Punaoa

Faatuatua ma le Tautinoga

Filifili matafaioi ma faatino mea nei.

TAGATA O LE VAEGA 1: Matou te talitonu i le osia ma le tausia o tautinoga. I a tatou vaega o le ola tutoatasi, o mea uma tatou te faia e fausia faataamilo i le faia o tautinoga ma le lipoti atu.

TAGATA O LE VAEGA 2: I le faaiuga o le fonotaga faalevaega, tatou te iloiloina a tatou faatinoga mo le vaiaso ma faaopoopo atu la tatou saini e faailoa ai la tatou tautinoga. Tatou te filifili foi se “soa galue”. E saini e le soa galue le api galuega e tautino ai le lagolago. Ma o aso taitasi i le va o fonotaga, tatou te faafesootaia ai la tatou soa galue e lipoti atu a tatou faatinoga ma tapa se fesoasoani pe a manaomia.

TAGATA O LE VAEGA 3: I le va o fonotaga, tatou te faailoga ai lo tatou alualu i luma i totonu o le api galuega ma faaaoga ia mea faigaluega ua saunia, e pei o pepa o galuega po o isi fomu. Ma afai tatou te manaomia se fesoasoani faaopoopo, e mafai ona tatou valaau atu i o tatou aiga, a tatou uo, po o le tagata e faagaoioia.

TAGATA O LE VAEGA 4: I le amataga o le isi a tatou fonotaga, tatou te toe foi mai ma lipoti atu a tatou tautinoga. E tatau ona avea lenei mea ma aafiaga toafimalie ma malosi mo tagata uma. A o lipoti mai tagata o le vaega, mafaufau pe na faapefea ona fesoasoani o ia i le faia o tautinoga ma le lipotiina mai o le alualu i luma.

TAGATA O LE VAEGA 1: O le taimi muamua sa ou lipoti atu ai o’u tautinoga, sa ou mafaufau, “E ese a lenei mea.” Aisea e popole ai tagata o la’u vaega po o mea ou te faia? Ae sa ou iloaina latou te popole lava. Ma sa fesoasoani lea ia te a’u.

TAGATA O LE VAEGA 2: Sa ou iloaina ou te le manao e faatoilalo la’u vaega. O lea sa ou matua galue malosi ai e tausia a’u tautinoga. Ou te le mautinoa pe ou te alualu i luma e le aunoa i soo se isi lava auala. O le lipoti atu i fonotaga taitasi na fesoasoani tele ia te a’u i mea ou te faamuamuaina.

TAGATA O LE VAEGA 3: Ina ua ou mafaufau i lo’u auala i le ola tutoatasi, sa ou fefe aua o se mea e tele naua. Ae sa fesoasoani ia fonotaga faalevaega ia te a’u e gagauina i lalo i laasaga laiti. Ma sa ou lipotiina atu ia laasaga taitasi i la’u vaega. Ona alualu moni ai lea i luma. Ou te manatu o lenei faamanuiaga na mafua mai i le fausiaina o ni mausa fou.

Toe foi i le itulau 13

Faateleaiina o le Sailiga Galuega (Gaoioiga e Tuu i le Faitalia)

Suesue ma faaaoga ia anomea nei e faatelevave ai lau sailiga galuega! E mafai ona tou galulue i le mea lenei faatasi ma lou aiga, o se tagata o le vaega, po o se isi uo po o se faiaoga.

Maimoa:“Rafael: Galuega i Aso e 6!” (Ina ia vaai i le vitio, alu i le srs.lds.org.)

Talanoa: O le a se mea na fesoasoani ia Rafael e faamanuiaina i lana sailiga galuega?

Faitau:O le Faateleaiina o le Sailiga Galuega o se metotia malosi o le sailiga galuega i aso taitasi. I nisi o eria, o lenei auala ua faaitiitia ai le taimi o le sailiga o se galuega mai le 200 aso i le 20 aso! E manaomia ai se taumafaiga malosi. E aofia ai ni gaoioiga se tolu i aso taitasi:

• Ia faailoa mai ni punaoa fou se 15.

• Fai ni faafesootaiga se 10.

• Fai ni fonotaga po o ni faatalanoaga faafesagai se 2.

Maimoa:“Punaoa: Sailiga Galuega i Aso Taitasi” (Ina ia vaai i le vitio, alu i le srs.lds.org, pe faitau mea nei.)

