Kam Butimwaeaki Nakon te Beeba ni Kaongora Aei

Te Tabo ni Katantan man te Angibuaka

Tamnei mairoun Getty Images

Ko a tia n tekateka iaan te tabo ni katantan n tain buakan te karau? Ngke e bwaka te karau, e tebe iaon taubukin te auti ao karongoan tebetebena e taonaa nako tangin bwaai tabeua. Kona kanga n tiku ni mau ibuakon te buaka? Mwaakan ara Tia Kamaiu ao rokona ai bon aron raoi te tabo ni kantantan anne.

Te beeba ni kaongora n te Riaona e boboto iaon aron Iesu Kristo ni uota te rau nakon kangaanga ao kataaki are e rinanona temanna n te maiu. Ti aki kona n totokoi kataaki ao kangaanga. Ma n ai aron taabo ni katantan ake a kamanaoira man te karau, ngkai ti maiuakin maiura nakon ana katooto Iesu Kristo, E buokiira ni kunea te rau ngkana ti riinanon te kataaki. I kaoi ngkami bwa kam na wareka ana rongorongo Unimwaane Dieter F. Uchtdorf “Au Rau I Anganii Ngkami” (iteraniba 4). E reirei, “Iesu Kristo, are e tau mwiin bwaai ni kabane, e kona naba ni kabebetei uotara” ao “te rau e riai n aki anaaki mai inanora, riki ngkana tina korakai, n tang, n tataninga te Uea.”

I a tia naba n rinanon “te kangaanga” inanon maiu. Kataaki aikai a tia n reireinai bwa Iesu Kristo bon ti ngaia ae karekea te buoka ao te rau. Ngke I tibwaia n au marooro “Te Mwaaka ni Kateirakea Temanna” (iteraniba 40), ara Tia Kamaiu e kona ao e na roko n iriira ni mwanangara nakon mweengara. E raoniira ngkai ti kakaantaningai kakabwaia ake a taekinaki n te berita. Ao e aki kona n oimwi Irouna n tabekiira rake. E Tangiriko. I tataro bwa kam na kariaia bwa e na riki bwa katanami ao te tabo ae mano ni bwaai nako ake ko kaitarai.

Ma te tangira,

Bonnie H. Cordon

Te Beretitenti ni Kabuta n te Bootaki n Ataeinnaine