Aoao

matauila-lanumoli

E faapefea ona ou tulagaese e avea ma se filifiliga manino?

Taimi:Seti le taimi i le 60 minute mo le vaega Aoao.

Maimoa:“O Le a Le Mea o loo Ia Vaavaai I Ai? Vaega I” (Leai se vitio? Faitau le itulau 66.)

Talanoa: O le a se mea e fia iloa e pule o galuega i le taimi o faatalanoaga pe ina ua latou tuu atu ia te oe se fomu o le talosaga? Ae faapefea pe afai o au tali e mafai ona e tulaga ese ai e avea ma se filifiliga manino mo le pule?

Faitau: FESILI O LE VAIASO—E faapefea ona ou tulaga ese e avea ma se filifiliga manino?

FAATINOGA O LE VAIASO—Tuu atu ni tali lelei i fesili o faatalanoaga ma talosaga.

I le aluga o lenei vaiaso, o le a e aoao e tali ia fesili o le faatalanoaga ma faatumu le talosaga i se auala o le a fesoasoani ai ia te oe ina ia e tulaga ese!

E faapefea ona ou saunia mo se faatalanoaga?

Faitau:O tatou fefe mo faatalanoaga? O tatou mafaufau pe o a fesili o le a fai mai e tagata e faia faatalanoaga pe po o le a tonu lava le mea o latou fia iloa?

O le mea moni lava, e mafai ona tatou iloa. O le tele lava o tagata e faia faatalanoaga latou te fai mai ni fesili masani. I le avea ai ma se vaega, ia tatou feauauai i le faitauina o le siata lenei.

O FESILI MASANI	O MEA E ONO FIA FAALOGO I AI TAGATA E FAIA FAATALANOAGA	MEAFAIGALUEGA O TALI
O le a se mea e mafai ona e tau mai ia te au e uiga ia te oe?	E lelei lana tautala? Ua saunia o ia?	“O A’u i le 30 Sekone”
O a ni ou malosiaga?	Pe o fetaui ona aafiaga ma ou manaoga?	Faamatalaga o le malosiaga
Aisea ua e manao ai e te faigaluega mo i matou?	E i ai sana sini manino?	Faamatalaga o le malosiaga
O le a sou manatu e uiga i lo’u pule mulimuli?	Pe na te faaaloalo i taitai?	Faamatalaga o le malosiaga
E faapefea ona e tali atu i uunaiga?	Pe na te taulimaina ni faaletonu?	Faamatalaga o le malosiaga
O le a se totogi o e faamoemoe e totogi ai oe?	O talafeagai ona faamoemoega?	Tali ma se fesili

Maimoa:“O Le a Le Mea o loo Ia Vaavaai I Ai? Vaega II” Taofi ma auai e pei ona faatonuina. (Leai se vitio? Faitau itulau e 67–68.)

Talanoa: O le a le taimi e avea ai lau “o a’u i le 30 sekone” ma se meafaigaluega aoga i se faatalanoaga? O le a le taimi e avea ai au faamatalaga o le malosiaga ma ni meafaigaluega sa’o? Na e vaai i le auala e liliu ai mea le lelei i mea lelei?

siepi o paga o tagata

Faataitai:

Faaaoga le ono i le fitu minute e fai ai le “faataitaiga o le saoasaoa” lenei.

• Tu i luga ma faliu atu i se isi tagata o le vaega.

• O se tasi o oulua o le pule lea; fai atu se fesili masani mai le siata o i luga.

• O le isi o le tagata sue galuega; tali le fesili i au meafaigaluega.

• Fesuiai matafaioi ma toe fai. Tuu atu ia tofu oulua ma ni manatu faaalia aoga!

• A avea uma loa oulua ma se pule ma se tagata sue galuega, mei atu i se isi paga. Toe fai seia uma le taimi.

Faaauau pea ona faataitai ma lou aiga po o uo pe a uma le tatou fonotaga. Tagai i le siata i le itulau 69 mo nisi fesili.

E faapefea ona ou taliina ni fesili i ni fesili?

Faitau:A e faapefea pe a le mafai ona tatou iloa le mea e manao ai le tagata fai faatalanoaga? Pe faapefea pe afai tatou manaomia nisi faamatalaga? O nisi taimi e mafai ona tatou tali atu ma se fesili.

