Punaoa

O Le a Le Mea o loo Ia Vaavaai I Ai? Vaega I

Filifili ni matafaioi ma faatino vaega nei.

NOFOAGA: O loo faatalanoaina e Iose (pule) ia Miguel (tagata sue galuega). O le ogatotonu lenei o le faatalanoaga.

IOSE: Ia, lelei. Ia, e mafai ona e faamatalaina faamolemole lau mea sese sili ona ogaoga mulimuli, aisea na tupu ai, ma o le a se mea na faia e uiga i ai?

MIGUEL: [Mafaufau] O le a lea ituaiga fesili? O le a se mea o ia manao ai? Maimau pe ana ou iloa le mea o loo ia sailia.

IOSE: [Mafaufau] Na o lou fia iloa lava pe na ia malamalama i le mea sese na ia faia, ma pe sa na faaleleia le faafitauli.

MIGUEL: [Mafaufau] Ou te iloa le mea lea o loo ia sailia. E tatau ona ou liliuina se mea le lelei i se mea lelei!

MIGUEL: [Leotele] Ia, ou te manatua se taimi e tasi na faapea ai lo’u pule na ou misia se taimi faatulagaina. O le mea moni lava na tupu ou te lei faafesootai atua nisi o suiga mai le tagata [faatau]. Mai lena taimi, sa ou faamautinoaina e faailoa atu i tagata uma mea o loo tutupu!

IOSE: E ese le manaia o le faalogo atu, Miguel. E foliga mai na i ai se mea sa e aoaoina!

Toe foi i le itulau 56

O Le a Se Mea o Loo Ia Sailiilia Mai? Vaega II

Filifili ni matafaioi ma faatino vaega nei. Faaaliga i le tagata e faagaoioia: A fai mai e talanoa, tuu atu i le vaega e tali mai ae e te lei agai atu i luma.

TAGATA FAAMATALA: O lea la ua tatou i ai iinei ma Iose (le tagata e faia le faatalanoaga) ma Miguel (le tagata faigaluega faamoemoeina). O le a tuuina atu e Iose ni fesili masani se fa. O le a tatou talanoa i le auala e tatau ona tali atu ai Miguel. Ua tou sauni?

IOSE: Talofa. Ia, o le a se mea e mafai ona e tau mai ia te a’u e uiga ia te oe?

Talanoa: (1) O le a se mea o fia iloa e le tagata o loo faia le faatalanoaga? (2) E faapefea ona faaaoga e Miguel le faamatalaga o le “o a’u i le 30 sekone” e tali atu ai? (Tagai i le otootoga i le itu taumatau.)

“O A’u i le 30 Sekone”

1. Igoa

2. Sini Faamoemoeina

3. Agavaa

4. Uiga

5. Faaiu i se fesili

TAGATA FAAMATALA: Ia, o le mea tonu lava lea o loo mafaufau i ai le pule.

IOSE: E mafai ona ia tuuina mai se tali manino? O agavaa o ia?

TAGATA FAAMATALA: O lea la, masalo e tatau ona faaaoga e Miguel lana “o a’u i le 30 sekone.”

MIGUEL: O a’u o Miguel Fuentes. O loo ou talosaga e fai ma a outou pule o tausitusi. E ono tausaga o lou poto masani ma sa ou taitaiina ni au tausitusi se toalima. Na matou galulue faatasi e faaitiitia la matou tau i le tausaga ua tuanai i le 15% ma faateleina la matou tautua i le 23%. Sa ou faauu mai ma se tusi faamaonia i le tausitusi ma ua i ai sa’u laisene faalemalo. I faaiuga o vaiaso, ou te fiafia i se taaloga lakapi faaAmerika manaia. O le a se isi mea e fia iloa?

JOSE: Manaia tele, faafetai. Ia, o a nisi ou malosiaga?

Talanoa: (1) O le a le mea o fia iloa e le tagata o loo faia le faatalanoaga? (2) E faapefea ona faaaoga e Miguel se faamatalaga o le malosiaga e tali atu ai? (Tagai i le otootoga i le itu taumatau.)

Faamatalaga o le Malosiaga

1. Faailoa mai se tomai po o se malosiaga

2. Faataitaiga patino

3. Taunuuga

4. Faatusatusa i manaoga

TAGATA FAAMATALA: O le mea lea o loo matua fia faalogo lava i ai Iose.

IOSE: O ia maua tomai ia tatou te manaomia? E mafai ona ia faamaonia mai i taunuuga?

