Ti Kakoaua Ara Burabeti ae Maeu

Ti karabwako, te Atua, ibukin te burabeti.

I kakoauaa bwa Beretitenti Russell M. Nelson bon ana burabeti te Atua, ao I kakaitau ngkai te Atua e taetae nakoina. Ana tangira Beretitenti Nelson bon teuana kaotakin ana tangira te Atua. I tangira Beretitenti Nelson. Berita ake e katanoatai bon mairoun te Atua.

Justin Hinautan, Philippines

Beretitenti Nelson e reireinai bwa te bwai ae kakaawaki n te bong aei bon rinean Kristo man kawakinan ao karinean berita aika tabu.

Ryan Hulme, New Zealand

I rangi ni kakaitau ibukin te Burabeti, Russell M. Nelson. I kaota au koaua bwa bon temwaane ae weteaki iroun te Atua ni kairiira ao kakorakoraira inanon boong aikai. Ngkana ti toumwiin ana reirei, a na nakoraoi bwaai ni kabane.

Nelson Almelda, Cabo Verde

Ko rabwa, Beretitenti Nelson, ma te namakin ae koaua ibukin anganakira am taeka n rabakau mairoun Tamara are i Karawa. E na kakabwaiako te Atua, ara burabeti ae ko tangiraki!

Brenda Boyle, Scotland

Ko rabwa, Beretitenti Nelson, ibukin am reirei aika a kairaki mai ieta ao a kaunganano. Ti tangiriko.

Thuong Putheary, Cambodia

I rangi ni kakaitau ibukin te tangira ao te wanawana ae anga Beretitenti Nelson ngkai te burabeti. Ana marooro i aon te tembora e kairai ni karekea au entaumente, ana bootaki n taromauri nakoia kairake e kauringai n ataa moan kakawakin kinakiu ae ngai natin te Atua, ao kaungaakiu ibukin ikotakiia Iteraera ake a maenako e tia n riki bwa atuun te marooro ae teimatoa ibuakoia au utu ao te uoote n te komunite. Moan kakawakina, e a tia ni buokai ni kaaniai nakon au Tia Kamaiu.

Grace Burt, Unite States

I a tia n iangoi raoi ma te koaua ana reirei ara burabeti ae tangiraki, Russell M. Nelson. Ana reirei e a tia ni kaungaa maiu. Ana taetae ni burabeti e kaungaai ni waaki rake ni maiuakina riki te euangkerio inanon kamangaongaon ao kakauntaban te aonaaba aei. I rangi n namakina te kamanoaki n ataia bwa iai ara burabeti n ara bong are e kairiira ni karekea te anua n rau, n totokoi kakauntaeka ma raora. I kabonganai ana reirei aika a korakora.

Ana Montoya, Honduras

Iai au koaua ae matoa bwa Beretitenti Russell M. Nelson bon Ana burabeti te Atua ibukin boong aika kaitira. I a tia ni karekea te raka ni kakoaua i bon irou aron nimamaneina, aron nanorinanona, ao te tangira are e namakinna ibukiia aomata. Ni koauana, bon temwaane ae e rineaki ni kaira abanuean te Atua i aon te aba inanon te tai ae akea n ai arona. I a tia n ongora ao n tou mwiin ana reirei, are e a tia ni kairai ni maiuakina te raoiroi ni maiu ao ni kaaitarai kakaewenakon te maiu ae mamate. I namakina korakoran ana tangira Beretitenti Nelson; ao I ataa ana tibwatibwa aika tamaroa ni karekean abanuean te Atua ao ikoitakiia Iteraera rinanon ana kaunganano ao katanoatakin katean tembora ni katobibia te aonaaba.

David G. Fernandes, Brazil

N Aokati 24, 2019, e taetae n Spanish te burabeti ao e tuangiira bwa ti na teimatoa ni kawakin ana tua te Uea. I namakina te kakorakoraaki n ana tangira Iesu Kristo ibukin ana mwakuri korakora te burabeti n reiakina ara taetae. I ataia bwa rinanon te burabeti ae maiu, te Atua e kaungaira, kaetiira, kamanoira, kairiira, ao ni kakabwaiaira.

Saúl Alfredo Rojas de León, Guatemala