Te Ekaretia E Katanoata Kaboouan Anene n Taromauri

N te tai ae nako ao e baireia Ana Ekaretia Iesu Kristo ibukiia Aika Itiaki ni Boong aika Kaitira bwa e na kaotinakoi Anene n Taromauri—ibukin te Mweenga ao te Taromauri n te Taetae n Imatang, Spanish, Portuguese, ao Buranti i mwaain banen 2026, ma taetae tabeua i mwiina.

Te boki n anene ae boou iai kanoana ae i marenan 450 nakon 500 anene n taromauri ao aia anene ataei. E nakon te mwaiti ae 50 taetae aika a na boreetiaki n 2030. E nanonaki n aei bwa taan taromauri irouia Aika Itiaki ni kabuta te aonaaba a na nebonebo n te boki n anene naba ane e a tia ni ikotki ao ni kamatoaaki, ma nambwaia aika titebo rinanon taian taetae ake a rangi ni kabonganaaki n te Ekaretia.

N te tai aei, te Ekaretia e na kaotinakoi tabeua anene aika a boou ni bwaai aika a maiu man te iti ni moan te ririki 2024. A kona ni kabonganaaki irarikin anene n taromauri ao anene n ana boki n anene te Ekaretia are tibwa boreetiaki. A kaairaki inanona kunan te Ekaretia aika a tatangiraki ake a oteaki i mwiin 1985 (n aron “Faith in Every Footstep”), te kuna ae tangoaki man aaro tabeua, ao tabeua riki 17,000 anene aika a boou ake a anga kaain te Ekaretia. Bon angiina, ngkana tiaki ni kabane, mai buakon anene aika a boou aikai a na moantaai n reke kaotinakoaia ni bwaai aika a maiu man te iti ao i mwiina a na karinaki inanon Anene n Taromauri-—ibukin te Mweenga ao te Taromauri.