TAGATA FAAMATALA: Talu ai o le mea lea o loo manao i ai Iose, atonu e mafai e Miguel ona faaaoga se faamatalaga o le malosiaga e tali atu ai.

MIGUEL: Sei o’u tuuina atu ia te oe se faataitaiga. O loo ou vaavaai lava e le aunoa i ni auala e faaitiitia ai le tau. Mose faataitaiga, pe a ma le tolu masina ua mavae sa ou alu ai i lo’u pule ma faamatala i ai e toeitiiti lava 3000 le tupe o leiloa i le vaiaso ona o le tuai o le totogiina mai o tupe. Sa le talitonu i le taimi muamua, ae sa ou faaali atu ia te ia fuainumera. Ona ia fai mai lea ia te a’u e fofo le faafitauli. I le aluga o le 10 vaiaso, sa mafai ona ou faaitiitia le tuai o tupe na totogi mai e ala i le 30 aso i le pili, lea na sefeina le fiaafe. E mafai ona ou faaaogaina le tomai lenei o le fofoina o faafitauli e fesoasoani ai iinei i le Sport Corporation.

TAGATA FAAMATALA: O le isi lea fesili—o se tasi lea tatou te le fia faalogo i ai!

IOSE: O a nisi o ou vaivaiga?

Talanoa: (1) O le a le mea o fia iloa e le tagata o loo faia le faatalanoaga? (2) E ono tali atu faapefea Miguel e ala i le liliuina o mea le lelei i mea lelei? (Tagai i le otootoga i le itu taumatau.)

Liliu Mea Le Lelei i Mea Lelei

1. Faasoa atu se vaivaiga e taatele i le tele o tagata.

2. Faamatala patino

3. Faaopoopo faamatalaga mai au faamatalaga o le malosiaga.

TAGATA FAAMATALA: O mea nei o loo mafaufau i ai le tagata fai faatalanoaga.

IOSE: O ia iloaina se vaivaiga? Na ia faia se mea e fofo ai?

TAGATA FAAMATALA: Talu ai o le mea lea o loo fia faalogo i ai Iose, e mafai e Miguel ona tali atu e ala i le liliuina o se mea le lelei i se mea lelei.

MIGUEL: Fai mai nisi tagata ou te popole tele e uiga i le fesoasoani atu i tagata faatau ina ia vave totogi a latou pili. O lea ua ou galue malosi ai e faapaleni ia taunuuga o le totogiina mai o pili ma le tuuina atu o le auaunaga i tagata faatau. Ma ua tele se mea ua ou aoaoina ai. O le tausia lelei atili o tagata uma faifaatau ma mea latou te manaomia, ua ou fesoasoani moni ai lava i le kamupani i le vave o le totogiina mai o a latou tupe. Ma sa ou mauaina le taui o le tagata e maualuga le tulaga o le auaunaga i tagata faifaatau i le masina ua tuanai.

TAGATA FAAMATALA: Ia, o le fesili masani mulimuli lenei.

IOSE: Lelei, Miguel. Faafetai tele. Ia, aisea la ua e fia faigaluega ai mo i matou?

Talanoa: (1) O le a le mea o fia iloa e le tagata o loo faia le faatalanoaga? (2) E mafai faapefea ona faaaoga e Miguel se faamatalaga o le malosiaga e tali atu ai? (Tagai i le otootoga i le itu taumatau.)

Faamatalaga o le Malosiaga

1. Faailoa mai se tomai po o se malosiaga

2. Faataitaiga patino

3. Taunuuga

4. Faatusatusa i manaoga

TAGATA FAAMATALA: O mafaufauga la ia o le tagata o loo faia le faatalanoaga.

IOSE: O ia malamalama i le mea matou te manaomia? E popole o ia?

TAGATA FAAMATALA: Talu ai o le mea lea o loo manao i ai le tagata o loo faia le faatalanoaga, e mafai e Miguel ona faaaoga se isi faamatalaga o le malosiaga e tali atu ai.

MIGUEL: Ia, Mr. Martinez, o le suesuega lea sa ou faia e uiga i le Sport Corporation e matua manaia lava. Tou te taulai atu i le faatauina o masini ma mea e faaaoga i taaloga ma o loo faamanuiaina outou. Sa ou faalogo ua amata nisi oloa fou ma ua faaleleia. Ou te fia faigaluega i se kamupani faamanuiaina o loo tuputupu ae. E i ai foi si nai ou malamalama e uiga i taaloga ma faamalositino. I le aluga o le tausaga ua mavae, sa ou volenitia e avea ma se tagata e koleniina le au futipolo, ma sa ou fesoasoani e faaleleia le au i le malosi ma le faatinoga. Ou te malamalama i le mea o tou taumafai ia ausia ma e mafai ona ou fesoasoani atu ia ausia.

