Lomiga ua Tuanai
Aoao

Aoao

matauila-lanumeamata

O le a le Maketi o Galuega o loo “Natia”?

Taimi:Seti le taimi i le 60 minute mo le vaega Aoao.

Maimoa:“Tagai i le Mea e Le Tele Ai se Tauvaga” (Leai se vitio? Faitau le itulau 48.)

Faitau:Sei o tatou faitauina faatasi ia upu i luga o le siata fagota lenei. O le i’a e suitulaga i galuega. Matau le mea o loo i ai le tele o i’a, po o le mea o loo maua ai le tele o galuega.

Talanoa: O fea o tagata e mafai ona pueina ia i’a e tele? Lio le tagata lena. O fea o i ai le maketi o galuega o loo “natia”?

Faitau:O loo tele naua avanoa i le maketi o galuega o loo natia nai lo maketi masani o galuega. O fea o tatou vaavaai i ai mo ni galuega? O fea e tatau ona tatou vaavaai i ai mo ni galuega?

boats and fish

O se galuega o loo faailoa mai i luga o pepa e faalauiloa mai ai avanoa faigaluega po o luga o le Initoneti

E iloa uma e tagata le galuega—e tele le tauvaga

O se galuega o loo avanoa e ala mai i auaunaga a le malo po o pisinisi tumaoti o loo faasalalauina avanoa faigaluega.

E toatele tagata e iloa e uiga i le galuega—e feoloolo le tauvaga

O loo fuafua le kamupani e faatumu le avanoa e le o faasalalauina.

Toalaiti e iloa—maualalo le tauvaga

Atonu e lei faasalalauina le galuega pe ua na o se tagata e iloaina se tasi e iloa ai

E leai se tasi e iloaina—leai se tauvaga

Faitau:FESILI O LE VAIASO—E faapefea ona ou maua le maketi o galuega o loo “natia”?

FAATINOGA O LE VAIASO—Fai ni feiloaiga faafesagai ma ni pule faamoemoeina o galuega.

I le taimi o lenei feiloaiga, o le a tatou aoao ai ma faataitaia ni tomai e fesoasoani ia i tatou i le taliina o lenei fesili ma faatino le galuega taua lenei.

O fea o i ai le maketi o galuega o loo natia?

Maimoa:“O Punavai Tupuolaola e Tele” (Leai se vitio? Faitau le itulau 48.)

Faitau:E sili atu ona lelei nisi metotia o le sailiga galuega nai lo isi. I nisi atunuu, o le aofai o tagata o e maua galuega i ni auala faapitoa e ono tutusa ma le siata lenei. Atonu e ese i la outou eria.

Faataitai:I le avea ma se vaega, tali fesili nei.

  1. I le siata lenei, o le a se metotia e faaaoga tele e tagata e saili ai se galuega?

  2. O fea metotia e sili ona faamanuiaina i le mauaina o se galuega?

    METOTIA

    O LE NOFOAGA E FAAALU AI E TAGATA LE TAIMI E SAILI AI MO NI GALUEGA

    O LE NOFOAGA E MAUA MONI AI LAVA E TAGATA NI GALUEGA

    Faasalalauga/Initoneti

    65%

    14%

    Auaunaga a le malo po o pisinisi tumaoti o loo faasalalau ai avanoa faigaluega

    27%

    21%

    Fesootaiga patino ma kamupani

    3%

    30%

    Talanoaga (fesootaiga patino ma tagata e faasino mai)

    5%

    35%

    O le maketi lenei o galuega o loo natia. Taulai atu iinei ma aloese mai le 92% o le tauvaga!

    Faamolemole aua nei le amanaiaina filifiliga nei, pe o le a e misia le 35% o galuega!

E faapefea ona ou maua le maketi o galuega o loo natia?

Faitau:Ua uma ona matou maua ki o le maketi lenei o galuega o loo natia! E manaomia ai ni faafesootaiga patino. Ma e sili atu a tatou faafesootaiga patino i le faaaogaina o a tatou (1) “o a’u i le 30 sekone” ma a tatou (2) faamatalaga o le malosiaga e ala atu i a tatou (3) upega fesootai tuputupu ae. E pei ona tatou aoaoina i la tatou fonotaga mulimuli, e aofia i la tatou upega fesootai tagata tatou te iloa ma tagata latou te iloa.

men shapes

O Oe

Tagata e te iloaina

Tagata latou te iloaina

Maimoa:“Fausiaina o Lau Upega Fesootai” (Leai se vitio? Faitau le itulau 49.)

Talanoa: Na e faaaogaina lau “o a’u i le 30 sekone” ma faamatalaga o le malosiaga talu mai la tatou fonotaga mulimuli? Na e talosaga i au tagata faafesootai e talanoa ma a latou tagata faafesootai mo oe?

Motugaafa mo upega fesootai

  1. Fesili atu i tagata faafesootai mo ni fesoasoaniga tau galuega, faamatalaga, ma ni manatu.

  2. Talosaga atu e le aunoa mo nisi tagata e faasino mai.

  3. Tausia ni faamaumauga sao ma tulitataoina.

Faataitai:O le matou vaega o le matou punavai muamua lea mo le upega fesootai. Sei amata ona tatou faalauteleina la tatou upega fesootai i le taimi lava lenei! Faitau faatonuga nei ona amata loa lea:

  1. Tu i luga ma faasaga i le tagata e i ou autafa.

  2. Tuu atu i le isi tagata lau “o a’u i le 30 sekone” ma faaiu i fesili nei e lua: “O ai e te iloa e ono fesoasoani ia te a’u i le mauaina o nisi tagata faafesootai?” “Faamolemole e mafai ona e talanoa i na tagata ma talosaga atu mo la latou fesoasoani?”

