Lipoti

Pe na ou tausia a’u tautinoga?

Taimi:Seti le taimi i le 20 minute mo le vaega Lipoti atu.

Talanoa: Faitau le upusii i le itu taumatau. E faapefea la ona faatatau lenei mea i la outou vaega?

“Pe a fuaina le faatinoga, ona faaleleia lea o le faatinoga. Pe a fuaina ma lipoti au le faatinoga, o le a televave le faaleleia.”

Thomas S. Monson, i le Conference Report, Oke. 1970, 107

Faataitai:Sei o tatou lipoti atu a tatou tautinoga. O i latou uma o e na tausia uma a latou tautinoga, faamolemole ia tutu i luga. (Patipati mo i latou na e tausia uma a latou tautinoga.)

Faitau:Ia, tutu uma i luga tagata uma. E tatau ona tatou taumafai e tausia uma a tatou tautinoga. O se tasi na o mausa autu o tagata ola tutoatasi.

Ao tatou tutu ai pea, sei o tatou faia faatasi la tatou faamatalaga autu. O nei faamatalaga o loo faamanatu maia ia i tatou le faamoemoega o la tatou vaega:

“Ma o loʼu faamoemoe o le faia lea o mea mo laʼu au paia, aua o mea uma e a aʼu.”

Mataupu Faavae ma Feagaiga 104:15

Faatasi ai ma le faatuatua i le Alii, ua tatou galulue faatasi ina ia ola tutoatasi.

Faitau:Tatou saofafai i lalo.

Talanoa: O le a se mea sa e aoaoina i le tausia o au tautinoga? E mafai faapefea ona tatou fesoasoani atu?” Sei o tatou fefaasoaai faatasi ma fesoasoani le tasi i le isi i la tatou sailiga galuega. O le talanoaga sili ona taua lenei o lenei fonotaga!

O le a se mea sa e aoaoina i le tuuina atu o lau “o a’u i le 30 sekone” i tagata? Na e faaleleiaina? Na e tusi i lalo au tagata faafesootai ma tulitataoina?

Na faataitai e se tasi le Faateleaiina o le Sailiga Galuega? E i ai ni taunuuga?