumi no save gat.
Yumi save gat eksperiens long saed blong abius insaed long ol famli rilesensip we yumi bin trastem.
Yumi save gat eksperiens blong harem nogud bigwan from ol joes blong ol memba blong famli we yumi lavem tumas.
Yumi save filim se yumi seperet nomata ol gudfala hadwok blong yumi blong mekem se i gat yuniti long medel blong olgeta we yumi lavem tumas.
Yumi save gat tingting we i foldaon from wan samting we wan i no save mekem i hapen olsem we yumi wantem tumas mo ol promes.

Long laef ia, yumi evriwan bae i save ol jalenj, ol bigfala harem nogud, mo soa insaed long famli laef—sam bae oli fesem moa bitim ol narawan. Long sam situesen, yumi evriwan bae yumi foldaon aotsaed long stret gud evriwan paten ia we oli putumaot insaed long famli, ofisol toktok i go long wol.

Wanem we bae yumi no save luksave i we, wanem we i tru we i tabu disaen ia.

Stap Lukaotem mo Letem Sevya i Kontrolem Yumi

Olsem wan singgel woman we i wantem tumas blong mared mo gat pikinini long plante yia, mi wantem tumas long hat blong mi mo biliv se, wan stamba tingting blong laef blong mi i blong kasem wan famli we i stret gud evriwan olsem we famli, ofisol toktok i go long wol i stap putumaot. Be yet, nomata ol hadwok we i kam long hat blong mi, mi luk se mi no save mekem olgeta i hapen long wei we mi biliv se i mas olsem. Ol traehad ia oli kam ol bigfala harem nogud.

Wanwan taem, mi no save luk ol gudgudfala merikel wok blong Lod we Hem i stap mekem insaed long hat blong mi tru ol hadtaem ia.

Taem mi stap luklukbak, ol samting we hat blong mi wantem tumas we oli no bin hapen oli bin plei wan tabu rol, blong gat hat we i dipen long Ridima, blong lukaotem pis mo daereksen we Hem nomo i save givim mo mekem tras blong mi i kam moa strong long lav blong Hem we i stret gud evriwan mo paoa blong save mekem samting. Evri dei prea mo skripja stadi, mo speseli ol toktok blong konfrens, oli kam wan laef laen blong hop mo daereksen. Mi filim gud blong tanem mi i go long ol toktok blong petriakol blesing blong mi—mo ol narafala prishud blesing—blong faenem lav mo daereksen we oli kam long Papa we I No save finis blong miwan.

Taem mi talemaot ol samting long hat blong mi i go long Lod, iven taem mi stap tanem mi go longwe wetem wan konkon filing, ol tabu filing oli kam long maen mo hat blong mi we i givim hop long mi se, Hem i save weaples mi stap long hem, se laef blong mi i gat wan naesfala plan mo we mi save trastem Hem. Wan ples blong stap tru long kavenan³ long Ridima blong mi i kam wan janel blong kasem pis mo glad bitim eni narafala ples we i save mekem i hapen o bigfala glad.

Mi kam blong luksave se nomata se mi bin bilivim se stamba tingting blong laef blong mi i blong kasem wan famli we i stret gud evriwan, Lod i stap mekem i posibol wanem we Elda Jeffrey R. Holland blong Kworom blong Olgeta Twelef, we oli singaotem olsem stamba tingting blong laef long wol ia. Kwot blong King Benjamin, hem i eksplenem se, “Be stamba tingting i blong … kam olsem ‘wan pikinini, i stap lisin, no stap flas, putum tingting blong hem i stap daon, i save wet longtaem, i gat plante lav, glad blong stap biaen long evri samting we Lod i tingting blong putum long hem, olsem wan pikinini i stap biaen long papa blong hem.’”⁴

Nid blong mi blong askem help mo paoa long Sevya i bin lidim mi blong lukaotem mo eksperiensem hat blong Hem we i stap lisin, no stap flas, putum tingting i stap daon, save wet longtaem mo lav. Long rod ia mi bin jenis tru long paoa blong Hem we i save jenisim man. Mo long trutok, hemia i wanem we mi wantem moa insaed long hat blong mi. Wanem we i no save kam “stret gud evriwan” i bin stretem gud rod blong hemia we oli moa naes we i “stret gud evriwan.”

Fren blong mi mo kolik blong mi, Ty Mansfield i bin tokbaot wan trutok we i semmak olsem hemia. Olsem wan man we i eksperiensem filing ia blong wantem wan man bakegen, Ty i bin witnesem fasin blong gro long saed blong spirit we i save tekem ples taem yumi angkarem laef blong yumi long Jisas Kraes mo wantem blong givim ful hat blong yumi i go long Hem, stap letem Hem i mekem i kam tabu ol hadtaem eksperiens blong yumi i kam ol blesing blong yumi. Blong Ty, i bin stat taem Spirit i bin tijim hem “se nomata se mi no mared, lav blong Hem long mi i nogat en mo God i akseptem mi. Responsabiliti blong mi i blong gohed blong laef wan dei i go long nara dei taem mi stap lukaotem mo folem daereksen blong Spirit.”⁵ Mo long en, Ty i trastem God mo Hem i lidim Ty blong kam insaed long wan hapi, naesfala mared we i no save finis wetem waef blong hem.

