“Onimakinan Mwaakan te Uea ao Burabeti,” Riaona, Maati 2023.
Ibukiia Kaaro
Onimakinan Mwaakan te Uea ao Burabeti
Tamnei iroun Ravell Call, Deseret News
Nakoia Kaaro aika a Tangiraki,
N ara aonaaba ae rikirake ni mangaongao, e kona ni kai namakinaki te maaku ao te nanokokoraki. Ma ngkana ti rairaki nakon Iesu Kristo ibukin te karaunano, E kona ni uota nakoira te rau inanon kangaangan te maiu. Wareki rongorongo inanon te beeba ni kaongora aei ni kunea bwa e kanga te Tia Kamaiu ni kona ni buokiko ni borauakin am kakaewenako.
Marooro iaon te Euangkerio
Te Tia Kamaiu e Tatauraoi n Anga te Rau Inanon Taai ni Kangaanga
N raonaki irouia am utu, wareka ana rongorongo Unimwaane Uchtdorf iaon iteranba 4 bwa e kanga onimakinan Kristo ni karekea te mwaaka ni kona ni karekea te rau inanon taai ni kangaanga. Ikotaki maroroakini kawai tabeua are e anga iai Iesu te karaunano. Tera ae ko kona ni karaoia bwa kona kaoa Mwaakana inanon maium?
A kanga Nakoanibonga ni Kakabwaiaia Ara Utu?
Wareki rongorongo iaon iteraniba 22 iaon taekan kakabwaia n te nakoanibonga. Kaoiia kain te utu bwa a na tibwai taai ake a karekei iai kakabwaia n te nakoanibonga. Tera ae a namakinna? E kangaa te kakabwaia ni buokiia? Iai te kakabwaia ae e kona ni buoka kain te utu n te tai aei?
Te Uea E Kabonganaia Ana Burabeti ni Buokiira ni Karikirakea te Ninikoria
N te rongorongo iaon iteraniba 30, Unimwaane Sikahema e maroroakinna bwa e kanga iriiran aia reirei burabeti ni buokia n tei ni matoatoa inanon ana koaua ao ana kainibaire inanon nakoana bwa te tia takakaro ae bane arona n te butiboora n America ao rinanon nako maiuna. Imwiin warekan te rongorongo aei, ko kona ni karekeia kain am utu n tatabemaniia bwa a na tibwa te tai are a iriira iai te burabeti ni buokiia ni karekea te ninikoria.
Nakomai, Iriirai Kaunga ibukin te Utu
Rikirake, Rikirake, Ni Katoa Bong
Ngkai membwa n ana Ekaretia Iesu Kristo are e kaokaki, ti katabeaki bwa tina buoka abanuean te Atua bwa e na rikirake iaon te aba. Mataio 13:31–32 e kangai:
“Uean te Atua ai aron uan te makeke, are e anaia te aomata temanna n unikia i abana:
“E bon uangingi riki nakon ua ni kabane; ma ngkana e a ikawai, ao e ababaki riki nakoni kai aika ububu, ao e riki ba te kai ae rietaata.”
-
Tekateka inanon te mronron ao bwaoua n aron tuaan te makeke ae uangingi.
-
Anganiia ni kabane bwa a na ikaruoruo n taekina te waaki ni kakukurei are a kona ni karaoia ni katoa bong ni buoka te Ekaretia bwa e na rikirake (kaota aia koaua, tibwai kiibu man koroboki aika tabu iaon bwaai n reitaki, tibwai koauan te euangkerio ma te rao, etc.).
-
Ni katoa tai are e taekina temanna te waaki ni kakukurei are e buoka rikiraken te Ekaretia, ni kabane a tekateka ni kaetiia teutana ao imwiina a moana teirakeia ni karokoa a tei n abwabwaki.
-
Maroroakinna ma am utu bukin tera e kakaawaki ibukiia ni kabane bwa a na karaoa aia itera teuanne ke neienne ibukin rikiraken te Ekaretia.