• E ala atu i tusitusiga paia, ua aoaoina i tatou e “tatau i tagata ona auai ma le naunautai i se faamoemoega lelei, ma fai mea e tele i lo latou lava loto malie. …Aua ua i totonu ia te i latou le mana, lea ua latou pule ai ia te i latou lava.” Ma o lenei poloaiga e sau ma se folafolaga: “O le a lava o le tulaga e oo i ai le faiga e tagata o mea lelei, o le a leai lava se ala o le a aveesea ai lo latou taui” (MF&F 58:27–28).

• E malamalama tagata mataalia saili galuega e faapea “ua i totonu ia i latou le mana,” ma o le a fesoasoani le Atua ia i latou ao latou “auai ma le naunautai”. E faapitoa lava, o le a tatou talanoa i se tasi o metotia ua faamaonia o le sailiga galuega i ni vaega se tolu. Ua ta’ua o le Faateleaiina o le Sailiga Galuega.

• Muamua, e aoao e tagata saili galuega faamanuiaina ia iloa punaoa fou e 15 o aso taitasi. Lua, latou te faia ni faafesootaiga se 10 i aso taitasi. Ma le tolu, latou te faia ni fonotaga po o ni faatalanoaga faafesagai ia le itiiti ifo ma le 2 i aso taitasi.

• I le taimi muamua, o le auala o le Faateleaiina o Sailiga Galuega e ono foliga lofituina pe ofoofogia. Ae ao tatou talanoaina ia elemene taitasi, o le a iloa ai e matua talafeagai lava—ma faamanuiaina!

• Sei o tatou amata i punaoa. O le a le uiga o le punaoa? O se punaoa o se tagata, nofoaga, po o se meatotino lea e mafai ona taitaiina se tagata saili galuega i se avanoa faamoemoeina.

• O tagata e mafai ona aofia ai uo ma aiga, tagata ma taitai o le Ekalesia, pule o galuega po o tagata faigaluega, faiaoga o aoga ma faufautua o galuega, tagata i le faleoloa—toetoe lava o soo se tagata e mafai ona tuuina atu ia te oe se faamatalaga aoga o se galuega ma ni punaoa faaopoopo.

• O nofoaga e aofia ai faalapotopotoga o pisinisi, ofisa o galuega i le lotoifale, ma faalapotopotoga faalemalo pe tomai faapitoa. E ofoina mai e nei vaega uma ni faamatalaga e mafai ona fesoasoani mai.

• Ma o mea e mafai ona faaleleiaina lau sailiga e aofia ai tusitaiala o pisinisi ma telefoni, itulau uepi a kamupani, le Initoneti, api talaaga faalematata ma mekasini, niusipepa, ma nisi ofisa o ala faasalalau.

• Fai se lisi ia le itiiti ifo ma le 15 o nei mea i aso taitasi!

Faataitai:Vavae se fasi pepa i ni koluma se tolu. Tusi “Punaoa,” Tagata e Faafesootai,“ ma “Fonotaga” i le pito i luga o koluma. Amata ona faatumu le fasi pepa lea i le taimi lava lenei i le lisiina o le tele o punaoa e mafai ona e lisiina i le koluma muamua. O tagata, nofoaga, ma metotino nei ua i ai se faamatalaga e fesoasoani ia te oe! O nisi nei o faataitaiga. O le a e faatumuina isi koluma i se taimi mulimuli ane.

PUNAOA(fai se lisi)	TAGATA E FAAFESOOTAI (telefoni, imeli)	FONOTAGA (faafesagai)
Saite o initoneti	Tagata o le Korama po o le Aualofa	Tagata faigaluega faamoemoeina
Niusipepa	Tagata na tou galulue faatasi	Faiaoga o aiga
Galuega	Faiaoga	Tagata o le ekalesia
Nofoaga autu mo le ola tutoatasi	Tagata e te feiloai i ai i le faleoloa

Maimoa:“Tagata e Faafesootai: Mo Sailiga Galuega i Aso Taitasi” (Ina ia vaai i le vitio, alu i le srs.lds.org, pe faitau mea nei.)

• Ia, sei o tatou talanoa i tagata e faafesootai. O se tagata e faafesootai e le na o le auina atu o se pepa o ou faamatalaga patino po o le faatumuina o se talosaga. Mai punaoa uma ua e iloaina, na o le 10 lava ni tagata e faafesootai e faatatau i le galuega e manaomia.

