Punaoa

E Le o So’u Faafitauli Lena

Filifili ni matafaioi ma faatino vaega nei.

IOSEFA (O LE PULE): Gloria, e tolu itula lea ua e tuai.

GLORIA: Ou te faamalie atu, Iosefa. Sa ou manaomia sina moe. Sa ma’i lau tama tama anapo ma ou te lei moe seia matua tuai lava.

IOSEFA: E le o sau faafitauli lena mea.

GLORIA: Ma e lei tatagi la’u uati i lenei taeao.

IOSEFA: E le o sa’u faafitauli.

GLORIA: Ma e oo atu i le taimi ua ou sauni ai, ua ou misia le pasi.

IOSEFA: E le o sa’u faafitauli foi.

GLORIA: Ina ua ou oo i le nofoaga faatali pasi, sa ou iloa ai e leai sa’u tupe mo le pasese i le pasi.

IOSEFA: E le o sa’u faafitauli lava.

GLORIA: O lea sa ou misia ai le pasi lona lua aua sa ou toe foi i le fale e aumai le tupe.

ATONIO: Ei, faamalie i le faalavelave atu, ae e gau le masini le la ma o loo sisina solo le fuluti.

IOSEFA: O le a le masini?

ATONIO: Ou te le iloa po o le a le igoa. Ae, o le masini la o loo i le tulimanu i tua i autafa o fatatusi. E le o iinei Tomasi, ma o ia e masani lava ona faaaluina le masini.

IOSEFA: E le o sa’u faafitauli.

ATONIO: Ma sa amata ona ou faaaogaina le masini ma na mau le masini.

IOSEFA: A’e. E le o sa’u faafitauli.

ATONIO: Ma masalo o loo i ai se tusitaiala mo le masini, ae ou te leiloa po o fea o i ai.

IOSEFA: Ia ua lelei, ua lelei. Taofi uma loa oulua! Atonio, Gloria, fofo e oulua ia faafitauli!

Toe foi i le itulau 98

O La’u Faafitauli Lena

Filifili ia matafaioi ma faatino mea nei.

IOSEFA: Atonio, e mafai ona e valaau ia Tomasi pe o afea e toe foi mai ai mai le asiasiga i tagata faatau? Tatou te manaomia nisi fuluti mo lena masini.

ATONIO: Na ou iloa lava tatou te manaomia le fuluti. Ua uma ona ou alu ma faatau mai ma ua uma ona utu.

IOSEFA: E a? E te lei faatali ia Tomasi? Ou te le manao e te toe talepeina le masini.

TONIO: O lea ua ou malamalama atoa i le masini. Na ou mauaina le tusitaulima, ave i le fale, suesue i ai, ma toe foi mai ma fai le masini. O lea la ua mafai ona ou vaaia le masini pe a alu Tomasi e fai ana asiasiga i tagata.

IOSEFA: Lelei tele.

ATONIO: E le na o le pau lena. Sa ou faia se faatulagaga o le faaleleiina o le masini e aua ai nei toe i ai ni faaletonu i le lumanai

IOSEFA: Faafetai, Atonio. Ou te matua faafetai lava i le auala na e taulimaina ai lenei mea.

ATONIO: Ioe. E le o sa’u faafitauli lena mea.

IOSEFA: [Ia te ia lava ia] Oka, ua matua alualu lava i luma, Atonio. Na matua totogi lava e ia ia lava i lenei aso.

IOSEFA: Oi, Gloria. Na faapefea ona e oo mai iinei? Na valaau mai Anelia e tau mai e le mafai ona ia faigaluega i lenei aso ona o le solo tetee a le au avepasi. Sa ou faapea o le a le mafai foi ona lua o mai ma Peniamina.

GLORIA: Na ou iloa na talanoa le au avepasi e uiga i le latou solo tetee, o lea sa ou faia ai ni fuafuaga ma Peniamina i nai aso ua mavae pe mafai ona ou lifi mai i lana taavale pe a tupu le solo tetee.

