Tautino

E faapefea ona ou alualu i luma i aso taitasi?

Taimi:Seti le taimi i le 10 minute mo le vaega Tautino.

Faitau:O vaiaso taitasi, tatou te filifili ai se “soa galue”. O se tasi lenei o tagata o le vaega o le a fesoasoani ia i tatou ina ia tausia a tatou tautinoga. O soa galue e tatau ona faafesootaia le tasi ma le isi i le aluga o le vaiaso ma lipoti atu lo latou alualu i luma i le tasi ma le isi. E masani lava, o soa galue e tutusa itupa ma e le o ni tagata o se aiga.

Faataitai:Filifili lou soa galue. Filifili pe o afea ma pe faapefea ona lua faafesootaia le tasi ma le isi.

Igoa o le soa galue

Faamatalaga e faafesootai ai

Faitau leotele ia tautinoga taitasi i lau soa galue. Folafola atu e tausia au tautinoga! Saini i lalo.

O A’U TAUTINOGA
O le a ou faaaogaina la’u “o a’u i le 30 sekone” ma ia le itiiti ifo ma le toa 20 tagata.  Lio lau sini: 20 30 40
O le a ou faataitaia i le aso le mataupu faavae O Lo’u Faavae ma aoao atu i lo’u aiga.
O le a ou faaopoopo i a’u teugatupe—pe tasi sene pe lua.
O le a ou lipoti atu i la’u soa galue.

O la’u saini

Saini a le soa galue

“Pe a fuaina le faatinoga, ona faaleleia lea o le faatinoga. Pe a fuaina ma lipoti atu le faatinoga, o le a televave le faaleleia.”

Thomas S. Monson, i le Conference Report, Oke. 1970, 107.

E faapefea ona ou lipoti lo’u alualu i luma?

Maimoa:“Faatinoga ma Tautinoga” (E leai se vitio? Faitau le itulau 14.)

Faitau:A tatou lipoti atu a tatou tautinoga, e foliga mai o le a sili atu ona tatou tausiaina. Faitau le upusii i le itu taumatau.

Faataitai:A o lei faia le isi fonotaga, faaaoga le siata lenei o le tautinoga e faamaumau ai lou alualu i luma. I pusa o i lalo, tusi ai le “Ioe,” “Leai,” po o le aofaiga o taimi na e faia ai le tautinoga.

Faaaoga le “o a’u i le 30 sekone” ma ia le itiiti ifo ma le 20 tagata (Tusi le #)	Faataitai le mataupu faavae o le Faavae ma aoao atu i le aiga (Ioe/Leai)	Faaopoopo atu i teugatupe (Ioe/Leai)	Lipoti atu i le soa galue (Ioe/Leai)

Faitau:Ia manatua foi e siaki au lava tupe faaalu i tua o lau tamaitusi o le O Lo’u Auala i le Ola Tutoatasi.

I la tatou fonotaga faalevaega e sosoo ai, o le a tusi e le tagata e faagaoioia se siata o le tautinoga i luga o le laupapa (e pei o le ata lea e i luga). O le a tatou taunuu i le 10 minute ao lei amataina le fonotaga ma tusi lo tatou alualu i luma i luga o le siata.

Filifili se tasi e faagaoioia le autu O Lo’u Faavae i le isi fonotaga. Fai atu ia te ia e faitau ia totonu o le faavaa pito i luma o le api galuega lenei e iloa ai po o le a le mea e faia e tagata e faagaoioia. E tatau ona ia faagaoioia i le auala lava lea e tasi e pei ona faia e le tagata na faagaoioia i le asō:

• Valaaulia le Agaga; valaaulia tagata o vaega e saili le Agaga.

• Ia faatuatuaina anomea; aua le faaopoopo; na o le fai lava o le mea o fai mai ai.

• Pulea le taimi.

• Faaopoopo le malosi; ia fiafia!

Fai atu i se tasi e faia le tatalo faaiu.

Talia Manatu Faaalia

Faamolemole auina mai ou manatu, manatu faaalia, fautuaga, ma aafiaga i le [e-mail].

Faaaliga i le Tagata e Faagaoioia:

Manatua e lesitala tagata uma o le vaega i le srs.lds.org/report.

Ia manatua foi e fai ni kopi o faamatalaga e faafesootai ai le vaega mo le isi fonotaga.