Toe foi i le itulau 57

Faataitai le Taliina o Fesili Masani

Ao lei faia le isi a tatou fonotaga, faatasi ai ma lau soa galue, aiga, po o uo, faataitai le taliina o fesili.

FESILI MASANI	O LE MEA E ONO MANAO LE TAGATA E FAIA LE FAATALANOAGA E FIA ILOA E UIGA IA TE OE	MEAFAIGALUEGA O TALI
O le a se mea e mafai ona e tauina mai ia te a’u e uiga ia te oe?	E mafai ona lelei lana tautala? E agavaa o ia?	“O A’u i le 30 Sekone”
O a ou malosiaga?	E fetaui ona aafiaga ma ou manaoga?	Faamatalaga o le malosiaga
O a ou vaivaiga?	Pe faamaoni o ia? Pe ua alualu i luma o ia?	Liliu mea le lelei i mea lelei
Aisea ua e manao ai e te faigaluega mo i matou?	Pe sa na faia se sailiiliga? E i ai ni ana sini?	Faamatalaga o le malosiaga
Faamatala lau mea sese tele mulimuli.	O talafeagai lana mafuaaga mo le mea sese? Pe na ia aoao mai ai?	Liliu mea le lelei i mea lelei
O le a sou manatu e uiga i lou pule lea sa i ai?	Pe na te faaaloalo i taitai?	Faamatalaga o le malosiaga
E faapefea ona e tali atu i uunaiga?	Pe na te taulimaina ia faaletonu?	Faamatalaga o le malosiaga
Na teena muamua ni ou manatu?	E naunau o ia? E lelei o ia?	Liliu mea le lelei i mea lelei
O a ni au sini faalegaluega?	Pe o le a ia fesoasoani ia i tatou ia faamanuiaina? E taulai atu o ia?	“O A’u i le 30 Sekone”
O le a se totogi o e faamoemoe e totogi ai oe?	O talafeagai ona faamoemoega?	Tali atu ma se fesili
Pe o i ai ni au fesili mo au?	Pe popole o ia? Pe naunau o ia?	Tali atu ma se fesili

E Faapefea ona Ou Soalaupuleina Galuega Lea e Fetaui ma O’u Manaoga? (Gaoioiga e Tuu i le Faitalia)

Faitau:Pe a filifili se pule o le falefaigaluega e ofoina mai ia i tatou se galuega, e mafai ona tatou talanoaina ni tuutuuga o la tatou galuega. O nei tuutuuga e aofia ai la tatou totogi, po o afea ma po o le a le umi tatou te faigaluega ai, tulaga o le galuega, po o nisi mataupu. O le sini o le faamaoni ma ia lagona e tagata uma se lagona lelei e uiga i taunuuga.

Talanoa: O le a se mea faigata e uiga i le soalaupuleina? Aisea o le a e soalaupuleina ai?

Faitau:O laasaga ia e lima e mafai ona tatou faaaogaina e saunia ai mo lenei ituaiga o talanoaga:

• Faailoa muamua mai o tatou manaoga.

• Filifili po o le a le mea e sili ona taua ma soo se tuutuuga itiiti e taliaina.

• Ia iloa po o le a le mea e mafai ona ofaina mai e le falefaigaluega ma po o le a le mea e taua ia i latou.

• Saili musumusuga; mafaufau i ni auala e mafai uma ai e i tatou ma le falefaigaluega ona “manumalo.”

• Faataitai ni talanoaga ma se tagata o le aiga po o se uo.

Faataitai:Faaaoga le siata lenei e mafaufau ai e uiga i mea e manaomia e faatatau i lau galuega.

O faataitaiga o loo i le efuefu; nao le tusi ai lava i luga.

1. Faanumera ia mea manaomia taitasi i le faagasologa o mea e te faamuamuaina. Faaaoga le “1” e avea ma mea e aupito sili ona faamuamua.

2. Filifili po o le a le mea e te manatu o se tulaga maualalo mo mea taitasi e manaomia.

3. Talanoa i nei mea ma lou toalua po o aiga. Tuu atu ia i latou e faaali mai mea latou te faamuamuaina ma seti faatasi ia tulaga maualalo. Afai e i ai ni eseesega, fai se maliliega.

