“Ol Kastom blong Berem Ol Man Jiu,” Liahona, Maj. 2023.
Ol Kastom blong Berem Ol Man Jiu
Lasaros, Mata, mo Meri oli ol brata mo sista we oli stap long taon blong Betani. Oli ol fren blong Sevya, mo Hem i visitim olgeta long plante taem. Long wan poen long taem blong ministri blong Hem, Jisas i lego Judia, ples we Betani i stap long hem, from ol Jiu long eria ia oli stap lukaotem blong kilim Hem (luk Jon 10:39–40). Taem Jisas i bin aot i stap, Lasaros i sik bigwan, i ded, mo oli berem hem folem kastom blong ol man Jiu (luk long Jon 11:1–17).
Hemia sam long olgeta kastom we maet oli bin folem long taem blong ded mo berem Lasaros.
Afta we wan man o woman i ded, oli klosem ol ae blong hem. Oli wasem bodi blong hem wetem ol senta we oli smel gud olsem mir, mo alos (luk long Luk 23:56; Jon 19:38–40).
Ol pikja mo droing oli kam long Noah Regan
Oli rabem bodi long kaliko mo karem i go long haos blong ol famli, we ol famli mo neba oli save kam visitim (luk long Ol Wok 9:37).
Folem kastom ded bodi i save stap kasem 8 aoa nomo, oli karem bodi long bed blong karem ded bodi i go long grev blong evri visita i luk ded bodi (luk long Luk 7:12–14). Ol woman oli statem Ol famli memba oli terem ol klos blong olgeta olsem wan saen blong harem sore.
Sam hol blong ston oli katem i go insaed long ston (luk long luk Matiu 27:58–60). Ol hol blong ston ia ol doa blong olgeta i smol nomo blong pipol i go insaed ol man oli benem olgeta blong go insaed.
Bodi ia i lei daon long wan ston bed we oli katem aot long ston. Oli sarem hol blong ston wetem bigfala raon ston blong blokem ol stilman o animol blong go insaed.1
Afta we Jisas i resemap Lasaros long ded, ol disaepol blong Hem oli gat wan risen we i gat moa paoa blong givim hop long olgeta bitim blong stap sore long lus blong wan lav wan. Oli no save tanem baksaed long risen ia se from Jisas Kraes, “gref i no save win, mo blong mekem se harem nogud blong ded bae i no gat” (Mosaea 16:7).