Դատաստան

Նախապատրաստվել հանդիպելու Աստծուն

Երբևէ մտածե՞լ եք, թե ինչպես է կյանքի նպատակը հասկանալը և մահից հետո կյանքին հավատալն ազդում ձեր ընտրությունների և վարքագծի վրա: Ի՞նչ ազդեցություն է ունեցել Երկնային Հոր ծրագրի մասին գիտելիքը ձեր կյանքի վրա։ Նախաերկրային աշխարհում Եհովան բացատրեց, որ մենք գալու ենք Երկիր՝ փորձվելու, «որպեսզի տեսնենք, թե արդյոք [մենք] կանենք այն ամենը, ինչ Տերը՝ [մեր] Աստվածը, կպատվիրի [մեզ]» (Աբրահամ 3.25): Մինչդեռ ոչ ոք չի հնազանդվում Աստծո պատվիրաններին մշտապես: Ահա թե ինչու Երկնային Հայրն ուղարկեց Իր Որդուն՝ չարչարվելու և մահանալու մեզ համար: Հիսուս Քրիստոսի հանդեպ հավատքի և մեր մեղքերի ապաշխարության միջոցով մենք կարող ենք ստանալ Աստծո ողորմությունը, շնորհը և ներումը: Հիսուս Քրիստոսի ավետարանի ուղերձն է, որ մենք կարող ենք փրկագնվել և սրբացվել Նրա սիրո և քավող զոհաբերության շնորհիվ և արժանի լինել դատաստանի օրը վստահությամբ կանգնելու Աստծո առաջ:

Ի՞նչ է Դատաստանը:

Հարությունից հետո, երբ մեր հոգիները վերականգնվեն մեր անմահ մարմիններում, մենք կկանգնենք Աստծո դատաստանի առաջ: Դա կլինի այն ժամանակ, երբ Տերը կհայտարարի մեր հավերժական պարգևը՝ հիմնված մեր գործողությունների, մեր հանգամանքների և մեր սրտի ցանկությունների վրա: Մինչ Աստված բոլոր մարդկանց վերջնական Դատավորն է, Սուրբ Հոգին կարող է առաջնորդել մեզ մեր մտքերի, իրավիճակների և մեր կյանքում ուրիշների դերի հետ կապված մեր դատողություններում (տես Վարդապետություն և Ուխտեր 11․12)։ Մենք ավելի ենք նմանվում Հիսուս Քրիստոսին, երբ սիրում ենք մյուսներին և չենք դատապարտում նրանց:

Թեմայի ակնարկ․ Դատաստան

Ավետարանի ուսումնասիրության առնչվող ուղեցույցներ․ Փրկության ծրագիրը, Հարություն, Հավիտենական կյանք, Կամքի ազատություն, Հնազանդություն, Ներում

Բաժին 1

Դուք մի օր կկանգնեք Աստծո առաջ դատվելու

Նկար

Հիսուս Քրիստոսը խոսում է կնոջ հետ ճանապարհի եզրին

Սուրբ գրություններն ուսուցանում են, որ Հարությունին հետո Աստծո բոլոր զավակները կկանգնեն Նրա առաջ դատաստանի օրը (տես 2 Նեփի 9․12-13, 15, 20-22)։ Ձեր կյանքի գիրքը այդ օրը կբացվի (տես Հայտնություն 20.12-13, Վարդապետություն և Ուխտեր 128․6-7)։ Մենք պատասխան կտանք մեր մտքերի, խոսքերի և գործերի համար (տես Մոսիա 4․30, Ալմա 12․14)։ Քանի որ Աստված հասկանում է բազմաթիվ դժվար հանգամանքները, որոնց բախվում է յուրաքանչյուր մարդ այս կյանքում, Նա կապահովի, որ Իր զավակները դատվեն թե ըստ իրենց գործերի և թե «համաձայն իրենց սրտերի ցանկությունների» (Վարդապետություն և Ուխտեր 137․9)։ Այս Վերջին Դատաստանը կորոշի, թե մեր ընտրությունները փառքի որ արքայության համար են մեզ պատրաստել հավերժության մեջ՝ սելեստիալ, թերեստրիալ կամ թելեստիալ (տես Վարդապետություն և Ուխտեր 88.20-32):

