“Sa Unsang Paagi nga ang Diosnong Kasubo Makatabang Kanato nga Maghinulsol?,” Liahona, Sept. 2023.
Dali, Sunod Kanako
Sa Unsang Paagi nga ang Diosnong Kasubo Makatabang Kanato nga Maghinulsol?
Gilitratohan ni Mark Brunson
Si Apostol Pablo mitudlo nga ang “Diosnong kasubo makapahinulsol ug magtultol kaninyo ngadto sa kaluwasan … apan kamatayon ang sangpotanan sa kalibotanong kasubo” (2 Mga Taga-Corinto 7:10). Tingali kita mobati og kalibotanon nga kasubo, kaulaw, ug kasagmuyo kon kita makasala. Apan samtang kita modangop sa Manluluwas aron maghinulsol, ato Siya nga gidapit aron usabon ang atong mga kasingkasing ug himoon ang atong kasubo ngadto sa kamaya (tan-awa sa Alma 36:18–20).
Ang Diosnon nga Kasubo ug Tinud-anay nga Paghinulsol
Kon kita mobati og diosnon nga kasubo, kita makaila sa atong mga pagkulang ug ganahan nga mahimong mas maayo. Kita mobati og paglaom sa umaabot—ug mobati sa gugma sa Manluluwas alang kanato.
Ikonsiderar kini nga mga pangutana samtang inyong tun-an ang 2 Mga Taga-Corinto 7:
-
Unsa ang buot ipasabot kon kita “masubo ngadto sa paghinulsol”? (bersikulo 9).
-
Unsa nga mga aksyon ang atong gihimo kon kita mobati og diosnon nga kasubo? (tan-awa sa mga bersikulo 10–11).