“E Faapefea Ona Ou Fausia i luga o se Faavae Mautu?,” Liahona, Fep. 2023.
Sau, Mulimuli Mai ia te A’u
E Faapefea ona Ou Fausia I Luga o Se Faavae Mautu?
Atavali na saunia e Justin Kunz
O le faataoto i le tagata poto ma le tagata valea ua aoao mai ai ia i tatou le tāua o le fausiaina i luga o se faavae mautu e lē gata i le faalogo i afioga a le Alii ae faapea foi ona faia o le upu (tagai i le Mataio 7:24–27). Ua aoao mai i tatou e le Helamana 5:12 e tatau ona fausia o tatou faavae faaleagaga i luga “o le papa o lo tatou Togiola, o le Keriso lea, o le Alo o le Atua.” O le fausia i luga o se faavae malosi e lē faigofie ona oo mai. O le a le mea na fai e le tagata poto e lē maluelue ai lona fale? (tagai i le Luka 6:48).
Mafaufau e toe iloilo nisi o aoaoga a le Faaola mai le Lauga i luga o le Mauga o loo lisi atu i lalo. Pe o i ai se aoaoga faapitoa e te lagona le musuia e faataitai atili i lou olaga? E faapefea e lena aoaoga ona faamalosia lou sootaga ma le Tama Faalelagi ma Iesu Keriso? E mafai ona e faia se fuafuaga e faaaoga ai lena aoaoga i lou olaga ma mafaufau i lou alualu i luma i le āluga o taimi.
Lotomaualalo Mataio 6:1–8, 16–18
Tatalo: Mataio 6:5–13
Faamagaloga: Mataio 6:14–15
Faamuamua: Mataio 6:19–24, 33; 7:6, 21–23
Faalagolago i le Atua: Mataio 6:25–34; 7:9–11
Faamasino ma le amiotonu: Mataio 7:1–5, 15–20
Ole atu ma le faatuatua: Mataio 7:7–8
Agalelei: Mataio 7:12
Usiusitai: Mataio 7:21–27