Երկնային Հայրը կսպասավորի աստվածային դատաստանը Իր Որդի Հիսուս Քրիստոսի միջոցով (տես Հովհաննես 5.21-30): Տերը նաև հայտարարել է, որ Իր ծառաներից ոմանք կաջակցեն Իրեն Աստծո զավակների դատավորների դերում (տես Մատթեոս 19․28, 1 Նեփի 12․9-10, Մորմոն 3․18-20)։

Մտորելու հարցեր

Դատավոր ծառայելուց բացի՝ Հիսուս Քրիստոսը կծառայի նաև որպես մեր Բարեխոս Հայր Աստծո առաջ։ Կարդացեք Վարդապետություն և Ուխտեր 45․3-5, մտքում հիշելով, որ բարեխոսը այն մարդն է, որ մեկ ուրիշի համար խնդրանք է ներկայացնում (տես Bible Dictionary, “Advocate”)։ Ի՞նչ հատկանիշներ են թույլ տալիս Հիսուս Քրիստոսին որպես Բարեխոս խնդրել Հորը ձեզ համար։ Այս հատվածը կարդալիս ի՞նչ զգացումներ եք ունենում Հիսուս Քրիստոսի հանդեպ։
Վերջին Դատաստանի մասին մտածելը կարող է բերել անհանգստության և հուսահատության։ Կարդացեք Ենովս 1․27 և Մորոնի 10․34, և մտածեք, թե ոմանք ինչու խաղաղություն և ուրախություն կապրեն այդ օրը։ Երեց Ջերիթ Վ . Գոնգը մեզ հիշեցնում է․ «Աստվածային սիրո և աստվածային օրենքի համաձայն՝ մենք պատասխանատու ենք մեր ընտրությունների և դրանց հետևանքների համար։ Բայց մեր Փրկիչի քավիչ սերը «անսահման է և հավերժական»: Երբ պատրաստ ենք տուն վերադառնալ, նույնիսկ երբ «դեռ հեռու ենք», Աստված մեծ կարեկցանքով պատրաստ է ողջունել մեզ՝ ուրախությամբ առաջարկելով լավագույնը, որ Նա ունի»: Տիրոջ սիրո և կարեկցանքի մասին հիշելը և դրանց վրա կենտրոնանալը ինչպե՞ս կարող է օգնել ձեզ նախապատրաստվել Վերջին Դատաստանին: Ինչո՞ւ է կարևոր նաև հիշել, որ դուք պատասխանատու եք ձեր սեփական ընտրությունների և դրանց հետևանքների համար (տես Վարդապետություն և Ուխտեր 101․78)։

Սովորել միասին

Հիսուս Քրիստոսը Աստծո բոլոր զավակների Մեծ Միջնորդն է (տես 2 Նեփի 2․26-28)։ Խմբով դիտեք The Mediator (10:44) տեսանյութը։ Այդ տեսանյութը հիմքում ընկած է Նախագահ Բոյդ Ք. Փաքերի ելույթը։ Քննարկեք, թե ինչ է մեզ սովորեցնում Նախագահ Փաքերի նկարագրած համանմանությունը Հիսուս Քրիստոսի մասին, և թե ինչպես է Նրա առաքելությունը բավարարում արդարության և ողորմության պահանջները։ Ինչպե՞ս է այս ուղերձն օգնում մեզ ավելի լավ հասկանալ Հիսուս Քրիստոսի՝ որպես մեր Դատավորի (տես Մորոնի 10․34) և Բարեխոսի դերը (տես Վարդապետություն և Ուխտեր 29․5)։

Լրացուցիչ աղբյուրներ

Ալմա 12․12-15, 3 Նեփի 27․23-26, Մորմոն 3․20, 9․12-14, Հավատո Հանգանակ 1․2
Ջեյմս Ռ. Ռասբանդ, «Երաշխավորել արդար դատաստան», Լիահոնա, մայիս 2020, 12–14

