Mo Tagata e Faagaoioia

O le aso o le fonotaga:

• Tesi pe valaau atu i tagata uma o le vaega. Valaaulia i latou ia vave taunuu mai i le 10 minute e lipoti mai a latou tautinoga.

• Saunia ia anomea o le fonotaga.

30 minute ao lei amataina le fonotaga:

• Seti nofoa e faataamilo i se laulau ina ia mafai ona vavalalata tagata uma.

• Tusi le siata lenei i luga o le laupapa.

  Igoa o le tagata o le vaega	Na faaaogaina ni faamatalaga o le malosiaga ma ni tagata e le itiiti ifo ma le toa 20 (Tusi le #)	Na faataitaia le mataupu faavae o le Faavae ma aoao atu i le aiga (Ioe/Leai)	Faaopoopo i teugatupe (Ioe/Leai)	Lipoti atu i le soa galue (Ioe/Leai)
  Gloria	32	I	I	I

10 minute ao lei amataina le fonotaga:

• Faafeiloai ma le agalelei tagata ao latou taunuu mai.

• A o taunuu mai tagata o vaega, talosaga atu ia i latou e faamaea le siata o le tautinoga i luga o le laupapa.

• Tofi se tagata e vaaia le taimi.

I le taimi amata:

• Talosaga atu i tagata e tape a latou telefoni ma isi masini.

• Fai se tatalo amata (ma se pese, pe a manaomia).

• Fai atu ma le filemu ia i latou na tuai mai e tape a latou telefoni ma faamaea le siata o le tautinoga ao faaauau le talanoaga a le vaega.

• Seti le taimi i le 20 minute mo le O Lo’u Faavae.

• Faamaea le mataupu faavae 3 i O Lo’u Faavae. Ona toe foi lea i le api galuega lenei ma faaauau le faitau i le itulau e sosoo ai.