Riaona
N na Kanga ni Kakorakora au Koaua iroun te Burabeti?
Tebetembwa 2024

“N na Kanga ni Korakora au Kakoaua iroun te Burabeti?,” Riaona, Tebetembwa 2024.

Nakomai, Iriirai

Ereman 7–16

N na Kanga ni Kakorakora au koaua iroun te Burabeti?

Te maungatabu ni kabuta e kona ni buokiira ni kakorakora ara kakoaua irouia burabeti aika a maiu.

E marooro Beretitenti Russell M. Nelson n te tabo n taetae

Inanon ana boki Ereman, te burabeti ae Tamuera te Remwanaite e kakoaua Iesu Kristo ao e anga te kauring ao te kakao nakoia Nibwaite (taraa Ereman 13–14). N te tai aei ti karekea naba te tai n ongora nakon taian kauring n ara bong mairoun ara burabeti ao tabeman taan kairiiri n te Ekaretia. Mutiakinan aia kakao e na buokiira n tou mwiin kawain te berita ae tabu.

Te maungatabu ni kabuta bon te tai ae nakoraoi n ongoraeakin reirei aika ngkai naba mairouia taan kairiiri aika a kairaki mai ieta ao ti na riki ni kaaniaki nakon Iesu Kristo inanon aia namakin ao n te maiu n tamnei. Aikai tabeua kawai ake ko kona n iangoi ni kabongana te maungatabu ni kabuta ni karikirakea am kakoaua irouia burabeti aika maiu:

  1. Imwain te maungatabu ni kabuta, tataromwaaka iangoana bwa bukin tera karekeaia burabeti e bon kakawaki nakoim. Iangoia n tataro ni karekea kamatoaana mairoun te Tamnei bwa te Beretitenti n te Ekaretia bon ana burabeti te Atua, te tia mamata, ao te tia karekei kaotioti i aon te aonaaba aei n te bong aei. “N ataakina man te kaotioti bwa iai te burabeti ae maiu i aon te aba e bitii bwaai ni kabane”

  2. Kakaea tera ae e nanonaki ni boutoka ao kamatoa te burabeti ao te Tia Kairiiri ni Kabuta. Inanon te tetere ni bwakantaain te Kaonobong, te roko ni kamatoaiia n Nakoaia.

    temwaane n te Tienta ni Maungatabu ngke e katea baina te angaatai ibukin te kateibai ni kamatoa

  3. “Man mwaakan te Tamnei are e Raoiroi kam na kona n atai koauan bwaai ni kabane” (Moronaai 10:5). Ngkai ko ongora nakon aia marooro taan kairiiri n te Ekaretia, kakaungo nakon ana kakoaua te Tamnei bwa aia taeka a bon koaua.

  4. Temanna ana aomata te burabeti tabena bon kakoauaan Iesu Kristo ao n reireiniira n ”tararake nakon Natin te Atua ma te onimaki (taraa Ereman 8:13–16). Ko na tangiria ni kan ataia bwa te burabeti ao the tabeman taan taetae a reirei taekan te Tia Kamaiu.

  5. “Rinanon [Beretitenti Russell M. Nelson], ti karekei kakao aika a mwaiti ao ni beritanaki kakabwaia aika a kakukurei ngkana ti kabotoa maiura i aon ara Tia Kamaiu.” Iangoia n tau mwiin kakao ake a kanakoaki mairoun te burabeti ao tabeman taan taetae inanon te maungatabu. Manga okiri bwaai ake ko tau mwiia ni buokiko ni kataia n riki n aron Kristo.

  6. I kaungai ngkami bwa kam na kamatebwaia rongorongon te maungatabu aei n tainako—riki ni kaokiokia—inanon onoua namwakaina aika a na roko.” Ngkai ko ongora nakon ke ni wareki riki rongorongo, mwaakeni bwaai ake a taraa ni kakawaki nakoim.

  7. Beretitenti Nelson e kaoira ni “ukoria ao ni kantaningai taian kakai.” Ngkana ko ongeaaba nakon ana reirei te burabeti ao ni karaoi bitaki inanon maium, kantaninga nakon taian kakabwaia ake ko na karekei ao kakai ake ko na noori (taraa Ereman 16:4–5).

Ngkai ko tou mwiin mwaneka aikai ni karikirakea am kakoaua iroun te burabeti, tia mamata, ao tia karekei kaotioti, waaki i aon am onimaki iroun iesu Kristo ao Tamara are i Karawa ae e tatangira. Te Atua e tangiriira n anganiira burabeti ni kairiira bwa ti aonga n oki Nakaoina—burabeti ake a mwakuri n aron Wiina ni kaoti Ana kantaning nakon te aonaaba. (Taraa Reirei ao Berita aika Tabu 1:38; 21:5–6.) Ngkana ti rineia n rimwiin aia reirei Ana toro, ti rineia n Ririmwiina.