Mo Mātua

Sauniuniga ma le Alualu i Luma

Mātua Pēlē,

O le lomiga o lenei masina e mafai ona fesoasoani ia te oe e amata ai talanoaga ma lau fanau e uiga i le auala e fesoasoani ai sauniuniga i lo tatou alualu i luma i le faaolataga e faavavau. O manatu o loo i lalo e aofia ai autu e pei o le saunia mo le faavavau, le matafaioi a le Agaga Paia i aoaoga faaletino ma le faaleagaga, ma le auala e faia ai le vaiaso a o lumanai le Eseta ia sili atu ona anoa.

Talanoaga o le Talalelei

O Sauniuniga mo le Faavavau

Faitau le tusiga a Peresitene Nelson “O Iesu Keriso o Lo Tatou Faaola,” i le itulau e 4. O i ai ni tagata o le aiga o loo e tulimatai atu e toe feiloai i ai i le isi olaga? O a sauniga o le a fesoasoani i lou aiga ina ia faatasia mo le faavavau? Fesili atu: “O tatou faia ni faaiuga mo le taimi nei pe mo le faavavau?”

Avea Keriso ma Totonugalemu o le Eseta

O le faaaogaina o manatu i le tusiga “Faia o le Eseta o se Taimi e Manatua ai le Faaola” i le itulau e 8, faapotopoto faatasi ma lou aiga ma talanoaina mea e mafai ona e faia e manatua atili ai le Faaola i lou faamanatuina o le Eseta. O fea o tusitusiga paia, viiga, po o vaega o faatufugaga e fiafia lou aiga e aoao atili i ai?

Alualu i Luma e ala i le Aoaoina

Toe faamanatu le “A’otauina: O Se Taumafaiga Faaleagaga” i le itulau e 18. Na faapefea ona faamanuiaina lou aiga a o e sailia le Agaga Paia e fesoasoani ia te oe i lau aoga? O i ai ni auala e mafai ona e valaaulia ai le Agaga Paia ia avea o se vaega telē atu o lou aoaoina, e oo lava i aoaoga faalelalolagi? O a nisi o auala e mafai ai e oe ma lou aiga ona fesoasoani le tasi i le isi i le mauaina o le tele o le a’otauina? Faamata o le a fetaui lelei se tasi o polokalama faaleaoaoga a le Ekalesia mo se tasi o lou aiga?

Mea Mālie Faaleaiga o leSau, Mulimuli Mai ia te A’u

O Se Sane o Faaaliga

Mataio 16

Sa vaai Peteru ma faalogo i aoaoga a le Faaola. Peitai, sa ia maua lana molimau ia Keriso e ala i faaaliga nai lo ona sane faaletino—o lona “tino ma le toto” (tagai Mataio 16:13–17).

Ao mai ni nai mea faitino (tagai i manatu o i lalo). Feauaua’i e fusi mata. Tuu atu i tagata taitasi e faaaoga isi o latou sane e fa e mate ai po o le a le mea faitino.

Manatu:

• Sogisogi i se fugalaau

• Tofo i se meaai

• Faalogo i se pese

• Pa’i i se ofu mafanafana vaivai

Talanoaga: Faitau le Mataupu Faavae ma Feagaiga 6:14–15 ma le 8:2–3. E mafai faapefea ona tatou aoaoina le upumoni e ala i sane faaleagaga o faaaliga nai lo le na o le faalagolago i o tatou sane faaletino? Manatua e maua e tagata uma se molimau e ala i le Agaga Paia ae o nisi e ese le lagona o lena faatosinaga nai lo isi. E mafai faapefea e faaaliga faaletagata lava ia e ala i le Agaga Paia ona faalolotoina a tatou molimau ia Keriso?

Na auina mai e Mitzi Schoneman

Mai le Mekasini o le Mo Le Malosi o le Autalavou

O Se Lumanai Faamanuiaina

Ua faasoa mai e Peresitene Nelson i le autalavou le auala e faamanuiaina ai e le Faaola o latou lumanai iinei ma mafai ai ona maua o latou lumanai e faavavau.

O Se Auala Sili Atu e Aoao Ai

E i ai se matafaioi a le Agaga Paia i a tatou aoaoga uma i o tatou olaga.

Fesoasoani mo Taimi e Te Lagona ai le Vaivai

Saili pe mafai faapefea e Iesu Keriso ona faamalosia i tatou i o tatou vaivaiga.

Mai le Mekasini o le Uo

Faamanatuina o le Eseta

Faitau se sāvali o le Eseta mai ia Peresitene Nelson ma su’e tala ma gaoioiga e aoao ai lau fanau e uiga i le Toetu o Iesu Keriso.

Gaoioiga o leSau, Mulimuli Mai ia te A’u

Saili gaoioiga faalevaiaso e fesoasoani ia fiafia ai le suesueina e lou aiga o tusitusiga paia.

Aisea E Tāua Ai le Aoao?

Faitau le tali a Elder Bednar i lenei fesili ma fesoasoani i lau tama e aoao pe aisea e tāua ai le a’otauina.

O Lo’u Ala o Feagaiga

Faaaoga le itulau lenei e aoao ai lau tama e uiga i se faamanuiaga i luga o le ala o feagaiga lea e mafai ona fesoasoani ia i latou e toe foi atu ai e mau faatasi ma le Tama Faalelagi i se aso.