“?Long wanem wei nao Sevya i stap helpem Mi?,” Liahona, Maj. 2023.
Kam Folem Mi
?Long wanem wei nao Sevya i stap helpem Mi?
Healing the Leper, i kam long E. S. Hardy © Providence Collection / laesens i kam Goodsalt.com
Jisas Kraes “i stap go olbaot long evri ples, i stap mekem ol gudfala wok” (Ol Wok 10:38): Hem i hilim wan man we i kasem rabis sik blong skin (Leprosi) (luk long Matiu 8:2–3). Hem i hilim wokman blong wan kapten blong ol soldia we i filim se hem i no klin inaf be i bilif se Sevya i save helpem hem (luk long Matiu 8:5–13). Hem i givim pis long ol disaepol blong hem long taem blong wan strong win (luk long Matiu 8:23–27). Taem Hem i luk wan woman we i harem nogud tumas from ded blong wan boe ia nomo we hem i gat, Hem i kamfotem hem mo givim hem hop, afta i mekem boe ia i laef bakegen long ded (luk long Luk 7:11–15).
Aktiviti
Yumi save filim paoa blong Sevya tedei taem yumi eksasaesem fet long Hem. Ridim wan long ol stori blong wik ia blong Kam Folem Mi riding. Luk olsem wanem Sevya i bin stap ansarem ol nid mo fet blong pipol.
Tingting hevi o toktok raon long ol kwestin we i stap ia blong tingbaot olsem wanem Sevya i bin helpem yu long laef blong yu:
-
?Wanem taem nao, mi putum fet blong mi long Sevya mo filim hiling blong Hem (long saed blong filing, long tingting, long spirit, o long bodi)?
-
?Wanem taem nao mi bin filim pis blong Hem?
-
?Wanem taem nao mi bin kasem help i kam long Sevya we mi no bin stap tingting long hem?
-
?Wanem taem nao mi bin luk paoa blong Hem tru long wan merikel o long fasin blong gat sore?
-
Long laef blong mi naoia, bae mi mekem olsem wanem blong gat moa fet long Hem mo kasem help blong Hem?