Aoao

E faapefea ona ou faateleaiina la’u sailiga galuega?

Taimi:Seti le taimi i le 60 minute mo le vaega Aoaoina.

Faitau:Ua tatou mauaina nisi o meafaigaluega malolosi e fesoasoani i la tatou sailiga galuega:

• “O A’u i le 30 Sekone”

• Faamatalaga o le malosiaga

• Liliu se mea le lelei i se mea lelei.

• Tali fesili i ni fesili

• Tali fesili masani o le faatalanoaga

• Faatumu ia talosaga

• Faaleleia foliga vaaia, ma uiga faaalia

I le aluga o le fonotaga lenei, o le a tatou aoao i le auala e faaaoga uma ai faatasi meafaigaluega nei e fesoasoani i le faateleaiina o la tatou sailiga galuega!

Talanoa: O a ni ou lagona i lenei taimi ina ua e mauaina uma meafaigaluega nei e fesoasoani i lau sailiga galuega?

Faitau:FESILI I LE VAIASO—E faapefea ona ou faateleaiina la’u sailiga galuega?

FAATINOGA O LE VAIASO—Matuai faateleina a’u punaoa, fesootaiga, ma feiloaiga faafesagai.

Masalo ua uma ona faia e nisi o tagata i la tatou vaega le Faateleaiina o le Sailiga Galuega. I le fonotaga lenei o le a tatou faateleaiina uma la tatou sailiga galuega.

Sailiga galuega i aso taitasi

Faitau:Ua oo nei i le taimi mo i tatou e faaaoga uma ai nei meafaigaluega ma faateleai le faamanuiaina ia tatou galuega.

Maimoa:“Rafael: Galuega i le 6 Aso!” (Leai se vitio? Faitau le “Sailiga Galuega i Aso Taitasi: Tala a Apa” i le itulau 88.)

Talanoa: O le a le mea na fesoasoani ia Rafael po o Apa ina ia manuia i le Faateleaiina o le Sailiga Galuega?

Faataitai:O le Faateleaiina o le Sailiga Galuega o se metotia o le sailiga galuega malosi i aso taitasi. I nisi o eria, ua faaitiitia e lenei faiga le taimi e saili ai se galuega mai le 200 aso i le 20 aso! E manaomia ai se taumafaiga malosi—mai le lua i le fa aso pe sili atu. E aofia ai gaoioiga e tolu i aso taitasi:

1. Faailoa mai ni punaoa fou e 15.

2. Fai ni fesootaiga se 10 mai na punaoa.

3. Fai ia le itiiti ifo ma le 2 ni feiloaiga po o ni faatalanoaga faafesagai ma na tagata faafesootai.

Maimoa:“Sailiga Galuega i Aso Taitasi” (Leai se vitio? Faitau le itulau 88.)

Faataitai:Amata ona faatumu le siata o i le itulau e sosoo ai i le taimi lava lenei e ala i le lisiina o ni punaoa se tele e mafai ona e mafaufau i ai i le koluma muamua. O ni tagata, nofoaga, ma mea nei e i ai faamatalaga e fesoasoani ia te oe! Ua tuuina atu nisi o faataitaiga. Faatumu nisi mea ao lei oo i le isi a tatou fonotaga e ala i le faaaogaina o le fomu i le itulau 91. Fai ni kopi o le fomu o loo avanoa ao faaauau pea ona e faaopoopo atu i lau lisi o punaoa.

Maimoa:“Sailiga Galuega o Aso Taitasi: Tagata Faafesootai” (Leai se vitio? Faitau le itulau 89.)

Faataitai:Ia, i le itulau e sosoo ai, lisi ni tagata se toatele e mafai ona e mafaufauina o e mafai ona e faafesootaia ao lei faia le isi a tatou fonotaga. Manatua—aua le matamuli. Saili se auala e faia ai ni faafesootaiga se 10 i le aso!

