Aoao

O La’u Sailiga Galuega

Anotusi
Folasaga
Faasino Mataupu
1. E faapefea ona ou maua avanoa o galuega sa’o?
2. E faapefea ona ou faailoa atu lou lava tagata ma le malosi faatauanau?
3. E faapefea ona ou mauaina le maketi o galuega o loo “natia”?
4. E faapefea ona ou tulagaese e avea ma se filifiliga manino?
5. E faapefea ona faateleai la’u sailiga galuega?
6. E faapefea ona ou lelei i le galuega ma faaauau ona faamanuiaina?
7. O a ni o’u luitau sili o le galuega o i ai nei?
8. O a ni ou luitau sili ona tetele o le galuega i le taimi nei?
9. O a ni ou luitau sili ona tetele o le galuega i le taimi nei?
10. O a ni ou luitau sili ona tetele o le galuega i le taimi nei?
11. O a ni ou luitau sili ona tetele o le galuega i le taimi nei?
12. O a ni ou luitau sili ona tetele o le galuega i le taimi nei?
Faafanua o le Faamanuiaina i le Sailiga Galuega

Aoao

E faapefea ona tatou fesoasoani le tasi i le isi i luitau o le galuega?

Taimi:Seti le taimi i le 20 minute mo na o le itulau lenei (e le o vaega atoa o le Aoaoina).

Ia manatua foi o le a e faaaluina le 20 minute e sili atu i le vaega o le Tautino nai lo le mea masani.

Faitau:O nisi o i tatou atonu ua i ai galuega ao nisi masalo o loo sailia ni galuega, ae e feagai i tatou uma ma luitau o galuega. O nisi faataitaiga o:

E lei maua lava sa’u galuega.
E foliga mai e le fiafia lava lo’u pule i la’u faigaluega.
E i ai la’u galuega, ae e le lava lo’u totogi.
Ou te leiloa pe faapefea ona ou taulimaina le faapiopio po o le le faamaoni i la’u galuega.
Sa ou talanoa i le tele o tagata, ae leai se tasi e faafaigaluegaina a’u.
E faigata ia le faamaoni i lo’u pule.
Ou te le fiafia i la matou aufaigaluega.
E le mafai ona ou tumau i se galuega.

E amata ona tatou ola tutoatasi atili pe a tatou fefautuaai faatasi ma faataitai le foiaina o luitau.

Faataitai:O le a tusi e tagata taitasi o le vaega a latou luitau sili ona tetele i luga o le laupapa. Filifili faatasi o se vaega ni luitau se tolu i luga o le laupapa. O la outou faataitaiga i le aso o le talanoaina lea ma fuafuaina nisi o vaifofo.

O le iloiloina o faataitaiga ua mavae, talanoaga, ma vitio i le api galuega lenei e mafai ona aoga. Atonu e te iloaina foi se tasi i fafo atu o le vaega lea e mafai ona fesoasoani mai i se luitau. E mafai ona valaaulia lenei tagata e fesoasoani i le isi a outou fonotaga faalevaega.

Pe ua amata ona ou ola tutoatasi atili?

Taimi:Seti le taimi i le 20 minute mo na o le itulau lenei.

Faitau:O la tatou sini o le ola tutoatasi, i le faaletino ma le faaleagaga. O le faamanuiaina i a tatou galuega ua na o se vaega o lena sini.

Talanoa: O a suiga na e vaaia i lou olaga ao e faataitaiina ma aoao atu ia mataupu faavae o le O Lo’u Faavae?

Faataitai:Susue lau tamaitusi o le O Lo’u Auala i le Ola Tutoatasi i se faavasegaga avanoa o le ola tutoatasi (i tua). Faauma ia laasaga:

A e uma, faaalu ni minute se tolu e mafaufau loloto ai i mea nei:

Pe ua e malamalama atili i au tupe faaalu? E mafai ona e tali mai nei “matele” pe “e le aunoa” i le tele o fesili? Ua e mautinoa atili le aofaiga na e setiina e avea ma ou totogi mo le ola tutoatasi? Ua e latalata atili atu i le ausiaina o lou totogi mo le ola tutoatasi? O le a se mea e mafai ona e faia e faaleleia ai?