Te Kauoua ni Boreti n Tataekina Au Euangkerio E A Tauraoi Ngkai

E a kaan koro uabwi te ririki i mwiin boreetian Tataekina Au Euangkerio: Te Kairi ibukin aia Mwakuri n Ibuobuoki Mitinare, e a tia te Ekaretia ni boreetia te kauoua ni boki (are e kaotii kabwarabwaraana Te Kairi n Tibwaakin ana Euangkerio Iesu Kristo).

E katanaota Beretitenti Russell M. Nelson te kauoua ni boreti n tain ana boowi te Ekaretia ibukiia taan kairiiri aika a boou n te mition inanon Tuun. “Te boki ae boretiaki ae boou aei e roko raoi inanon te tai ae te aonaaba e a baiti bitakina,” e taku. “[E] uota te namakin ae tamaroa nakon bitaki aika a rangi ni mwaiti. Iai inanona tabeua kaetieti aika a rangi n tamaroa are I a tia n nooria ni buokiia aomata ni butimwaea ana kakao te Uea bwa a na Nakoina.”

Te boki ae e kabouaki aei iai inanona aia reirei taan kairiiri n te Ekaretia ae aanga ae akea n te moan boreti are n 2004. E boutokaa ao ni ira kaboouan te Aeiniboki ni Kabuta ao tabeua riki kainibaire aika a boou. Iai naba inanona mwakuri ni katantan ao kainibaire ibukin kabonganaan rabakau aika a boou n tibwaakin te euangkerio.

E taku te Beretiteni ni Kabuta n te Bootaki n Ataeinnaine ae Bonnie H. Cordon: “Te bwai ae rangi ni kakateke bwa kaain te Tengaun ma Uoman a noora te itera aio. E a tia te Moan Beretitentii ni kabwanina warekana. Ao bon aio raoi te boki are e a tia te Tia Kamaiu ni kanimwa Ana kanikinaa i aona.”

Te kauoua ni boreti n Tataekina Au Euangkerio e a tauraoi n te Gospel Library app ao i aonraain n te Taetae n Imatang, French, Portuguese, ao Spanish. Booki ake a boretiaki a na tauraoi ni banen 2023. Taetae riki tabeua a na tauraoi ni moan Tianuare 2024.