Boton te Euangkerio

Kakabwaia n te Nakoanibonga

Kristo E Katabuia Abotoro ake Tengaun ma Uoman, iroun Harry Anderson

Te kakabwaia n te nakoanibonga e karaoaki n te kairi mai eta rinanon teuare iai irouna te Nakoanibonga ae te Merekitereka. Kakabwaia n te Nakoanibonga e kona ni karaoaki ibukiia natin te Atua bwa a na karekea mwaakana, kamarurungaia, karauan nanoia, ao kairakiia.

Te Nakoanibonga

Te nakoanibonga bon mwaakan ao ana kariaia te Atua. Mwaane aika tau n te nakoanibonga ae te Merekitereka a mwakuri n aran Iesu Kristo ngkana a anga kakabwaia n te nakoanibonga. Ngkai a anga kakabwaia aikai, a ira bannan te Tia Kamaiu ni kakabwaiaia tabeman.

Tamnei iroun David Winters

Aron Kanakoan Kakabwaia

Kakabwaia n te Nakoanibonga a karaoaki man te katoka bai. Te nakoanibonga ae te Merekitereka e katokai baina iaon atuun te aomata are e na karekea te kakabwaia. Imwiina e anga te kakabwaia man ana kairi te Tamnei. Naake anga kakabwaia ao naake a karekei a kamwakura te onimaki iroun te Atua n onimaki n Ana kantaninga ao ana tai.

Aranakiia ao Kakabwaiakiia Ataei

Imwiin bungiakin te teei, te nakoanibonga e angan teuanne ke neienne arana ao te kakabwaia (taraa Reirei ao Berita aika Tabu 20:70). Aio e kakaraoaki n tain te aki mamatam ao te bootaki ni kaotikoaua. Te ataei e anganaki moa arana. Imwiina te nakoanibonga e angan te ataei te kakabwaia.

Kakabwaiakiia Aoraki

Nakoanibonga ae te Merekitereka a kona n anganiia aomata ake a aoraki te kakabwaia. Te kakabwaia aei iai uoua mwakorona: te kabiribiri n te bwaa ao kabaeakin te kabiribiri. Te moan, te nakoanibonga e katimwa te bwa ae te oriwa are e a tia ni katabuaki, ke kakabwaiaki, iaon atuun te aomata ao e anga te tataro ae kimototo. Ngkanne te nakoanibonga are temanna e kabaea te kabira ao e angan te aomata te kakabwaia are e kairaki iroun te Tamnei ae Raoiroi.

Kakabwaia ni Karaunano ao te Reirei

Naake iai irouia te Nakoanibonga ae te Merekitereka a kona n anga kakabwaia ni karaunano ao n reirei nakoia kaain te utu ao nakoia ake a bubuti rekena. Te karo are iai irouna te Nakoanibonga ae te Merekitereka e kona n anga ana kakabwaia n tama nakoia natina. Aikai a kona n ibuobuoki riki ngkana naati a kaitarai kangaanga aika onoti.

Kamatoaakia Membwa bwa A na Beku i nanon Nakoa

Ngkana membwa n te Ekaretia a karekei nakoaia, a anganaki te kakabwaia ngkana a katabuaki nakon te beku. Te tia kairiiri n te nakoanibonga e kakabwaiaia ma te kariaiakaki ni mwakuri inanon te nakoa. Te tia kairiiri n te nakoanibonga e anganiia te kakabwaia bwa e na buokiia n aia beku.

Tamnei iroun Shauna Stephenson

Kakabwaia n te Tamanuea

Membwa ni kabane ake a tau a kona ni karekei aia kakabwaia n te Tamanuea. Te kakabwaia aei bon anganakin te aomata te reirei mairoun te Uea. E kona ni karekea te kairi ao te karaunano inanon maiun te aomata. E kaota naba rikin te aomata n ana auti Iteraera. Bon tii are katabuaki tamanuea ae kona n anga te aekaki ni kakabwaia aei.

Man Koroboki aika Tabu

Iesu Kristo e kakabwaia te aoraki man te katokabai (taraa Ruka 4:40).

Membwa ake a beku n te Ekaretia a katabuaki irouia naake iai irouia te kariaiakaki (taraa Reirei ao Berita aika Tabu 42:11; Taekan te Onimaki 1:5).

Aomata ake a aoraki a kona ni butiia te nakoanibonga ibukin te kakabwaia (taraa Iakobo 5:14; Reirei ao Berita aika Tabu 42:44).

Taeka aika a na Uringaki

Bootaki n aki mamatam ao ni kaoti koaua: Te bootaki n toa te tabo are membwa n te bootaki n taromauri a kaoti aia koaua. Membwa a aki mamatam—waaki n akea te amwarake ao te mooi n te bong anne—ae kakaraoaki ni moan Tabatin te namwakaina.

Katabu: Katimtimwan te bwa ni mwakoron te kakabwaia n te nakoanibonga ibukin te aoraki.

Tamanuea: Teuare iai irouna te nakoanibonga e katabuaki bwa e na anga kakabwaia n tamanuea n ana titeiki.

Kakaea Riki ae Mwaiti

Ngkana iai am titiraki ibukin te kakabwaia n te nakoanibonga, ko kona n taetae nakoia taari ao aine n ibuobuoki, am taan kairiiri n am uoote ke mwaanga, ke mitinare. Ibukin rongorongon riki karaoan te kakabwaia n te nakoanibonga, taraa mwakoro 18 n te Aeniboki ni Kabuta: Babairean aron Kairan te Ekaretia n ana Ekaretia Iesu Kristo ibukiia Aika Itiaki ni Boong aika Kaitira n ChurchofJesusChrist.org.