Faitau:Sei o tatou vaai atu i fesili masani nei e lua. O le a tatou faitauina fesili taitasi sosoo ai lea ma le faamatalaga o loo i le itu taumatau [o fesili].

O FESILI MASANI	O MEA O ONO FIA FAALOGO I AI LE TAGATA E FAIA FAATALANOAGA	MEAFAIGALUEGA O TALI	TALI MAI I SE FESILI
O le a se totogi e te fia manao ai?	O lava lona talitonuga e soalaupule ai [ni mataupu]?	Tali mai i se fesili	O le a se mea e masani ona totogi ai lenei galuega?
O i ai ni au fesili?	Pe o ia malamalama i le galuega?	Tali mai i se fesili	O le a se mea sili ona lelei e uiga i le faigaluega ai iinei?

Talanoa: O afea o le a lelei ai le taliina o se fesili i se fesili? O le a le taimi o le a le avea ai ma se manatu lelei? E faapefea ona e saunia e fai atu ni fesili lelei i se faatalanoaga?

Motugaafa:

Aoao pe e tatau pe le tatau foi ona fai atu ni fesili. Aua nei soona taliina ni fesili i ni fesili.

Ia nofouta i lagona o le fai faatalanoaga. Aua e te soona mateletele

Faitau:Ao lei faia le faatalanoaga, e tatau ona tatou suesue e uiga i le pule po o le falefaigaluega ma alu ma saunia e tuu atu ni fesili lelei. E mafai foi ona tatou saunia e faaopoopo se fesili i le “o a’u i le 30 sekone” po o se faamatalaga o le malosiaga. Mo se faataitaiga: “O a nisi tomai e te manao ou te talanoa i ai?”

O fesili lelei e mafai ona fatuina se talanoaga lelei!

interview diagram

O Oe

Ou te matua fiafia i au oloa po o auaunaga. E faapefea ona e faiaina?

Tagata e Faia le Faatalanoaga

Ou te fiafia e te fiafia i ai! Muamua sei o tatou aumai i totonu ia anomea fou. Ona, tatou …

GAOIOIGA E TUU I LE FAITALIA: E FAAPEFEA ONA TATOU SOALAUPULEINA NI GALUEGA LEA E FETAUI MA O’U MANAOGA?
(AUA NEI FAIA LE MEA LENEI I LE TAIMI O LE FONOTAGA.)
Afai e te filifili, ao lei faia le isi a tatou fonotaga e mafai ona e faia le gaoioiga lenei. O se tasi o vaega taua o se faatalanoaga o le soalaupuleina. Afai e te manao e aoao atili, faaaoga se taimi e iloilo ai “E Faapefea ona Ou Soalaupuleina Galuega Lea e Fetaui Ma O’u Manaoga?” i itulau e 70–72 i le vaega o Punaoa. Talatalanoa ma faataitai ma lou aiga.

A e faapefea la’u amio ma foliga?

Faataitai:Ia tutu uma i luga tagata uma ma toe fai faatasi mai le fuaitau lenei faatolu:

Ua na o le tasi lava le avanoa ua tatou maua e faia ai se faatosinaga muamua!

Talanoa: O le a le uiga o lenei mea ia te oe ao e taumafai ina ia “tulaga ese”?

Faataitai:Mei lou nofoa e galulue ma se isi tagata o le vaega. Faitau le vaega lenei i le tasi ma le isi. Filifili po o a mea e mafai ona e faaleleia ina ia lelei ai lou tagata.

MOTUGAAFA MO LE MANUIA
Amio po o uiga faaalia	Tatalo mo le fesoasoani ma le filemu. Ia faaaloalo ma migao. Ia vave mai. Faaali atu le fiafia i le kamupani ma le tagata e faia le faatalanoaga. Ataata ma ia fiafia. Galue ma le mautinoa. Tautala ma le manino.
Teuga	Ia mama: foliga, lima, atigilima. Faaaoga mea teu foliga talafeagai (tamaitai). Faaaoga teuga o ulu talafeagai. Manogi lelei. Faapupuu pe sele ia ava (alii). Foliga e pei o se tagata atamai.
Ofu	Ofuina ia ofu mama e aunoa ma ni masaesae (e le tau manaomia le taugata o ofu). Auli lavalava. Ofu, ia tasi le sitepu e maualuga atu ai i ofu faigaluega: Afai e te faigaluega i ofuvae li ma se mitiafu, ofu ni ofuvae lelei ma se ofutino lelei. Afai e te faigaluega i se ofutino lelei, ofu se ofutino ma se fusiua (mo alii) po o se ofualuga lelei (mo tamaitai).

