Aoao
E faapefea ona tatou fesoasoani i le tasi ma le isi i luitau o le galuega?
-
Taimi:Seti le taimi i le 40 minute mo na o le itulau lenei (e le o le vaega atoa o le Aoaoina).
-
Faitau:O nisi o i tatou atonu ua i ai ni galuega ao nisi masalo o loo sailiili lava ni galuega, ae e feagai uma lava tagata ma luitau o galuega. O nisi faataitaiga o le:
-
Ou te lei mauaina lava se galuega.
-
E le fiafia lava lo’u pule i la’u faigaluega.
-
E i ai la’u galuega, ae e le lava sau tupe e maua.
-
Ou te le iloa pe faapefea ona ou taulimaina le faapiopio po o le le faamaoni i la’u galuega.
-
Na ou talanoa i le tele o tagata, ae leai se tasi e fia faafaigaluegaina a’u.
-
E faigata le faamaoni i lo’u pule.
-
Ou te le fiafia i le matou aufaigaluega.
-
E le mafai ona ou tumau i se galuega.
Tatou te ola tutoatasi atili pe a tatou fefautuaai faatasi ma faataitai le foiaina o luitau.
-
-
Faataitai:O le a tusi e tagata taitasi o le vaega lona luitau po o faafitauli e sili ona tele i luga o le laupapa. Filifili faatasi o se vaega ni luitau se tolu o loo i luga o le laupapa. O la outou faataitaiga i le aso o le talatalanoa lea ma fuafua nisi o vaifofo.
O le iloiloina o faataitaiga ua tuanai, talanoaga, ma vitio i lenei api galuega e mafai ona aoga. Atonu tou te iloaina foi se tasi i fafo atu o le vaega e mafai ona fesoasoani i se luitau. E mafai ona valaaulia lenei tagata e fesoasoani i le isi a outou fonotaga faalevaega.
Ua amata ona ou ola tutoatasi atili?
-
Taimi:Seti le taimi i le 20 minute mo na o le itulau lenei.
-
Faitau:O la tatou sini o le ola tutoatasi, i le faaletino ma le faaleagaga. O le faamanuiaina i a tatou galuega ua na o se vaega o lena sini.
-
Talanoa: O a suiga na e vaaia i lou olaga ao e faataitaiina ma aoao atu ia mataupu faavae O Lo’u Faavae?
-
Faataitai:Susue lau tamaitusi O Lo’u Auala i le Ola Tutoatasi i se faavasegaga avanoa o le ola tutoatasi (i tua). Faauma laasaga nei.
A e uma, faaaoga ni minute se tolu e mafaufau loloto ai i mea nei.
Ua e atili malamalama i au tupe faaalu? E mafai ona tali atu nei “matele” po o le “e le aunoa” i le tele o fesili nei? Ua e talitonu atili ea i le aofaiga na e setiina e avea ma ou totogi mo le ola tutoatasi? Ua e latalata atili atu i le ausiaina o lou totogi mo le ola tutoatasi? O le a se mea e mafai ona e faaleleia?