“Sa Unsang Paagi nga ang Pagsunod sa Ehemplo sa Ginoo Makatabang Kanato nga Makabig?,” Liahona, Dis. 2023.
Dali, Sunod Kanako
Pasko
Sa Unsang Paagi nga ang Pagsunod sa Ehemplo sa Ginoo Makatabang Kanato nga Makabig?
Kon kita magtuon sa kinabuhi ni Jesukristo, makaangkon kita og mas lawom nga pagsabot sa atong kaugalingong kinaiya. Kon mas sundon nato ang Iyang ehemplo ug mga pagtulon-an, mas mahisama kita Kaniya. Pinaagi sa Iyang Pag-ula atong madawat ang kalig-on, giya, ug gahom aron makabig. Kon kita mosunod sa ehemplo sa Ginoo, kita makabig sa Iyang ebanghelyo.
Si Presidente Dallin H. Oaks, Unang Magtatambag sa Unang Kapangulohan, mitudlo, “Karon na ang panahon alang sa matag usa kanato sa pagtrabaho ngadto sa atong personal nga pagkakabig, ngadto sa pagkahimong unsay gitinguha sa atong Langitnong Amahan nga kita mamahimo.”1
Ang Buhi nga Kristo
Basaha ang “Ang Buhi nga Kristo: Ang Pagpamatuod sa mga Apostoles” (anaa sa https://www.churchofjesuschrist.org/study/scriptures/the-living-christ-the-testimony-of-the-apostles/the-living-christ-the-testimony-of-the-apostles?lang=ceb) ug hatagan og gibug-aton ang mga butang nga Iyang gihimo atol sa iyang pangalagad.
Unsaon nimo sa pagsunod sa ehemplo sa Manluluwas ug sa pagbuhat og susama nga mga butang?
Diha sa table sa ubos, mahimo nimong ilista ang pipila ka butang nga gibuhat ni Kristo atol sa Iyang pagpangalagad ug dayon ilista ang mga butang nga imong mahimo sa pagsunod sa Iyang ehemplo. Duha ka sampol nga pamahayag gikan sa “Ang Buhi nga Kristo” gihatag alang kanimo.
|
Unsay Gibuhat sa Ginoo |
Unsay Akong Mahimo |
|
“Ubos sa pagdumala sa Iyang Amahan, Siya mao ang tiglalang sa yuta.” |
Makatabang ko sa pagmugna og mas nakasentro kang Kristo nga panimalay. |
|
“Siya mipasiugda sa sakramento isip usa ka pahinumdom sa Iyang labing dako nga sakripisyo sa pag-ula.” |
Makahinumdom ko Niya kon moambit ako sa sakramento. |