Kikao cha Jumapili Asubuhi
Sali, Yeye Yupo
Dondoo
Ni zawadi gani unayoweza kuiombea? Ziko nyingi, lakini leo ninataka kushiriki tatu:
Ya kwanza, Sali ili Ujue
Ni nini unachohitaji kujua? …
Unapojua kwamba Baba wa Mbinguni yupo kweli na kwamba Yeye anakupenda, unaweza kuishi kwa ujasiri na tumaini! …
Wakati mwingine unaweza kutaka kujua kwa nini kitu fulani kigumu kinatokea katika maisha yako au kwa nini haukupokea baraka ulizoomba. Mara nyingi swali bora la kumuuliza Baba wa Mbinguni si kwa nini bali ni nini. …
… Baba wa Mbinguni atakuongoza wewe wakati ukimuuliza nini unaweza kufanya na nini unaweza kujifunza.
Pili, Sali ili Upige hatua
Baba wa Mbinguni anataka kukusaidia wewe upige hatua!
Je, unataka kupiga hatua katika subira au katika uaminifu? Je, unataka kupiga hatua katika ujuzi? Pengine unaona aibu na unataka kupiga hatua katika ujasiri. “Sali, Yeye Yupo.” Kupitia Roho Wake, moyo wako unaweza kubadilika, na unaweza kupokea nguvu. …
Tatu, Sali ili Uonyeshe
Unaweza kusali kwa ajili ya msaada wa kuwaonyesha wengine upendo wa Baba wa Mbinguni. Kupitia Roho Wake, Baba wa Mbinguni atakusaidia umtambue mtu ambaye ana huzuni ili wewe uweze kumfariji. Yeye anaweza kukusaidia uonyeshe upendo Wake kwa kumsamehe mtu. Yeye anaweza kukupatia ujasiri wa kumtumikia mtu na kushiriki naye kwamba yeye ni mtoto wa Mungu.
Mweleze Baba wa Mbinguni kile kilicho ndani ya moyo wako.