Mo Tagata e Faagaoioia

O le aso o le fontaga:

• Tesi pe valaau atu i tagata o le vaega pe afai o ia oe a latou faamatalaga e faafesootai ai. Fesili atu pe latou te o mai i le fonotaga. Valaaulia i latou ia vave taunuu mai i le 10 minute e saini le tauvalaauga.

• Saunia anomea o le fonotaga:

  • Aumai se kopi o le api galuega lenei ma le tamaitusi o le O Lo’u Faavae: O Mataupu Faavae, o Tomai, o Mausa mo tagata taitasi o le vaega.

  • Aumai nisi kopi se lima o le tamaitusi O Lo’u Auala i le Ola Tutoatasi nei tei ua le maua e tagata o le vaega se kopi.

  • Ia saunia se auala e faaali ai vitio, pe a talafeagai.

  • E leai ni tusi po o vitio? E mafai ona e mauaina i luga o le initoneti i le srs.lds.org.

30 minute ao lei amataina le fonotaga:

• Seti nofoa faataamilo i se laulau ina ia mafai ona vavalalata tagata uma.

  • E le tu le tagata e faagaoioia i le taimi o le fonotaga ma e le saofai foi i le ulu o le laulau. E le tatau ona avea le tagata e faagaoioia ma taulaiga o vaaiga ae e tatau ona fesoasoani i tagata o le vaega e taulai atu le tasi i le isi.

10 minute ao lei amataina le fonotaga:

• Faafeiloai atu ma le alofa ia tagata o le vaega ao latou taunuu mai. Aoao o latou igoa.

• Pasi faataamilo se fasi pepa ma fai atu i tagata o le vaega e tusi o latou igoa atoa, uarota po o paranesi, ma le aso fanau (aso ma le masina, e le o le tausaga). A maea le fonotaga faalevaega, alu i le srs.lds.org/report ma mulimuli i faatonuga e lesitala ai tagata uma o le vaega.

  • A maea le fonotaga muamua, fai se lisi faafesootai e faasoa atu ma le vaega.

• Tofi se tagata e vaaia le taimi ina ia tausisia le taimi faatulagaina o le vaega. Fai atu i ai e seti le taimi e pei ona faatonuina i le tusi.

  • Mo se faataitaiga, o le a e vaai i faatonuga o loo fai mai “Taimi: Seti le taimi i le 60 minute mo le vaega Aoao.” E seti e le tagata e vaaia le taimi le taimi i luga o le telefoni, uati, po o isi mea o loo maua ma o le a tau atu i le vaega pe a uma le taimi. E mafai ona filifili le vaega pe amata le isi vaega pe faaauau pea a latou talanoaga mo ni nai minute.

I le taimi amata:

• Fai atu: “Susu mai i le vaega o le ola tutoatasi lenei.”

• Talosaga atu i tagata e tape a latou telefoni ma isi masini.

• Tau atu upu nei:

  • “O le vaega lenei o le ola tutoatasi ua ta’ua ‘O La’u Sailiga Galuega.’ Ua tou i ai uma iinei ina ia maua se galuega pe ina ia faaleleia i lau galuega?

  • “O le mauaina o se galuega ua na o se vaega o la tatou sini o le ola tutoatasi. A uma ona maua ni a tatou galuega, o le a faaauau pea ona tatou faaleleia. E te auai i a tatou fonotaga faalevaega, e tusa lava pe ua maua se galuega?

  • “O le a tatou fono faa 12. O fonotaga taitasi e pe a ma le lua itula. O le a tatou faaaluina foi se itula e tasi pe lua i aso taitasi e tausia ai a tatou tautinoga ia o le a fesoasoani ia i tatou ina ia maua ni galuega. Mata e te faia lea tautinoga tau taimi?

• Fai se tatalo amata (ma se pese, pe a manaomia).

• Fai atu upu nei:

  • “O taimi uma lava tatou te fono ai, tatou te amata i se autu mai le tamaitusi ua ta’ua o le O Lo’u Faavae: O Mataupu Faavae, o Tomai, o Mausa. O lenei tamaitusi e fesoasoani ia i tatou ia aoao ma ola i mataupu faavae, tomai, ma mausa ia e taitai atu ai i le ola tutoatasi faaleagaga ma faaletino.”

• Seti le taimi i le 20 minute mo O Lo’u Faavae.

• Faitau le tusi o le folasaga a le Au Peresitene Sili i le itulau 2 o le O Lo’u Faavae. Ona faamaea lea o le mataupu faavae 1 i lena tamaitusi ma toe foi i le api galuega lenei.