Alang sa mga Ginikanan

Ang Milagrosong Gasa ni Jesukristo

Litrato pinaagi ni Scott Law

Minahal nga mga Ginikanan,

Kining bulana nga isyu nagsuporta sa pagtudlo sa inyong mga anak mahitungod kon unsaon sa pagpalambo ug pagpausbaw sa ilang mga relasyon uban sa Manluluwas ug uban sa tanang anak sa Dios. Mahimo nimong gamiton ang mga ideya dinhi sa pagpalambo og mga panaghisgotan kon unsaon sa pag-andam sa paghimo og mga pakigsaad uban sa Dios ug kon unsaon sa pag-uswag sa atong mga relasyon uban Kaniya ug sa uban.

Mga Panaghisgotan sa Ebanghelyo

Paglaom nga anaa sa Manluluwas

Sa artikulo ni Elder Gary E. Stevenson diha sa pahina 4, basaha kon giunsa sa gamayng batang babaye nga ginganlan og Hope ug sa iyang pamilya pagsalig sa Ginoo panahon sa ilang mga pagsulay, ug dayon hisgoti kon giunsa ni Jesukristo “paggunit kanimo” sa imong kaugalingong mga pagsulay.

Ang Labing Mahinungdanon nga mga Gasa

Ipakigbahin ang pipila ka ideya gikan sa artikulo ni Elder Brent H. Nielson mahitungod sa daghang milagro ug mga gasa sa Pasko (pahina 40). Hisgoti uban sa imong pamilya ang tulo ka gasa sa Pasko nga gihisgotan ni Elder Nielson sa kataposan sa iyang atikulo. Hinumdomi unsa nga “mga gasa” ang tingali ihangyo sa Langitnong Amahan ug ni Jesukristo kanimo niini nga panahon sa Pasko.

Mga Sukaranan sa Ebanghelyo

Ang paghimo og mga pakigsaad diha sa templo nagpadayon og sagrado nga relasyon, unang nahitabo sa bunyag, uban sa Langitnong Amahan. Rebyoha ang “Pangandam sa Pagtambong sa Templo” diha sa pahina 22 aron makat-on pa og dugang mahitungod kon unsay mahimo ninyo o niadtong inyong gimahal aron maandam sa pagdawat og mga pakigsaad diha sa templo ug paglig-on sa inyong pakigsaad nga koneksiyon uban sa Dios.

Dali, Sunod Kanako Kalingawan sa Pamilya

Pagbuntog sa Kaaway pinaagi ni Jesukristo

Pinadayag

“Gibuntog sa atong mga kaigsoonan ang [Yawa] pinaagi sa dugo sa Nating Karnero ug sa kamatuoran nga gisangyaw nila” (Pinadayag 12:11). 

1. Pangutana sa mga sakop sa pamilya kon giunsa ni Satanas pagpaninguha sa pagpasakit, pagtental o paglingla kanila. Isulat kini diha sa panid sa papel.

2. Hatagi ang tanan og laing pula nga panid sa papel aron sa pagrepresentar sa Pag-ula ni Kristo, o “sa dugo sa Nating Karnero.”

3. Dapita ang matag tawo sa pagpili og paborito nga kasulatan mahitungod sa Pag-ula ni Kristo o gamita ang usa sa mosunod: Mateo 26:26–28; Mga Taga-Efeso 1:7; Mga Hebreo 9:14, 22; 1 Juan 1:7; Pinadayag 5:9; Mosiah 3:11, 15, 18; Ether 13:10–11.

4. Ipakopya sa matag tawo ang mga hugpong sa mga pulong gikan sa ilang pinili nga kasulatan diha sa ilang pula nga piraso sa papel. Ubos sa bersikulo sa kasulatan, ang matag tawo mahimong mosulat sa ilang pagpamatuod.

5. Ipakigbahin ang mga kasulatan ug mga pagpamatuod. Iapil ang pula nga mga papel diha sa ibabaw sa papel gikan sa lakang 1.

Panaghisgotan: Sa unsang paagi nga si Jesukristo nagtabang kanato sa pagbuntog kang Satanas?

Gisumiter ni Mitzi Schoneman

Gikan sa Alang sa Kalig-on sa mga Kabatan-onan nga Magasin 

Mga Batan-on Kinsa Nakapausab sa Kalibotan

Paminaw gikan sa pito ka tin-edyer kinsa nagbuhat og usa ka butang sa paghimo sa kalibotan nga mas maayong dapit.

Asa Padulong ang Ikapulo ug mga Halad sa Puasa?

Tan-awa kon unsay mahitabo kon maghimo ka og mga donasyon ngadto sa Simbahan.

Ang Dalan gikan sa Betlehem

Si Elder Ahmad S. Corbitt nagtudlo kon sa unsang paagi ang bata sa Betlehem nagtabang kanato sa pagpadayon ug sa pagpabilin diha sa dalan sa pakigsaad.

Kahupayan gikan sa Basahon sa Pinadayag

Bisan og ang Ikaduhang Pag-anhi mahimong murag makahadlok, mahimo kang makakat-on mahitungod sa dili kaayo tinago nga mensahe sa kahupayan ug kalinaw diha sa basahon sa Pinadayag.

Gikan sa Higala nga Magasin

Tabang gamit ang Dali, Sunod Kanako

Pangita og sinemana nga mga kalihokan aron matabangan ang inyong pamilya nga makalingaw ang pagtuon sa kasulatan.

Ang Istorya sa Pagkatawo ni Jesus

Tabangi ang mga bata nga i-aksyon ang istorya sa pagkatawo ni Jesus gamit ang sinulat sa magasin niining bulana. Mahimo usab kang makakaplag og usa ka binuhat nga diorama aron makahimo og imong kaugalingon nga set sa Belen.

Pasko sa tibuok Kalibotan

Pagbasa og mga istorya mahitungod sa mga bata sa Japan, Brazil, ug Germany kinsa nagsaulog kang Jesus panahon sa Pasko.

Musika alang sa “Mahilom nga Gabii”

Kini nga bulan, pagkaplag og gipayano nga panid sa musika aron sa pagtabang sa imong anak nga makat-on niining maanindot nga himno sa Pasko.