  3. Tusi i lalo ia tagata faafesootai i le lisi o le upega fesootai i le itulau e sosoo ai ma fai atu i le isi tagata e tau atu nisi tagata ao lei faia le isi fonotaga pe a latou mafaufau ia i latou.

  4. Ona fesuiai lea o nofoaga ma toe fai.

  5. Femeiai solo ma fai le mea lenei ma isi tagata o le vaega.

  6. Tusi i lalo le tele o ni tagata faafesootai e te mafaia i le itulau e sosoo ai.

  7. A uma la tatou fonotaga, fai le mea lenei ma isi tagata e te iloaina.

  8. I le koluma o Mea e Faamuamua, faanumera tagata taitasi o le a e faafesootaia mai le 1 i le 20.

LISI O LE UPEGA FESOOTAI

Igoa

Faamatalaga e Faafesootai Ai (numera o le telefoni, tuatusi, imeli)

Faamuamua

Faitau:A o lei faia le isi a tatou fonotaga, o le a tatou faafesootaia tagata nei, faapea foi ma isi tagata tatou te iloa ma a latou tagata faafesootai. O le a faaauau pea ona tatou faaopoopo atu i le lisi. A tatou faafesootaia nei tagata, o le a tatou faaaogaina a tatou faamatalaga o le malosiaga e faaali ai ia i latou uma mea e mafai ona tatou faia mo i latou!

E mafai ona tatou talanoa ma nei tagata ma le toatele o isi!

  • Uo

  • Tagata o Aiga

  • Tuaoi

  • Tagata o la tatou Ekalesia

  • Tagata tatou te taaalo faatasi i taaloga

  • Tagata sa tatou galulue muamua faatasi

E faapefea ona ou feiloai ma pule ia e faafaigaluegaina tagata?

Faitau:O le upega fesootai e mafai ona taitai atu i tatou i pisinisi ia o loo sailia tagata faigaluega. Ae e tatau ona tatou sailia le tagata o loo faia filifiliga o le faafaigaluegaina o tagata.

Faataitai:Sei o tatou faataitai faatasi o se vaega.

  1. Tofi se tagata e toatasi e avea ma tagata e sailia galuega. E tatau ona saunia le tagata lenei e tuu atu le “o a’u i le 30,” se fesili, ma se faamatalaga o le malosiaga i le pule.

  2. Tofi nisi tagata e toalua e avea ma tagata faigaluega: tagata faigaluega 1 ma le tagata faigaluega 2.

  3. Tofi se isi tagata e avea ma pule.

  4. Fai atu i tagata uma e toafa e tutu i luga. Faitau e le tagata e faagaoioia le laina muamua o le tala faatino lenei. Ona faitau lea e isi o a latou laina.

  • Tagata e faagaoioia: E ulufale atu le tagata sue galuega lenei i se faleoloa po o se ofisa lea e fia faigaluega ai. Ua talanoa o ia i le tagata faigaluega muamua ua ia vaaia.

  • Tagata Sue Galuega: Talofa. O ai le pule lea o loo tiute i le taimi nei?

  • Tagata Faigaluega 1: Oi, o Mr. Valenzuela, ae ou te leiloa po o fea o i ai o ia i le taimi nei. E mafai ona e fesili i lona fesoasoani lale.

  • Tagata Sue Galuega: Faafetai. [Liliu atu i le tagata faigaluega 2.]

  • Tagata Sue Galuega: Talofa. E mafai ona e tau mai po o fea o i ai Mr. Valenzuela?

  • Tagata Faigaluega 2: O la e alu e aumai se mea. E tatau ona toe vave mai. Oi, a lale.

  • Tagata Sue Galuega: Oi, ioe. Faafetai tele. [Liliu atu ia Mr Valenzuela.]

  • Tagata Sue Galuega: Mr. Valenzuela, talofa . O a’u o ________ [igoa]. [Tuu atu le “o a’u i le 30 sekone” ma faaiu i se fesili.] E mafai faapefea e se tagata e i ai o’u tomai ona fesoasoani i lau pisinisi?

  • Pule: O le mea moni lava, na amata ona matou sailia se tasi e pei o oe. E na o le tasi lo’u minute. Faamatala vave mai lava se mea e uiga ia te oe.

  • Tagata Sue Galuega: [Tuu atu se faamatalaga o le malosiaga talafeagai.] Ou te iloa o loo e pisi. O le a se isi taimi e mafai ona ta toe faatasi ai mo sina taimi umi atu, o le aoauli nei po o taeao?

Talanoa: Afai e fai mai le pule “leai’ pe “toe sau i se isi taimi” pe “faatumu se tusi talosaga,” o le a se tala a le tagata sue galuega e mafai ona fai atu?

Faitau:O le a manaomia ona tatou fetuunaia ia tulaga taitasi.

Faataitai:Tutu i luga ma vaevae i ni vaega taitoafa. Toe fai le tala faatino ina ia maua e tagata uma le avanoa e avea ai ma tagata sue galuega.

manager diagram

Tagata Sue Galuega

Tagata Faigaluega 1

Tagata Faigaluega 2

Pule

Faitau:Ua i ai nei isi a tatou meafaigaluega malolosi e faaaoga i a tatou fesootaiga: “o a’u i le 30 sekone,” faamatalaga o le malosiaga, ma le feiloai i le pule. E mafai foi ona e aoao e liliu mea le lelei i mea lelei i le itulau 33.

Talanoa: E faapefea ona e faaaogaina nei meafaigaluega ina ia tele ai ni feiloaiga faamanuiaina ao lei oo i le isi a tatou fonotaga?

Faataitai:Susue i le itulau 50 ma feauauai i le faitauina o le auala e tulitatao ai au taumafaiga o le sailiga galuega. Ona toe foi mai lea iinei.