Maimoa:“Sailiga Galuega i Aso Taitasi: Fonotaga” (Leai se vitio? faitau le itulau 89.)

Faitau:Ia, i le itulau e sosoo ai, lisi ni tagata se toatele e te mafaia o e atonu o le a e feiloai faafesagai i ai ao lei oo i le isi a tatou fonotaga. Mafaufau po o afea e mafai ona e feiloai ai mai i latou ma po o fea. Manatua e faaaoga lau “o a’u i le 30 sekone” i feiloaiga taitasi.

Maimoa:“Sailiga Galuega i Aso Taitasi: Tuufaatasiga Uma” (Leai se vitio? Faitau le itulau 90.)

Faataitai:Ia, tagai i le siata i le itulau e sosoo ai. O le a se mea o le a e faia muamua? lona lua? lona tolu? Fai se fuafuaga e saili ai ni punaoa, faia ni faafesootaiga, ma faia ni feiloaiga faafesagai i aso taitasi. Filifili po o afea o le a e faia ai nei mea ma talosaga atu i lou aiga po o soa galue e fesoasoani ia te oe. Tatalo mo le taitaiga a le Alii.

Fomu o Punaoa, Tagata Faafesootai, ma Fonotaga

PUNAOA (fai se lisi)	TAGATA FAAFESOOTAI (telefoni, imeli)	FONOTAGA (faafesagai)
Saite o le Initoneti	Tagata o le Korama po o le Aualofa	Pule faamoemoeina o galuega
Niusipepa	Tagata na tou galulue faatasi	Faiaoga o aiga
Auaunaga e faalauiloa ai avanoa faigaluega	Faiaoga	Tagata o le Ekalesia
Nofoaga autu mo le ola tutoatasi	Tagata e te feiloai i ai i se faleoloa

Fomu e Siaki ai le Faateleaiina o le Sailiga Galuega

Faitau:O se faataitaiga lenei o le Fomu e Siaki ai le Faateleaiina o le Sailiga Galuega. Faaauau pea le siakiina o au punaoa, tagata faafesootai, ma fonotaga o le fomu i le itulau 92. Fai ni kopi mo le tele o vaiaso pe a manaomia.

(Siaki pusa ma faaopoopo ni faamatalaga. Faaali mai ia aofaiga i aso taitasi.)

AS0 1
Punaoa: ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☐	Aofaiga i Aso Taitasi  15
Tagata Faafesootai: ☑ ☑ ☑ ☑ ☑ ☑ ☑ ☑ ☑ ☑ ☐	Aofaiga i Aso Taitasi  10
Faatalanoaga: ☑ ☑ ☐ ☐	Aofaiga i Aso Taitasi  2
Faamatalaga: Ua uma ona i ai se tagata i le galuega o le Kesia. Fai ia i latou e faataitai i le maketi. Atonu o loo sue ni tagata faigaluega.

ASO 2
Punaoa: ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☐	Aofaiga i Aso Taitasi  15
Tagata Faafesootai: ☑ ☑ ☑ ☑ ☑ ☑ ☑ ☑ ☐ ☐ ☐	Aofaiga i Aso Taitasi  8
Faatalanoaga: ☑ ☑ ☐ ☐	Aofaiga i Aso Taitasi  2
Faamatalaga: Na le mafai ona feiloai ma Iose ananei. Fai mai a ia e toe sau i le Aso Tofi.

Aso 3
Punaoa: ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☑ ☐ ☐	Aofaiga i Aso Taitasi  14
Tagata Faafesootai: ☑ ☑ ☑ ☑ ☑ ☑ ☑ ☑ ☑ ☑ ☐	Aofaiga i Aso Taitasi  10
Faatalanoaga: ☑ ☑ ☑ ☐	Aofaiga i Aso Taitasi
Faamatalaga: Faatumu le talosaga mo le galuega mai ia Maria i le maketi.