Developem wan Strong Rilesensip wetem Sevya

Mi tu, long en mi bin mared, afta we mi stap tingting se bae mi mared sam dei o nogat. Be nid ia blong mas hang fulwan long Jisas Kraes i stap gohed nomo, sapos i no kam antap, long fas yia we mi bin sil kasem tedei, wetem hasban blong mi. Bakegen mi stat blong lukaotem pis long Hem taem mi stap traehad blong save gat pikinini. Mi no save olsem wanem nao mi save kasem glad ia we mi stap hop from long famli laef sapos mi nogat ol pikinini. Be nomata hemia, mi mo hasban blong mi mitufala i bin kasem blesing ia blong gat tu pikinini, plante taem mi stap lukluk nomo long ol samting we mi no strong long olgeta olsem wan mama. Nomata se long en mi bin kasem wanem we oltaem mi stap wantem, long samfala wei, spes ia bitwin wanem we i no “stret gud evriwan” mo hemia we “stret gud evriwan” i stat blong gro.

Ol situesen ia oli mekem mi tingting bakegen long stamba tingting blong laef long wol ia mo tabu rod we yumi stap folem we oli odenem, we tru long hem yumi gro. Ating stamba tingting blong laef i no blong kasem stret wan famli we i stret gud evriwan. Ating stret gud evriwan i no gat long laef long wol ia. Ating, hem i famli, be i wan janis blong stap laef mo gro long wol ia.

I tru, ating wanem we i tru i blong filim bigfala harem nogud “bitim blong kam stret gud evriwan” i stret wei ia blong mekem i hapen tabu stamba tingting blong wantem blong kam antap we yumi nidim, blong save laef folem ol rilesensip we oli “stret gud evriwan”. Ating, wanem we i tru i we paoa i stap long bigfala spes bitwin samting we i tru mo hemia we i stret gud evriwan i stap invaetem yumi i go insaed long wan rilesensip we i moa dip wetem Jisas Kraes, mo ples ia Hem i hilim mo mekem i kam tabu wanem we yumi filim we i brokbrok i kam gud, bildimap waes tingting, paoa mo gat lav long rod ia. I wan bigfala merikel, se tru long glad hat blong Hem mo fasin blong pemaot man, mo tru long Hem wan nomo, se yumi save kam ol kaen pipol long ol kaen rilesensip we yumi lukaotem blong gat long heven.

Mi bin kam blong bilivim se “fasin blong kam stret gud evriwan” i no posibol nomo long ol famli rilesensip, blong eniwan—we i blong laef ia nomo. Be onesti, hamas yu save stap tru, mo fasin blong stap mo wok tugeta, oli tru mo stap ia. I tru se, blong stap aktem mo stap wantem se fasin blong kam stret gud evriwan, bae i krosem filing ia blong kam kolosap long God, ol famli blong yumi mo ol narawan. Be, sapos yumi letem oli luk yumi olsem we yumi stap mekem tru long Kraes, ol famli blong yumi mo ol narafala man, mo tu hemia we “oli no save kam stret gud evriwan,” yumi save invaetem tabu paoa blong Hem i kam insaed long laef blong yumi. Yumi save eksperiensem bigfala paoa blong Hem blong i stretem ol situesen we oli no stretem yet, fulumap yumi wetem lav blong Hem, mo jenisim yumi i kam ol man we oli gat strong rilesensip wetem Hem mo olgeta we yumi lavem tumas.

Ating, wanem we i moa tabu insaed long famli, ofisol toktok i go long wol, i blong givim yumi hop ia se from Jisas Kraes,famli we i “stret gud evriwan” i save kam wan ples we i no save finis blong wanwan long yumi.

Olsem ol pikinini gel mo boe blong Papa mo Mama long Heven, yumi evriwan i pat blong famli ia we i no save finis. Spesel eksperiens blong yumi wanwan long laef ia blong wol, i wan impoten pat long plan blong Papa long Heven blong helpem yumi progres “mo long en, bae [yumi] gat raet blong kasem laef ia we i no save finis”⁶—semmak naesfala famli laef we Hem i eksperiensem, be i defren long wanem ol eksperiens blong yumi long saed blong kam stret gud evriwan long taem blong yumi tedei. Elda D. Todd Christofferson blong Kworom blong Olgeta Twelef Aposol i bin talemaot se: “Atonmen blong Jisas Kraes, olsem we plan i stap, mo long en, bambae i kam fulumap spes blong eni hadtaem mo lus blong olgeta we oli tanem olgeta i go long Hem. I no gat wan we i stap we, fiuja blong hem, oli putum finis se bae hem i no save kasem evri samting we Papa i gat long ol pikinini blong Hem.”⁷

Semmak olsem we Lod i bin promesem Jekob long medel blong ol jalenj blong famli blong hem we i no “stret gud evriwan,” kavenan rilesensip blong Hem wetem yumi i givim hop long yumi se, “Long evri ples we bambae yu pas long hem, mi bambae mi stap wetem yu blong lukaot long yu, mo bambae mi tekem yu yu kambak [hom] bakegen. Bambae mi no save lego yu, gogo mi mekem olgeta samting ya we mi promes long yu blong mekem” (Jenesis 28:15). Taem yumi folem Hem, nomata ol samting we yumi mekem oli no stret gud evriwan olsem we oli stap, Hem bambae i no “letem yumi go,” kasem taem yumi kam wanem we hat blong yumi i wantem blong kam, blong joen long ol famli rilesensip we fulap long glad we i no save finis.