E na Kanga ni Buokai te Tia Kamaiu?

Tamnei

te mwaane ae katorobubua imatan Iesu

Healing the Leper, iroun E. S. Hardy © Providence Collection / raitienti man Goodsalt.com

Iesu Kristo “e nakonako ni karaoa ae raoiroi” (Makuri 10:38): E kamarurunga te reebera (taraa Mataio 8:2–3). E kamarurunga ana toro ae mataniwiin ae tebubua, are e namakinna bwa e aki tau ma e kakaoaua bwa te Tia Kamaiu e na bon buokia naba. (taraa Mataio 8:5–13). E anganiia Ana reirei te rau n tain te buaka (taraa Mataio 8:23–27). Ngke E noora te aine are e taonaki n te nanokawaki ni maten ana riki temanna, E karaua nanona ao e anganna te kantaninga, imwiina e kauta natina man te mate (taraa Ruka 7:11–15).

Waaki ni Kakukurei

Ti kona n namakina mwaakan te Tia Kamaiu n te bong aei ngkai ti kamwakuri ara onimaki Irouna. Wareka teuana te rongorongo man te wiiki aei n Nakomai, Iriirai n te wareware. Atai aron ana kaeka te Tia Kamaiu nakon kainnaoia ao aia onimaki aomata.

Iangoi ke maroroakin titiraki aikai n iangoa aron te Tia Kamaiu n tia ni buokiko inanon maium:

Nningai ae I a tia ni katuka au onimaki iai iroun te Tia Kamaiui ao n namakina Ana kamaiu (n namakin, iango, maiu n tamnei, ke n rabwata)?
Nninga ae I namakina iai Ana rau?
Nninga ae I karekea iai ana ibuobuoki ae I aki kantaningaia mairoun te Tia Kamaiu?
Nninga ae I noora iai Baina rinanon kakai ke te nanoanga?
Inanon maiu ngkai, N na kanga ni kakorakora au onimaki Irouna ao ni karekea Ana ibuobuoki?