IOSEFA: Oka se manaia o lou mafaufau i luma atu faapena.

GLORIA: Sa ou mafaufau foi faapea leiloa pe uumi le laina i pamu kesi i lenei aso, o lea sa ou tuuina ai ia Peniamina se tupe ma fai i ai pe mafai ona faatumu lana taavale ananafi ao le faia le faaiuga o le solo tetee.

IOSEFA: Na lava sau tupe mo lena mea?

GLORIA: Ioe, ou te tuueseina lava o’u pasese o le pasi, ma o lea sa ou faaaogaina lena tupe e totogi ai le kesi. Sa ma o ma Peniamina ma piki mai Anelia ma o lea matou te i ai uma lava iinei.

IOSEFA: Gloria, faafetai tele lava mo le mafaufau i nei mea. E matua manaomia lava e le au faatau outou uma e toatolu iinei i lenei aso.

GLORIA: Ioe, Iosefa, o la’u faafitauli lena.

IOSEFA: [Ia te ia lava ia] Ma o lea na tuu ou te faamaloloina o ia? E tutusa lava tau ma tagata faigaluega e toatolu i lenei aso.

Toe foi i le itulau 98

O Loo Ia Fausia se Fale Tele

Filifili se tasi e faitauina le vaega lenei.

“Mafaufau ia te oe lava ia o se fale ola. E afio mai le Atua e toe fausia lena fale. I le taimi muamua, masalo, e mafai ona e malamalama i le mea o loo Ia faia. O loo sa’o lona faiga o alavai ma taofia ia tutulu i le taualuga ma isi mea faapena; na e iloa lava e manaomia le faia o na galuega ma e te le o tei ai. Ae o le taimi nei ua amata ona Ia tuituia le fale i se auala e tiga le manaia ma e foliga mai e le talafeagai. O le a le mea o loo Ia faia? O le faamalamalamaga e faapea o loo Ia fausia se fale e matua ese lava mai le fale sa e mafaufau i ai—fau le faalava fou iinei, faaopoopo se isi fola iina, fau ni olo, faia le faapaologa. Na e manatu o le a faia ia avea oe ma se tamai fale manaia: ae o loo Ia fausia se fale tele” (C. S. Lewis, Mere Christianity [1960], 160).

Toe foi i le itulau 103

E Faapefea ona Ou Mauaina se Faiaoga e Fesoasoani ia te A’u ina ia Faamanuiaina? (Gaoioiga e Tuu i le Faitalia)

Faitau:O se tagata faigaluega taua e na te iloa ia tulafono ma faamoemoega o le pule po o falefaigaluega. Ae e le i ai i taimi uma se “tusitaulima a le kamupani” e faamatala ai na faamoemoega. Ma e eseese uma lava ia nofoaga taitasi o galuega.

Faataitai:Mafaufau pe faapefea ona e iloa ia tulafono ma faamoemoega e lei tusia o se nofoaga o galuega. Atonu e te manao e fesili i tagata o le aiga, uo, po o ni tagata o vaega mo ni o latou manatu.

Faitau:O nisi o faamoemoega ua na o le faaaoga i ai o le faautauta. E mafai ona matauina isi mea. Ae mo nisi, e te manaomia ai se faiaoga. O se faiaoga o se tagata e talitonuina, o le silafia ia faamoemoega ma tulafono o le kamupani ma e naunau e fesoasoani ia te oe ia aoao.

Faataitai:A o lei faia le isi a tatou fonotaga, filifili se faiaoga i le nofoaga o lau galuega o i ai nei ma fesili atu ia te ia e fesoasoani ia te oe i le aoaoina o tulafono ma faamoemoega o le kamupani.

Pe faamatala mai le ituaiga tagata e te manao ia avea ma ou faiaoga i lau galuega i le lumanai.

Faamatalaga