Aoao

Na faapefea ona ou tuuina atu lou tagata ma le malosi?

Taimi:Seti le taimi i le 60 minute mo le vaega Aoao.

Maimoa:“O Le Faatalanoaga” (Leai se vitio? Faitau le itulau 32.)

Talanoa: E te manatu na faafaigaluega nei tagata?

E te iloa tali le lelei i fesili o faatalanoaga pe a e vaai i ai! Ae e i ai nisi taimi e te tauivi ai e tuu atu ni tali lelei i se faatalanoaga?

Faitau:FESILI O LE VAIASO—E faapefea ona ou faailoa atu lou tagata ma le malosi faatauanau?

FAATINOGA O LE VAIASO—Saunia ma faaaoga ia faamatalaga o le malosiaga ma se fesootaiga o tagata faafesootai.

Faitau:I le tatou fonotaga mulimuli, sa tatou talanoa ai le auala e mafai ai e la tatou “o a’u i le 30 sekone” ona tatai mai le fiafia i le amataga. O le tatou laasaga e sosoo ai o le faaopoopo lea o ni “faamatalaga o le malosiaga,” lea e mafai ona faaali atu lo tatou taua i pule o falefaigaluega ma isi.

O faamatalaga o le malosiaga e faamalosia ai pepa o faamatalaga o talaaga patino ma faatalanoaga. E fesoasoani mai tatou te talanoa ai ma la tatou upega o fesootaiga. E mafai foi ona latou fesoasoani ia i tatou e tausia se galuega ma faamanuia ai.

Sei o tatou faitauina vaega autu e fa o se faamatalaga o le malosiaga.

VAEGA AUTU E FA O SE FAAMATALAGA O LE MALOSIAGA

Faailoa mai le taua, tomai, po o le malosiaga.

Tau mai se faataitaiga faapitoa po o se mea na ausia.

Faaali mai ni taunuuga.

Faatusatusa lo tatou taua i manaoga o le falefaigaluega.

E faapefea ona ou fausia se faamatalaga o le malosiaga?

Faitau:Na faatulagaina e Vitoria se talanoaga e lima minute ma se falefaigaluega faamoemoeina. Ina ua fesiligia o ia e le pule o le galuega e uiga i lona poto masani tau maketi, sa ia faaaoga se tasi o ana faamatalaga o le malosiaga.

Faamatalaga o le Malosiaga a Vitoria

❶ Ou te sogasoga ma ou te tulimatai atu i le ausiaina o taunuuga po o faamoemoega! Mo se faataitaiga, ❷ i le Kamupani a le ABC Power, na ou fatuina se fuafuaga fou e faailoa atu ai le auaunaga ma se pepa faalauiloa lea e ❸ faateleina ai i le 5% ia faatauga. Ou te mautinoa e mafai ona ou ❹ fesoasoani atu i le faaleleia o faatauga o la outou kamupani i lea lava auala e tasi.

❶ Faailoa mai se tomai po o malosiaga ❷ faataitaiga patino ❸ Taunuuga ❹ Faatusatusa i mea e manaomia

Talanoa: E faapefea ona fesoasoani lenei faamatalaga ia Vitoria i lana sailiga galuega?

Faitau:O nisi nei o faataitaiga o faamatalaga o le malosiaga mo se faifeautalai ua maea lana misiona, o se tagata faipisinisi laitiiti, ma se tina—o i latou uma o loo sailia ni galuega. Faitau i ai. Matau le auala e galulue faatasi ai vaega e fa.

1. TOMAI	2. FAATAITAIGA (Ia patino)	3. TAUNUUGA (Ia patino)	4. FAATUSATUSA I MEA E MANAOMIA
E mafai ona ou fausia ma uunaia ni vaega.	Mo se faataitaiga, i le avea ai ma se volenitia e faigaluega tumau mo la’u ekalesia, sa talosagaina a’u e taitaia se vaega o volenitia e toavalu o e lei lotogatasi ma sa lei ausia ia sini.	O lea sa ou faia ai ni fonotaga faaleaoaoga ma fesoasoani ia i latou e faataua le tasi ma le isi, seti ni sini, ma ia ausia na sini.	E mafai ona ou fesoasoani i la outou vaega ina ia lotogatasi e ausia ma ausiaina au sini.
E i ai ou tomai i le foiaina o faafitauli.	Mo se faataitaiga, i le pisinisi o le matou aiga, sa matou le mautinoaina a matou tupe faaalu. Sa ou filifili e fatu ni faamaumauga sili ona lelei e siaki ai tupe faaalu i aso taitasi.	O le vaavaaia o au faamaumauga ma metotia e siaki ai, sa matou faamaonia ai le siiina e le sapalaia o tau o oloa i pepa o oloa i vaiaso taitasi e aunoa ma le tauina mai ia i matou.	O le a ou faaaogaina ia tomai o le foia o faafitauli i soo se faafitauli o ono fetaiai ma oe, ma ou te mautinoa e mafai ona ou maua se tali lelei.
E mafai ona ou faia ni faatulagaga.	Mo se faataitaiga, i le avea ai ma se tina, ou te faamaopoopoa ia meaaoga ma galuega a le fanau e toatolu i le fale.	O le faatautaiga o nei taimi faatulagaina, ou te mautinoa ai e faamaeaina lelei e tamaiti taitasi le aoga ma ia iloa faigaluega.	E mafai ona ou faaaogaina ia tomai faaletaitai e tausia ai taimi faatulagaina a lau kamupani ina ia tausiaina uma au galuega faatulagaina.

