Karekean te Kamaiu iroun Iesu Kristo

N ara kamatebwai n Nakomai, Iriirai n te namwakaina aei, ti wareka taekan te bwai are e riki ae onoti man kanaokoro: te Kristo ae mangauti ao n kawariia kaain Amerika ao n kaoiia Nibwaite “teirake ao nakomai nakoiu, bwa kam na karin baimi i rarikiu, ao bwa kam aonga naba n namakina mwin te nera i baiu ao i waeu, bwa kam aonga n ataia bwa bon ngai Atuan Iteraera, ao Atuan aonaba ae bwanin, ao I a tia n tiringaki ibukin buren aonaba” (3 Nibwaai 11:14).

N aron are e karaoia ma Nibwaite, e kaoira n tatabemaniira Iesu Kristo bwa ti na roko ao n reitaki ma Ngaia ao n karikirakea te reitaki ma ngaia n te berita ae tabu. I rangi ni kakaitau ngkai E tangiriira n te aro aei ao nanona ni kan mena iroura. Bwa i Bukina, ti na bon aki tiku n ti ngaira. N au rongorongo are I koreia, I tibwaia bwa “ti bon riai n toa ma te Uea n te aro ae korakora rinanon ara berita aika a tabu” (iteraniba 44). Ngkai ti roko Irouna ni katoabong rinanon ara rinerine n kawakin ara berita aika a tabu, ti karaoa te reitaki ma Iesu Kristo are e na uota Ana tangira ao kamaiu nakon maiura ao maiuia ara utu.

Ti kauringaki ibukin Iesu Kristo man bwainakin te kaamenti n te tembora i mwiin tiara n entaau, e kabwarabwara Beretitenti Jeffrey R. Holland n ana rongorongo ”The Garment of the Holy Priesthood” (iteraniba 4). E tibwa ana berita te Moan Beretitentii bwa kawakinan ara berita aika a tabu man bwainakin te kaamenti e na anganiira korakoran karekean Ana kamanomano ao mwaakan te Tia Kamaiu.

I kakoaua bwa a tangiriko Tamara are i Karawa ao te Tia Kamaiu ao bwa e roko Iesu bon ibukin aio: n uota te kamaiu are ti ukoria. Iesu Kristo bon te kamaiu.

Raomi ni Koaua,

Kristin M. Yee

Te Kauoman Kauntira n te Beretitentii ni Kabuta n te Bootaki n Aine

Iesu e kamaiua te mwaane ae matakii — “Ngai I mena i aon te aba, ao ootan te aba Ngai.

Ngke e a tia n atongi baikai [Iesu], e baeware i aontano, ao E karaoa te bokaboka n te baeware, ao E kabiri matan te mataki arei n te bokaboka,

“Ao E taku nako ina, Ko na nako ni kabururun te nei are Tiroam. … Ma ngaia ae a nako, ao e kabururu, ao e oki n noraba.”