Dali, Sunod Kanako

Pinadayag 1–5

Sa Unsa nga Paagi Mabuntog Nako ang Kalibotan?

Si Juan misulat nga ang mga miyembro sa Simbahan kinsa mibuntog sa kalibotan makadawat sa dakong mga panalangin (tan-awa sa Pinadayag 2–3). Samtang ang uban niini nga mga panalangin moabot human sa atong mortal nga kasinatian, si Presidente Russel M. Nelson mihatag kanato og mga ehemplo sa daghang uban nga mga panalangin nga atong madawat karon samtang mopili kita sa pagsunod sa Manluluwas matag adlaw. Pipila niadto nga mga panalangin gi-summarize sa ubos.

Mga Panalangin nga Anaa Karon

• Mas dako nga pagbatok sa sala

• Pagpadako sa hugot nga pagtuo ug paghigugma alang sa Langitnong Amahan ug ni Jesukristo

• Tinuod nga kalinaw sa bisan unsa nga kahimtang¹

Mga Pangutana nga Ipangutana sa Imong Kaugalingon

Kini nga mga panalangin kasagaran nagkinahanglan kanato sa pagsakripisyo. Samtang ikaw magtinguha og personal nga pagpadayag kon unsaon nimo pagbuntog ang kalibotan, hunahunaa ang pagpangutana sa imong kaugalingon niini nga mga pangutana:

• Unsa nga mga panalangin ang akong gikinahanglan gikan sa Manluluwas?

• Unsa may nagpugong kanako sa pagdawat niini?

• Unsang gagmay nga mga hagit ang akong mahimo sa akong kinabuhi aron madawat kini?

Hinumdomi, ingon sa gitudlo ni Presidente Nelson, “ang Ginoo ganahan og paningkamot.”² Nasayod ang Manluluwas sa imong mga paningkamot (tan-awa sa Pinadayag 2:2) ug mosuporta kanimo sa bisan unsa nga Iyang mahimo samtang maninguha ka nga magpaduol ngadto Kaniya.

“Ang pagbuntog sa kalibotan dili usa ka kalihokan nga mahitabo sa usa ka adlaw o duha. Kini mahitabo sa tibuok kinabuhi samtang kita balik-balik nga modawat sa doktrina ni Kristo.”

Presidente Russell M. Nelson, “Buntoga ang Kalibotan ug Pangita og Kapahulayan,” Liahona, Nob. 2022, 97.

Mubo nga mga Sulat

1. Tan-awa sa Russell M. Nelson, “Buntoga ang Kalibotan ug Pangita og Kapahulayan,” Liahona, Nob. 2022, 95–98.

2. Russell M. Nelson, sa Joy D. Jones, “Usa ka Talagsaong Balaanon nga Tawag,” Liahona, Mayo 2020, 16.