O O’U MANAOGA (Faaopoopo nisi)	MEA OU TE FAAMUAMUAINA (e te faanumeraina mea taitasi; o le 1 o le mea aupito maualuga lea)	MEA E FAAMUAMUA A LE AIGA (latou te faanumeraina mea taitasi; o le 1 o le mea aupito maualuga lea)	MEA E ITIITI LE TALIAINA (mea faatapulaa pito i lalo mo manaoga taitasi)	MEA E FAAMUAMUA E FALEFAIGALUEGA (o latou moomooga/manaoga i tulaga faamuamua pe afai e te iloaina)
Totogi	1	2	3000/masina	Vaega o le totogiina 2200-3200
Itula Faigaluega	5	1	Leai ni Aso Sa	Faigaluega i faaiuga o vaiaso pe a manaomia
Siosiomaga Mama	6	5	Leai ni vailaau oona	Vailaau ia e faafaigofie ai galuega
Paaga Faigaluega	3	6	Faamaoni	Vave i le galuega, galue-malosi
Avanoa	2	4	faalauiloaga e 90-aso	Tagata faigaluega o le vaega
Tausiga Faalesoifua Maloloina	4	3	-----

Talanoa: O le a se mea na e aoaoina mai lena faatinoga?

Faataitai:Ia mafaufau i se falefaigaluega lea e te fia faigaluega ai. O a ni mea latou te faamuamua? E mafai ona e sailia po o le a se mea e sili ona taua ia i latou? Tuu mea e faamuamua e lau falefaigaluega i luga o le siata ao le’i faia lou faatalanoaga.

Talanoa: Mai ou aafiaga, e faapefea ona e faatusatusaina ou manaoga ma moomooga o le falefaigaluega?

Motugaafa:

Afai ua maualalo tele le ofo, faataitai le filemu. Faatalitali mo le 10 sekone ae e te lei tali atu. E masani lava o le tagata o loo lua talanoa o le a tuuina atu se ofa sili atu ona lelei e taofia ai le filemu

Faataitai:Fai le faatinoga lenei ma se tagata o le aiga po o se uo.

1. Faitau le tulaga lenei: I lana faatalanoaga muamua, na iloa e Kofi o le tulaga o le totogi mo le galuega lenei e i le 95 e oo i le 105 i le aso. O lea la o loo i ai o ia i lana faatalanoaga lona lua. Ua ofa atu e le falefaigaluega le galuega i le 96 i le aso. E manaomia e Kofi ia le itiiti ifo ma le 100 i le aso. E mafai ona ia faaaogaina se fesoasoani i femalagaaiga ma ua ia filifili e na te le faigaluega i Aso Sa.

2. O se tasi o oulua e aveina le matafaioi o le pule ao le isi e aveina le matafaioi o Kofi. E amata le pule i le ofaina atu ia Kofi o le galuega i le 96 i le aso. Na ia talosaga atu ia te ia e galue i le lua Aso Sa i le masina. E tatau ona taumafai Kofi e soalaupule atu se fofo e taliaina e vaega uma e lua.

3. Ona fesuiai lea o matafaioi ma toe faataitai.

Talanoa: Na faapei le aluga? Na e taliina fesili i ni fesili? Na e mafaufau e soalaupuleina isi penefiti?

Faitau:O se tasi lea o auala e ono oo i ai le soalaupulega a Kofi. Sei o tatou faitauina le siata lenei. O ai na malo? Na latou fofoina le faafitauli o le galue i le Aso Sa?

OFA MUAMUA	TAUA I LE KAMUPANI	TAUA IA KOFI	O MEA NA TALANOA ATU AI KOFI	TOE ILOILOINA LE OFA
Totogi e 96 i le aso	E mafai ona totogi e le kamupani le 98 i le aso mo se tagata e i ai tulaga o le poto masani e pei o Kofi.	E manaomia e Kofi le 100 i le aso. O le 3 o lena 100 o le totogi mo fegamalaaiga i le galuega.	Sa talosaga atu Kofi i le kamupani mo le 97 i le aso ae totogi lona pasese i le pasi e 3 i le aso.	Ua ioe le kamupani e totogi Kofi i le 97 i le aso ma totogi lana pasese i le pasi. Ua faia e le kamupani se tuutuuga ma le kamupani pasi. E na o le 1 i le aso latou te totogiina ia i latou mo le pasese a Kofi.

Talanoa: A e faapefea pe a le mafai ona e ausia se maliega? Pe e tatau ona e savali ese mai le avanoa pe a le fetaui ma ou manaoga?