Faataitai:Faaaoga le itulau lenei e fatu ai nisi faamatalaga o le malosiaga patino. Amata loa ona tusia i latou i avanoa i le taimi nei. E mafai ona e galue ma se isi tagata o le vaega.

1. TOMAI	2. FAATAITAIGA (Ia patino)	3. TAUNUUGA (Ia patino)	4. FAATUSATUSA I MEA E MANAOMIA

Faataitai:A uma ona loa ona i ai ni au faamatalaga o le malosiaga se lua, auauai e faaaoga ma se isi tagata o le vaega. Fai leotele atu seia e lagona le toafimalie. A o lei faia le isi a tatou fonotaga, faamaea ia le itiiti ifo ma le lima ni faamatalaga o le malosiaga.

Faitau:E mafai ona e amata ma le “o a’u i le 30 sekone” pe a e talanoa i se tagata e uiga i se galuega. E mafai ona avea lea tagata o se pule o le galuega po o se tagata sa e talosaga i ai e fesoasoani ia te oe. Atonu o le a fai atu e le tagata ni fesili masani ia te oe. E te manaomia ni faamatalaga o le malosiaga e tali ai fesili nei. O le a e faasoaina atu au faamatalaga o le malosiaga ma ni tagata se toatele ao lei faia le isi a tatou fonotaga.

Faataitai:I le avea ai ma se vaega, faitau ia faatonuga nei. A uma ona e faitauina faatonuga, amata le gaoioiga. Aua nei faaaluina le silia ma le 10 minute.

1. Ia tutu uma i luga tagata uma ma agai atu i se avanoa taalaelae mo se faataitaiga o le saoasaoa. E tatau i tagata taitasi ona faasaga atu i se isi tagata.

2. Fai atu e le tagata muamua se fesili masani, e pei o le:

   • O le a se mea e mafai e tauina mai ia te a’u e uiga ia te oe?

   • Aisea e tatau ai ona matou faafaigaluegaina oe?

   • O le a lou malosiaga sili?

   • O le a se mea e tatau ona ou tau atu e uiga i a te oe i a’u tagata faafesootai?

3. E tau atu e le tagata lona lua se faamatalaga o le malosiaga e avea o se tali.

4. Ona lua fesuiai lea. Ia fai atu e le tagata lona lua se isi fesili masani, ae tali mai e le tagata muamua i se faamatalaga o le malosiaga.

5. Ia faatopetope ona tuuina atu e le tasi i le isi se manatu faaalia: Na i ai ni vaega e fa? Na foliga faamaoni ma tuuto?

6. Ona fesuiai lea o paga a tagata uma ma toe faia. Ma toe fai!

7. Ia faavavevave i le vave e te mafaia ai seia faafa ona faataitaia e tagata uma.

Talanoa: Na e faaaogaina faamatalaga o le malosiaga e tali ai fesili? O a nisi o eseesega o nei fesili? O a nisi o fesili e ono fesiligia e tagata e faia faatalanoaga.

GAOIOIGA E TUU I LE FAITALIA: E FAAPEFEA ONA OU SUIA MEA LE LELEI I MEA LELEI?
(AUA NEI FAIA LENEI MEA I LE TAIMI O LE FONOTAGA.)
Afai e te filifili, i le aluga o le vaiaso e mafai ona e faia le gaoioiga lenei:
E mafai ona e faaaogaina ia faamatalaga o le malosiaga e liliu ai fesili ma tulaga le lelei i avanoa lelei. Suesue le itulau 33 i Punaoa.

O fea ou te faaaoga ai faamatalaga o le malosiaga?

Faitau:Faatasi ai ma a tatou faamatalaga fou o le malosiaga ma la tatou “o a’u i le 30 sekone,” ua i ai ni tatou meafaigaluega lelei. A faapefea ona tatou sailia tagata o le a faalogo? O le ki o le talanoa i tagata uma. Ona talosaga lea o i latou e talanoa atu i a latou tagata faafesootai. O se “upega fesootai” lea, ma e pei lava o le faafaigaluegaina o lau lava vaega faalauiloa.

Oe

Tagata e te iloaina

Tagata latou te iloa

Faataitai:Ave lou nofoa e talanoa i se tagata e i ou autafa.

1. Talanoa e uiga i tagata o le a e faafesootaia e faaaoga ai lau “o a’u i le 30 sekone” ma faamatalaga o le malosiaga ao lei faia le isi a tatou fonotaga. Lisi nisi o igoa iinei:

2. Talanoa e uiga i le auala o le a e faalautele ai lau upega fesootai e faia ai nisi fesootaiga. Tusi ou manatu iinei:

Faataitai:A o lei faia le isi a tatou fonotaga, o le a e faaaogaina au faamatalaga o le malosiaga ma tagata faafesootai e te iloaina. Ma o le a e talosaga i au tagata faafesootai e talanoa i a latou tagata faafesootai. Faatasi ai ma lau “o a’u i le 30 sekone” ma au faamatalaga o le malosiaga, ua i ai ni au meafaigaluega maoae e lua e fausia ai lau upega fesootai. Ua amata ona lelei lau sailiga galuega!

GAOIOIGA E TUU I LE FAITALIA: FAATELEAI LE SAILIGA GALUEGA
(AUA NEI FAIA LENEI MEA I LE TAIMI O LE FONOTAGA.)
Afai e te filifili, e mafai ona e faia le gaoioiga lenei pe a maea le tatou fonotaga:
Ina a faavavevave, suesue le “Faateleai le Sailiga Galuega” i le itulau 15. Faataitai i ai—15 punaoa, 10 tagata faafesootai, 2 fonotaga—i aso uma!