N na Kanga ni Katauraoi ni Butimwaea te Tia Kamaiu?

Aikai aua kawai ae ko kona ni butimwaea te Tia Kamaiu inanon maium.

Nibwaite a kainanoia ni katauraoiia ni butimwaea te Tia Kamaiu n rabwata n roko irouia. Tera ae ti kona n reiakinna man aia katooto ni buokiira ni butimwaea te Tia Kamaiu inanon te maiu n tamnei inanon maiura?

Iangoa Raoi Ana Bwai te Atua

Ngkanne: Ngke te burabeti Nibwaai e namakina te “karawawataaki,” e iangoi raoi “bwaai ake e a tia te Uea ni kaoti nakoina” (Ereman 10:2–3).

Ngkai Uringakin te Atua bwa tera ae e a tia ni karaoia ibukira, inanon taai aika raraoi ao taai aika a bubuaka, e na anganiira korakorara ao te ninikoria n tiku ni kaan Nakoina ao ni kaitarai taai aika a na roko ma te onimaki.

Beretitenti Henry B. Eyring, te Kauoman ni Kauntira n te Moan Beretitentii n te Ekaretia e taekinna bwa ti na iangoia ni katoa bong ao ni korei ara namakin. E taku: “Ko na tataro ma iangoia raoi, taekina te titiraki: Iai te rongorongo ae roko mairoun te Atua are bon tii ibukiu? I noora baina inanon maiu ke ni maiuia au ataei?”

Ko kanga n tia n noori ana tangira te Atua, kaunganano, ke kakabwaia inanon maium n te bong aei?

Katokaa Iaom Aran Iesu Kristo

Ngkanne: E kamatoa ni katanoata Moomon bwa ngaia ana reirei Iesu Kristo” (3 Nibwaai 5:13).

Ngkai: Unimwaane Jonathan S. Schmitt man te Itingaun e taekinna bwa ti kona ni kabotoa ara taratara i aon Iesu Kristo man katokaa i aora Arana aika a kakaokoro. Ibukin te katooto, Iesu bon “titebo ngaia ngkoananoa, te bong aio, ao n aki toki” (1 Nibwaai 10:18). Unimwaane Schmitt e taekinna bwa ti na kona katoka i aora te ara man karaoan te teimatoa inanon maiuakinan te euangkerio.

Tera tabeua aara ke nakoan Iesu Kristo ae ko kona n iangoia ni kamwakuria iroun?

Kariaia te Tia Kamaiu n Ikotiko Nakoina

Ngkanne: Inanon 3 Nibwaai 10:4–6, Iesu Kristo ti te arona Ngaia n aron te moaaine n ikoikotiia natina iaan baina. Aio bon te karioiango ibukina E bon aki tokin n anoanoiira n roko Nakoina n aron ae E kona ni kamanoira ao kateimatoaira. Ma ti riai ni rineia n roko Nakoina. E taku, “Ai iraua au tai n ikoikotingkami n aron te moaaine ngkana e ikoikotiia natina, ao kam rawa” (te kibu 5).

Ngkai: Iesu e reitinako n ikoikotiira n te bong aei, ma ti na riai n anga ngaira n ikoikoitaki Nakoina. Ko kariaia ngkoe bwa kona ikoikotaki nakon te Tia Kamaiu ao ni kunea te kamanoaki Irouna, ke ko bon rawa ao tiku ni katereko nakon te kangaanga?

Tera ana kakao te Tia kamaiu ae e aroria nakoim, ao tera ae ko kainanoia ni karaoia bwa kona kariaia?

Tararake Nako Karawa

Ngkanne: E anganiia Nibwaite teniua aia tai ni kataia n ongo bwanaan te Atua. “Ao n te katentai ao a ongo riki te bwanaa, ao a kauki taningaia bwa a na ongo; ao mataia e taraa te tabo are e roko mai iai te karongoa; ao a taraa karawa n aki kakamwakuri.”(3 Nibwaai 11:5).

Ngkai: Teuana te kawai are tina kona “taraa karawa n aki kakamwakuri” bon man, ana kibuntaeka Beretitenti Russell M. Nelson, “iangoa te Tiretio.” E kabwarabwara teuana mwakoron anne man iaongoa abanuean te tiretio bon “iangoan bwain te tamnei.”

Tera ae ko kona ni karaoia n riki bwa ko aonga n angoa bwain te tamnei ao “taraa karawa n aki kakamwakuri”?