Faitau:O le faataitaia o ou tomai faasoalaupule, e masani ai ona e ausia maliliega e lelei mo tagata uma o loo aofia ai. Po o le a lava se maliega e te faia, talosaga atu mo se faamaoniga tusitusia i se aso mautinoa. O le a puipuia e lena mea tagata uma!

Faataitaiga o le Talosaga

Talosaga o le Galuega

Igoa:FaaiuPullagariMuamuaAmit

Aso:6 Tesema, 2013

Tuatusi:1234 Any Street, Hyderabad

Telefoni:1234567890

Imeli: [e-mail]

Tofiga:Faiaoga o le faagasologa

Totogi Manaomia:70000

Aso o Avanoa ai:Ianuari 2014

Na e faigaluega muamua mo le kamupani lenei?

• Ioe

• Leai X

Afai o le ioe anafea?

Pe na molia muamua [oe] i se solitulafono?

• Ioe

• Leai X

Afai e ioe, faamalamalama mai:

Aoga

Aoga Maualuga:Soo Se Aoga Lautele

Tuatusi:1234 Another Street, Hyderabad

Mai le:2002

Mo:2007

Na e faauu?

• Ioe X

• Leai

Tipiloma:Tusi Faamaonia

Kolisi:Soo Se Kolisi Faatekinolosi

Tuatusi:4321 Any Street, Gangtok

Mai le:2011

Mo:2013

Na e faauu?

• Ioe X

• Leai

Tikeri:Tusi Faamaonia

Mau Faasino

Igoa Atoa:Vivek Singh

Sootaga:Faiaoga

Telefoni:1234567891

Igoa Atoa:Shrati Patel

Sootaga:Pule

Telefoni:1234567892

Igoa Atoa:Kavita Ram

Sootaga:Tagata faigaluega

Telefoni:1234567893

Galuega na I Ai Muamua

Faalagiga i le Galuega:Supavaisa

Totogi Amata:40000

Totogi Faaiu:45000

Tiutetauave:Supavaisaina tagata faigaluega

Mai le:2010

Mo:2011

Mafuaaga mo le Aluese:Toe foi i le aoga

Kamupani:Soo Se Kamupani

Telefoni:1234567894

Faalagiga i le Galuega:Faiaoga o le Galuega

Totogi Amata:30000

Totogi Faaiu:32000

Tiutetauave:Aoao tagata faigaluega

Mai le:2008

Mo:2010

Mafuaaga mo le Aluese:Galuega fou

Kamupani:Le Isi Kamaupani

Telefoni:1234567895

Ou te faamaonia a’u tali ua moni ma atoatoa i le mea sili ua ou iloa.

Afai o le talosaga e taitai atu ai i le galuega, ua ou malamalama o faamatalaga sese pe taufaasese i la’u talosaga po o faatalanoaga e oo atu ai i lo’u faamalologa.

Saini:Amit Pullagari

Aso:6 Tesema, 2013

Faaauau Faataitaiga

William Owusu Address: 1234 Any Street, Accra, Ghana Tel: [phone] I-meli: [e-mail]

Faamatalaga Faaletagata Lava Ia
Igoa Atoa	William Owusu
Itupa	Alii
Aso Fanau	16 Aperila, 1980
Nuu na Fanau ai	Kumasi, Ghana
Tulaga Faalefaaipoipoga	Nofofua

Talaaga o Aoaoga
2007–2011	Tusi Faamaoni mai Soo Se Aoga Faatekinolosi
2000	Faauu mai Soo Se Aoga Maualuga

Aafiaga Faalegaluega
2004–2006	galue o se faifeautalai faamisiona
2007–2011	galue o se taitai o vaega i Soo Se Faleaiga
2011–	faigaluega mo Soo Se Limosini o se tagata ofisa

Kosi Faaleaoaoga
2009	Faamaea kosi faaleaoaoga o pepa galue (spreadsheet) i le komepiuta
2013	Faamaea kosi faaleaoaoga o se tautua mo tagata
2012	Faamaea kosi faaleaoaoga mo pisinisi laiti

Atamai i le Komepiuta
2003	Pepa galue, utofaamatalaga, Initoneti / i-meli

Gagana
Ashanti Twi	Gagana o lou atunuu
Igilisi	Lelei

Mea e Fiafia I Ai
	Faitau tusi, taalo i taaloga, Initoneti

Tagata Faasino
1. Sandra Osei	Tel: [phone]
2. Eric Katoka	Tel: [phone]

Faamatalaga