Բաժին 2

Հիսուս Քրիստոսի ավետարանը նախապատրաստում է ձեզ Աստծո հետ հանդիպմանը

Նկար

տղամարդիկ հաղորդության ժողովի ժամանակ

Դատաստանի օրը մենք որպես ժառանգություն կստանանք փառքի արքյություններից մեկը։ Նախագահ Դալլին Հ. Օուքսն ուսուցանել է․ «Փառքի արքայությունը, որը մենք ստանում ենք Վերջին Դատաստանի ժամանակ, որոշվում է այն օրենքներով, որոնց մենք ընտրում ենք հետևել՝ Երկնային Հոր սիրառատ ծրագրով ապրելիս [տես Վարդապետություն և Ուխտեր 88․22-24]: Այդ ծրագրի ներքո կան բազմաթիվ արքայություններ, որպեսզի Նրա բոլոր զավակները կարողանան նշանակվել մի արքայության, որտեղ նրանք կարող են «բնակվել»:

Հիսուս Քրիստոսի ավետարանի լրիվությունը պարունակում է բոլոր օրենքները, որոնց մենք պետք է հետևենք այս կյանքում՝ սելեստիալ արքայությունը ժառանգելու համար: Երբ մենք ընտրում ենք հետևել Հիսուս Քրիստոսին և ապրել ըստ Նրա ավետարանի, մենք պատրաստվում ենք անբիծ կանգնել Աստծո առաջ դատաստանի ժամանակ (տես 2 Նեփի 9․13-15, 3 Նեփի 27․20-21)։

Մտորելու հարցեր

Ապաշխարությունը Վերջին դատաստանին նախապատրաստվելու կարևոր քայլերից է Կարդացեք Ալմա 34.31–35: Ինչո՞ւ է կարևոր չհետաձգել ապաշխարությունը։ Ի՞նչ եք կարծում, ի՞նչը կօգնի ձեզ «պատրաստվել Աստծուն հանդիպելու»:
Տերը սահմանել է չափանիշներ, որոնք կօգնեն չափել մարդու հոգևոր պատրաստվածությունը մկրտության, քահանայության օծման, կոչման մեջ ծառայության կամ տաճարային արարողություններին մասնակցելու համար: Ե՞րբ է քահանայության ղեկավարի հետ հանդիպելու հնարավորությունն օգնել ձեզ մեծացնել ձեր անձնական ջանքերը՝ ապրելու Հիսուս Քրիստոսի ավետարանով: Ինչո՞ւ է տեղին ամեն օրը համարել դատաստանի օր։

Սովորել միասին

Ձեր կյանքը քննելը Վերջին դատաստանին նախապատրաստվելու կարևոր եղանակ է: Հրավիրեք ձեր խմբի անդամներին կարդալ Ալմա 5․14-26 և գտնել այն հարցերը, որոնք կօգնեն մեզ գնահատել մեր հոգևոր կարգավիճակը Տիրոջ առաջ: Քննարկեք ուղիներ, որոնցով Ալման հրավիրեց իր ժողովրդին պատրաստվել այն ժամանակին, երբ նրանք կհանդիպեն Աստծուն: Ի՞նչ եղանակներով Փրկիչը կօգնի մեզ Սստծո հետ հանդիպմանը նախապատրաստվելու մեր ջանքերում։

Լրացուցիչ աղբյուրներ

2 Նեփի 2.26-28, Մոսիա 4.10-12:
Dallin H. Oaks, “The Challenge to Become,” Liahona, Nov. 2000, 32–34

