“Au Taratara mai Eta,” Riaona, Maati 2023.
Bwanaaia Aika Itiaki ni Boong aika Kaitira
Au Taratara mai Eta
I bon kuri ni karenakoa te bwai are I kainnanoia bwa N na kakoroa iai au kouru.
Tamnein Roy’s Peak aono iroun te tia korokaraki
N te tai ae aki maan n nako, I nako n ira tamwarakean te maunga ae rang ataaki ae te Roy’s Peak ni maungan Aban New Zealand Maiaki. Ibukina bwa e kainnanoa tabeua te aoa tamwarakeana, I tii uoti bwaai aika I kainnanoia: tabeua te amwarake ao te ran ae mwaiti.
Ngke I waaki, au baekibaeki e a kaman tinebu. Te itera n aoa imwiin mwanangau, I namakina rawawatan au baeki iaon angau ao nuukau. Inanona te tai, I iangoia ni karenakoi tabeua au ran. Ma n te tai ae waekoa, I ataia are N na kainnanoia.
Teuana ao te itera n aoa imwain ae I roko i taubukin te maunga, te kawai e a rang katati ao e rabunaki n te tinoo. I a tabe n iango I aki kona n roko i taubukina, ma au kouru e kaungaai bwa N na reitinako.
Ngke I a roko i taubukina n tokin te tai, au baekibaeki e a rang beebete. Mai ikanne I a tia ni kana ni kabane au tianaki ao nima angiin au ran. Te motiarawa ao te kakaitau n tarakina ae tamaroa mai eta, I uringa mwanangau—nako taubukin te maunga ao inanon te maiu.
Inanon aoa, I rianna ni waerakea te maunga, n amwarake ao ni mooi bwa e aonga n aki bane ranin rabwatau bwa I aonga ni korakora n reitinako. Tera are e taraa n rawawata n te moan tai—te ran are e karekea te maiu—e kakabwaiaai ni karokoai n au kouru.
Ti bane n rinanon kakukurei ao karawawata, ma te Tamnei ae Raoiroi e buokiira ni karaoi babaire aika a raraoi. I a kuri ni katuka ae raka iaon te itera n riita iaon te kawai, ma I namakinna bwa I riai ni kawakinna.
Ma matau aika a ranran, I karabwa Tamara are i Karawa ibukin ururing aikai. N tiku iaon te maunga ae rabunaki n te tino n te bong anne e kaunga nanou ni baronga maiu, au babaire, au kouru, ao ai nnen au bwai ae te baekibaeki.
Imwain ae I tamwarake, I bon kaonaki n te nanokokoraki ni kaineti ma maiu ao au mwakuri n te aba ae I iruwa iai. Ma ngkai I namakinna bwa a na bane n nakoraoi bwaai ni kabane. I ataia bwa te Uea e na kawakinai.
N raonaki iroun te Tamnei, I ataia bwa I kona ni karaoi babaire aika eti ake a na tabekairake n au iango, ni korakorau, ao n tamneiu. Ao ngkana taai ake I namakina te kua man te kataaki n te maiu, I kona n rairaki nakon ara Tia Kamaiu, ngaia te “ran ni kamaiu” (Ioane 4:10). I ataia e na kamwarakeai ao e na kabebetei uotau (taraa Mataio 11:28–30).