“Iai Iroun te Atua te Bwai Teuana ae Tamaroa Ibukira,” Riaona, Tebetembwa. 2024.
Bwanaaia Aika Itiaki ni Boong aika Kaitira
Iai Iroun te Atua te Bwai Teuana ae Tamaroa Ibukira
Ngke mitinare mwaane a reireinai ae Ngai bon natin te Atua, I ataia iai Irouna mwaitin kakabwaia ibukiia au utu ao ngai.
Tamnei mairoun te tia koro karaki
I ikawairake n te taabo ae uarereke, te kaawa i buki i Biribin. Au utu a bon kainnano. I Biribin, ngkana akea am mane, ko aki konaa n nako n te reirei. N aki taraa te tutuuki anne, bon ngai te ataeinimwaane ae iai irou te kan ukera te korakora.
I tuangiia au karo I tangiria ni kan riki bwa te taokita ke te tia reirei ke aekan karinanin te burobetia, ma n tainako a aki toki n tuangai bwa N na katoka te miiroaroa. Akea ara mane ibukin nakou n reirei n te uniwetiri. Au karo a tangirai bwa N na kukurei ao n aki bwarannano ma maiu.
“Te kan riki ni burobetia bon tiaki ibukira,” a taku. A aki kakoaua are bwaai ake a raraoi a na bon riki n taai aika a na roko ibukiia ara utu nakon are a kaman iai iroura.
Ma anne bon imwain kaainakin Ana Ekaretia Iesu Kristo ibukia Aika Itiaki ni Boong aika Kaitira.
Ti maeka n raroanako man kaawa ake a bubura, ma mitinare a kuneira ao a teimatoa n okioki. A karaoi anganano aika a mwaiti n reireiniia au utu, ma a bitii maiura n aki toki.
Ngke ti kaaina te Ekaretia, I reiakinna ae Ngai natin te Atua ma te konabwai n rikirake ao n reiakinaki ao ni kona n riki nako iai (taraa Mote 1:39; “Te Utu: Te Katanoata nakon te Aonaaba,” Gospel Library). Ma te atatai man te euangkerio, I ataia bwa e a roko te tai are a karikirakeaki iai au uttu n aia tabo. Ti a bon aki riki bwa aomata aika tii kainnano man ara kaawa ae uarereke—ngaira natin te Atua mwaane ma aine aika ti tau ni karekei kakabwaia are E beritan nakoia ake Ana taan iriiria aika a kakaonimaki.
Mitinare a uota te euangkerio inanon maiu, te euangkerio e uota te katangitang inanon maiu, ao te katangitang e anganai te tikaoratibu n roko n te uniwetiri. I karekea au batiira tikurii n te kauarinan reirei ao imwiina te tikurii n te katangitang, e meitia ni kairan te anene. Ngkai I tia reirei n te katangitang n te Liceo de Cagayan Uniwetiri ao ni kaira te Liceo U te Reirei Ae Rietaata Glee Club. I kaira naba te kuaea irouia membwa n te Ekaretia. Ara mition bon tibwauan koauan te Atua rinanon te katangitang.
Karekean au beeba man te uniwetiri e anganai maiu ae boou. I aki ataia bwa N na mena iaa n te bong aei n akean ana euangkerio Iesu Kristo.
Ni kabane aomata a riai n anganaki aia tai n reiakinna, n aron ae I a tia ni karaoia, bwa iai Tamaia are i Karawa ao are E a tia ni kakabwaiia ma konabwai n rikirake ao reiakinna ao n riki nako iai.