“Unsaon Nako sa Pagpasayon ang Akong Kinabuhi aron Motutok kang Kristo?,” Liahona, Sept. 2023.
Dali, Sunod Kanako
Unsaon Nako sa Pagpasayon ang Akong Kinabuhi aron Motutok kang Kristo?
They Were All Filled [Nangabusog Silang Tanan], ni Walter Rane; litrato sa magnifying glass pinaagi sa Getty Images
Si Apostol Pablo nagtudlo kanato nga motutok sa “bug-os ug lunsay nga paghigugma kang Kristo” (2 Mga Taga-Corinto 11:3).
Kalit ba gayod kamong nakaamgo nga inyong gihimo ang ebanghelyo ni Jesukristo nga mas komplikado kay sa kon unsa kini? Usahay motutok kaayo kita sa dayag nga mga panagway o sa gagmay nga mga detalye nga kita magsugod nga mobati nga nabug-atan.
Ipasayon ang Inyong Pamaagi
Si Elder Dieter F. Uchtdorf sa Korum sa Napulog Duha ka Apostoles naghatag niini nga sugyot, “Kon kamo naghunahuna nga ang ebanghelyo wala kaayo makahatag og benepisyo kaninyo, ako modapit kaninyo sa pag-atras, pagtan-aw sa inyong kinabuhi gikan sa mas taas nga ang-ang, ug ipasayon ang inyong pamaagi ngadto sa pagkadisipulo. Pag-focus sa sukaranang mga doktrina, mga baroganan, ug sa paggamit sa ebanghelyo. Mosaad ko nga ang Dios mogiya ug mopanalangin kaninyo sa inyong dalan padulong sa makatagbaw nga kinabuhi, ug ang ebanghelyo siguradong mas makahatag og benepisyo kaninyo” (“Nakabenepisyo Kaayo Kini!,” Liahona, Nob. 2015, 22).
Unsa ang usa ka sukaranan nga doktrina, baroganan, o paggamit sa ebanghelyo nga inyong matutokan niini nga semana?