E faapefea ona ou faatumuina se talosaga mo se galuega?

Faitau:Matou te mananao e faaalu le tele o lo matou taimi ma tagata faafesootai ma faatalanoaga patino e ala i la matou upega fesootai. Peitai e foliga mai e tatau ona matou faatumuina foi ni talosaga, a le i luga o pepa po o luga o le initoneti. O se talosaga e tai pei o se faatalanoaga i luga o pepa.

Faataitai:Faatasi atu ma nisi tagata se toalua o le vaega. Faatumu le talosaga i itulau e lua e sosoo ai. Ona faitau lea o mea nei ma talanoa i auala e faaleleia ai au talosaga. A uma la tatou fonotaga, iloilo itulau e 73–75.

VAEGA O LE TALOSAGA	O MEA O LATOU VAAVAAI AI	MEAFAIGALUEGA MA MOTUGAAFA
Faamatalaga Patino o le Tagata	E i ai se isi mea e faaleaoga ai o ia (e pei o se solitulafono po o nisi faaletonu)?	Tali ia fesili. Faaaoga le faamatalaga o le “o a’u i le 30 sekone”. Ia faamaoni; aloese mai faamatalaga e le manaomia.
Aoga	O i ai ni ana aoaoga talafeagai?	Afai e mafai, amata ma le faailoga sili ona maualuga po o se tusi faamaonia ma toe foi i tua. Faaopoopo uma ia aoaoga patino ma tusi faamaonia. Faaopoopo faamatalaga o le malosiaga.
Talaaga o Galuega	O i ai sona poto masani o tatou manaomiaina?	Afai e mafai, amata i le galuega sili ona lata mai ma agai atu ai i tua. Taumafai e aloese mai i avanoa o taimi pe faamatala mai. Faaaoga faamatalaga o le malosiaga.
Mau Faasino	O lava se faamatalaga ou te faafesootaia ai i latou?	Ia saunia se tusi faamaonia se tasi (aumai se faatagaga) mo lau amio (faamaoni, ma isi) ma se tasi mo ou tomai faalegaluega ma mea na e ausia.
Taui ma Tulaga Aloaiaina	O i ai ni ona tomai faapitoa?	Afai e mafai, amata ma le mea sili ona taua ma agai atu i le mea e itiiti le taua. Faaopoopo ia faamatalaga o le malosiaga.
Lautele	E manaia ma mama le talosaga?	Tusi ma le manino. Faamanaia e vaai i ai.

FOMU O LE TALOSAGA MO LE GALUEGA
Igoa:

Aso:

Tuatusi:

Telefoni:

Imeli:

Tofiga:

Totogi e Manaomia:

Aso e avanoa ai:

Na e faigaluega muamua mo le kamupani lenei?

• Ioe

• Leai

Aso:

Afai e ioe, o anafea?

Pe na molia muamua [oe] i se solitulafono?

• Ioe

• Leai

Aso:

Afai e ioe, faamalamalama mai:

Aoga

Kolisi:

Tuatusi:

Mai le:

I le:

Na e faauu?

• Ioe

• Leai

Tipiloma:

Aoga Maualuga:

Tuatusi:

Mai le:

I le:

Na e faauu?

• Ioe

• Leai

Tikeri:

Mau Faasino

Igoa Atoa:

Sootaga:

Telefoni:

Igoa Atoa:

Sootaga:

Telefoni:

Igoa Atoa:

Sootaga:

Telefoni:

Galuega Na Faigaluega Muamua ai

Faalagiga i le Galuega:

Totogi Amata:

Totogi Faaiu:

Tiutetauave:

Mai le:

I le:

Mafuaaga mo le Aluese:

Vaega:

Telefoni:

Faalagiga i le Galuega:

Totogi Amata:

Totogi Faaiu:

Tiutetauave:

Mai le:

I le:

Mafuaaga mo le Aluese:

Kamupani:

Telefoni:

Ou te faamaonia atu o a’u tali e moni ma e atoatoa i le mea e gata ai lo’u malamalama.

Afai o lenei talosaga e oo atu ai i se galuega, ou te malamalama o faamatalaga sese pe taufaasese i la’u talosaga po o le faatalanoaga e ono i ai se taunuuga o le faamaloloina o a’u.

Sainia:

Aso: