E Mena Ikai te Ekaretia

Reykjavík, Iceland

Te moan mitinare man ana Ekaretia Iesu Kristo ibukiia Aika Itiaki ni Boong aika Kaitira are e roko i Iceland n 1851. Inanon te ka 20 n tienture, a mwaiti membwa ake a nako ni maeka n aaba tabeua. E ngae n anne, n te bong aei, kaain te Ekaretia i Iceland a roko man aaba aika kakaokoro, ao mwaitiia kaain Iceland a okirikaaki n taetaetakina ana euangkerio Iesu Kristo ao a buokiia ake a tibwa rairaki ni kaira te Ekaretia. E ngae ngke a karako mwaitiia membwa, a bon kabaeaki n te tangira. Te Ekaretia i Iceland iai:

• 380 membwa (katautauaki)

• 4 mwaanga (ikotaki ma teuana ae taetae n Spanish)

• 1 te FamilySearch tienta

Aia Kaomiunitii Aika Itiaki

Membwa i Iceland a bon iraorao imarenaia. Ngke e mate kainaban Bettina Gudnason, e kunea te kabebeteaki inanon te utu irouiia Aika Itiaki ake a mena irarikina: “Membwa n te Ekaretia n tainako a bon boutokaai ao a mena irarikiu. I ataia inanou bwa Tamara are i Karawa ao Iesu Kristo a bon atai bwaai ni kabane ake a riki ni katobibiira. A kinaira man arara.”