Mo Mātua

Fausia i luga o Aoaoga a Iesu Keriso

Mātua Pēlē,

E faigata le olaga, e oo lava i e faamaoni. Ae e mafai ona e faaaogaina tusitusiga o loo i lenei lomiga e aoao ai lau fanau e faapea, o le fiafia tumau e mafai ona avea ma ā tatou pe afai o le a tatou fausia i luga o aoaoga a Iesu Keriso.

Talanoaga o le Talalelei

Mulimuli i “Maafaailoga” Faaleagaga

I le tusiga a Elder Renlund o loo i le itulau 4, o a nisi o maafaailoga o le alasopo ua saunia e le Alii e fesoasoani ia i tatou ia ausia lo tatou taunuuga e faavavau? Talanoa ma lou aiga i auala o loo e mulimuli ai i nei maka o le alasopo.

O Se Faapotopotoga Faafeiloai Tele o le Au Paia

Ua ia i tatou le valaau paia e faapotopoto Isaraelu ma fesoasoani i fanau uma a le Atua ia lagona Lona alofa mo i latou. Aotele le tala o loo i le itulau 8 e uiga i se uarota na fesoasoani i le toatele o tagata sulufai. O ai e mafai ona fesoasoani i ai lou aiga?

Fesoasoani i Auala e Lei Faamoemoeina

E lē fesoasoani mai le Faaola ia i tatou i taimi uma i le ala tatou te faamoemoeina. Faitau le tusiga o loo i le itulau 14 e uiga i auala eseese na Ia laveaiina ai Ona soo mai afā. O a nisi o vavega na faia e le Faaola mo lou aiga, ma e i ai nisi o nei vavega e oo mai i ni auala e lei faamoemoeina?

Filemu Tumau ma le Mautinoa

Faitau le tusiga a Elder Kyangu o loo i le itulau 40 e uiga i le tāua o le aoaoina o le finagalo o le Alii ma taliaina ma le faamaoni. Ia talanoaina o se aiga le uiga o le gauai atu o lou loto i le Atua. O le a se mea e mafai e le Atua ona fai i o tatou olaga pe a tatou faia mea ua Ia poloaiina ai i tatou?

Mea Mālie Faaleaiga o le Sau, Mulimuli Mai ia te A’u

Faamanuia e ala i Faaamuia

I le Mataio 5, o loo aoao atu ai e le Faaola i Ona soo se tulafono maualuga atu e ola ai ina ia mafai ai ona avea i latou e faapei o Ia.

1. Faitau faaamuia o loo i le Mataio 5:1–12. Talanoa e uiga i uiga taitasi ma le folafolaga e o faatasi ai.

2. Tusi le igoa o tagata taitoatasi i luga o fasi pepa eseese.

3. Tuu atu i tagata taitoatasi se pepa, ia mautinoa latou te lē mauaina se pepa o loo i ai o latou lava igoa o tusia ai.

4. Tuu atu i tagata uma e tusi se ata o se taimi na faaalia ai e le tagata o loo i luga o a latou pepa se tasi o faaamuia. Tusi se fuaiupu e uiga i ai. Mo se faataitaiga, “O Hana o se faatupu filemu auā sa ia faasoa atu i lona uso.”

5. Sue le faamanuiaga e fesootai ma lena faaamuia ma tusi i le pito i lalo o le itulau.

6. Feauauai i le faasoaina atu o mea na tusia.

Talanoaga: E faapefea e le ola ai i le ala na aoao mai e Iesu Keriso ona aumaia ia i tatou le fiafia tumau? E mafai faapefea e le Tama Faalelagi ma le Faaola ona fesoasoani ia i tatou e atiina ae nei uiga?

Na auina mai e Mitzi Schoneman

Mai le Mekasini o le Mo Le Malosi o le Autalavou

Mulimuli i le Ala a Keriso

Ua aoao mai e Elder Dale G. Renlund le autalavou i le ala ua tuuina mai ai e Iesu Keriso ia i tatou ia faailoga ala o le alasopo i la tatou malaga i lo tatou aiga faalelagi.

Pe Tatau Ea Ona Tatou Atoatoa?

Ua tali Jeffrey R. Holland Elder i le fesili “O faamoemoe moni mai ea le Atua ia tatou atoatoa?”

Lagonaina o le Agaga Pe a E Popole

E talanoa le autalavou e uiga i le auala e lagona atili ai le Agaga pe a e lagonaina le atuatuvale po o le popole.

O Le Tino o se Faatupu Filemu

Aoao e uiga i galuega i totonu o se faatupu filemu.

Mai le Mekasini o le Uo

Tu Atu mo Isi

Faaaoga le itulau lenei e fesoasoani ai e aoao lau fanau e tutū atu mo isi, e pei ona sa faia e Iesu.

O Gaoioiga o le Sau, Mulimuli Mai ia te A’u

Saili gaoioiga faalevaiaso e fesoasoani ia fiafia le suesueina e lou aiga o tusitusiga paia.

12 Pepa Faapiipii Ataata

Faitau le tala lenei e aoao ai pe faapefea ona faasoa atu e Atonio le fiafia i isi e ala i le auauna atu.