Sau, Mulimuli Mai ia te A’u

Luka 10

E Faapefea Ona Ou Faaaluina Lo’u Taimi?

Maria ma Mareta, saunia e Harold Copping © ProvidenceCollection / laiseneina mai le GoodSalt.com

O Mareta o se soo faamaoni o Keriso (tagai Ioane 11:27). Ina ua asiasi atu Iesu Keriso i lona fale, sa galue malosi Mareta e faamautinoa na tausia lelei ana malo. O lona uso o Maria “ua nofo o ia i lalo i tafatafa o vae o Iesu, ma faalogo i lana fetalaiga” (Luka 10:39). Ina ua mavae le lofituina o Mareta i le tele o [ana] galuega, sa tuu atu e Keriso ia te ia se faamanatu mālū e toe taulai atu i mea sa sili ona tāua i lena taimi. Sa faia e Mareta le galuega lelei, “a o le mea lava e tasi e ao ina ia maua: ua filifilia foi e Maria lea mea lelei” (fuaiupu 42).

E pei ona fautuaina mai e le tusi lesona o le Sau, Mulimuli Mai ia te A’u , e mafai e lenei tala ona uuna’ia i tatou e iloilo auala tatou te faaaluina ai o tatou taimi. O nisi nei o fesili e te ono amata ai.

1. O o’u popole ea i le taumafai e fai le tele nauā o mea lelei?

2. O tuleīa ese e nei mea ia mea lelei sili atu, ma mea e paia atu?

3. O a ni mea atuatuvale e mafai ona ou aveese mai lo’u olaga?

4. O a ni mea aogā e mafai ona ou faaopoopo atili i lo’u olaga?

5. E mafai faapefea ona ou faaavanoaina se taimi e faalogo ai i le Faaola?

“E lē faapea a lelei se mea ona lava ai lea o se mafuaaga e faia ai. O le aofaiga o mea lelei e mafai ona tatou faia e sili mamao atu nai lo le taimi avanoa e faataunuuina ai. O nisi mea e lelei tele atu nai lo o le lelei, ma o mea na e tatau ona matua’i taulai atu i ai le faamuamua i o tatou olaga.”

Peresitene Dallin H. Oaks, Fesoasoani Muamua i le Au Peresitene Sili, “Lelei, Lelei Tele, Lelei Silisili,” Liahona, Nov. 2007, 104.