Բաժին 3

Փրկիչը ձեզ պատվիրում է արդար դատել

Նկար

զրուցող տղամարդիկ

Մենք որոշումներ ենք կայացնում ամեն օր, հիմնվելով մեր լավագույն դատողոթյանը։ Ճիշտը սխալից տարբերելու կամ բարու և չարի միջև ընտրելու որոշում կայացնելիս մենք Սուրբ Հոգու կարիքն ունենք, որպեսզի Նա առաջնորդի մեր որոշումները (տես Վարդապետություն և Ուխտեր 11․12)։ Երբեմն մենք պետք է որոշումներ կայացնենք այլ մարդկանց և մեր կյանքում նրանց դերի հետ կապված, օրինակ՝ ընտրելով մեր ընկերներին կամ կողակցին: Նման դեպքերում մենք պետք է հիշենք Տիրոջ հրահանգը․ «Մի դատեք անարդար ձևով, որպեսզի չդատվեք. այլ արդար դատաստանով դատեք» (Ջոզեֆ Սմիթի թարգմանությամբ Մատթեոս 7․2 [Մատթեոս 7․1, ծանոթագրություն ա])։

Քննադատությունը, կոպիտ բառերը և անբարյացկամ մտքերը երբեք չպետք է օգտագործվեն։ «Տես որ դու ողորմած լինես հանդեպ քո եղբայրները. վարվիր ազնվորեն, դատիր արդարացի և շարունակ բարիք գործիր» (Ալմա 41․14)։ Այն պահերին, երբ ուրիշների հետ մեր փոխհարաբերություններում անհրաժեշտ է դատել, մենք պետք է ձգտենք դրևորել մեր սերը Աստծո և ուրիշների հանդեպ (տես Մատթեոս 22․37-39)։

Մտորելու հարցեր

Նախագահ Դալլին Հ. Օուքսը բացատրել է. «Կա դատելու երկու տեսակ՝ վերջնական դատավճիռ, որը մեզ արգելված է կայացնել, և միջանկյալ դատավճիռ, որը մեզ պատվիրված է կայացնել, բայց արդար սկզբունքներով»: Ի՞նչ «արդար սկզբունքներ» կարող են օգնել ձեզ սխալ կամ անարդարացի չդատել ուրիշներին։

Սովորել միասին

Ցուցադրեք և կարդացեք Մարգարե Ջոզեֆ Սմիթի հետևյալ խոսքերը.

«Մենք [հուսով ենք, որ] մեր եղբայրները զգույշ կլինեն միմյանց զգացմունքների հանդեպ և կքայլեն սիրով, հարգելով միմյանց ավելի շատ, քան իրենց, ինչպես պահանջվում է Տիրոջ կողմից:

Եթե ձեր միջից հեռացնեք բոլոր չար խոսքերը, չարախոսությունները և անառարկելի մտքերն ու զգացմունքները. խոնարհվեք և մշակեք առաքինության ու սիրո բոլոր սկզբունքները, ապա Եհովայի օրհնությունները կհանգչեն ձեզ վրա, և դուք դեռ կտեսնեք բարին և փառահեղ օրեր, խաղաղություն կլինի ձեր դռների մեջ, և բարգավաճում ձեր սահմաններում»:

Քննարկեք, թե անարդարացի դատելուց և մյուսներին մեղադրելուց զերծ մնալն ինչպես կարող է խաղաղություն և օրհնություններ պարգևել։ Ե՞րբ եք ձեզ օրհնված զգացել՝ ձգտելով արդար դատել։

Լրացուցիչ աղբյուրներ

Ղևտացոց 19․15-18, Մատթեոս 7․1-8 (ներառյալ Ջոզեֆ Սմիթի թարգմանության հատված 1-ը, ծանոթագրություն ա, և Աստվածաշնչի Հավելված), Հովհաննես 7․24 (տես նաև Ջոզեֆ Սմիթի թարգմանության ծանոթագրություն բ)։
Ռասսել Մ. Նելսոն, «Պահանջվում են խաղարարարներ», Լիահոնա, մայիս 2023, 98–101։
Դալլին Հ․ Օուքս, ««Մի դատեք» և դատելը», Ensign, օգոստոս 1999, 6-13։
Gregory A. Schwitzer, “Developing Good Judgment and Not Judging Others,” Liahona, May 2010, 103–5