• O tagata e faafesootai e aofia ai soo se fesootaiga e faatatau i le galuega ua e faia ma tagata; talosaga mo se galuega; auina atu o se pepa o ou faamatalaga patino po o se tusi faafetai; tau atu i uo, aiga, po o tagata o le Ekalesia o loo saili sau galuega—o feau tusitusi po o imeli e aoga. O le a e fesootai foi ma isi tagata faafesootai i le upegatafailagi ma, ioe, pule o fale faigaluega faamoemoeina. Vaavaai mo nisi avanoa e fesootai ai ma tagata ma faailoa atu ia i latou o loo saili sau galuega. O le toatele o tagata o le a fiafia e faailoa atu oe i isi tagata latou te iloa. O nei fesootaiga o le a taitai atu ai i ni faatalanoaga, ma taitai atu ai i ni galuega!

Faataitai:Ia, faaaoga lau pepa e lisi ai ni tagata se toatele e mafai ai o e e te ono faafesootaia ao lei faia le isi a tatou fonotaga. Ia manatua—aua e te ma. Saili se auala e faia ai le 10 i se aso!

Maimoa:“Fonotaga: Mo Sailiga Galuega i Aso Taitasi” (Ina ia vaai i le vitio, alu i le srs.lds.org, pe faitau ma nei.)

• Ma le mea mulimuli, ua uma ona aoao e tagata saili galuega mataalia le taua o le feiloai moni lava i le le itiiti ifo ma le toalua o ni tagata, faafesagai, i aso taitasi. Atonu o sau faatinoga sili ona taua lea i aso taitasi. Aisea? O fonotaga po o faatalanoaga faafesagai e faatagaina ai ni fesootaiga ma malamalamaaga sili ona lelei. O le mea masani e tele lava ina “tautatala” tagata e ala i gagana o le tino ma foliga vaaia. Ma o nei savali le magagana e le oo atu i imeli po o luga o le telefoni. I le vaai atu i le tagata, e mafai e tagata ona vaai ma lagona le tulaga maoae o e i ai!

• Ma le isi, e masani lava ona faatagaina e fonotaga faafesagai oe e te vaai ma lagona le siosiomaga lea e te ono faigaluega ai. E mafai ona e matauina auala o fesootai ai tagata, pe agalelei pe fiafia, o le manuia o le faalapotopotoga, po o a mea e manaomia po o avanoa o i ai, ma pe faapefea ona e taulimaina na manaoga. O faatalanoaga o soo se ituaiga o ni avanoa maoae ia!

• Ia, e le o fonotaga faafesagai uma i aso taitasi e manaomia le faatasi ai ma pule faamoemoeina. E mafai foi ona e feiloai ma isi tagata faafesootai, e aofia ai uo, aiga, ma uo a uo, faapea ma failautusi, faiaoga, faufautua, po o isi tagata o e faia le ituaiga o galuega lea e te manao ia maua. Na o le feiloai lava i tagata! Tuu atu ia i latou lau “o a’u i le 30 sekone” ma faaaoga le fesili i le faaiuga e fesili atu ai mo ni avanoa faigaluega ma nisi tagata e feiloai i ai. Taumafai pea, faailoa atu lou taua, ma talosaga atu mo se fesoasoani ma se fautuaga. O le a tutupu mea maoae!

• O le Faateleaiina lea o le Sailiga Galuega! O aso taitasi lava, afai e te iloaina ni punaoa se 15 ma faia ni fesootaiga se 10, o le a faigofie le faia o ni fonotaga faafesagai se 2. O le a e ofo i le auala e faateleai ai e lenei tulaga lau sailiga galuega! Ia faia ma le faatuatua maoae, ma o le a tatalaina faitotoa e te lei mafaufauina ai lava.

Faataitai:Ia faaaoga i le taimi nei lau pepa e lisi ai ni tagata se toatele e te mafaia lea atonu e te feiloai faafesagai i ai ao lei faia le isi a tatou fonotaga. Mafaufau i se taimi po o se nofoaga e mafai ona e feiloai ai ia i latou. Manatua e faaaoga lau “o a’u i le 30 sekone” i fonotaga taitasi.

Maimoa:“Sailiga Galuega i Aso Taitasi: Faatulagaina Faatasi Uma” (Ina ia vaai i le vitio, alu i le srs.lds.org, pe faitau mea nei.)

• O vaega e tolu o le Faateleaiina o Sailiga Galuega e le o ni gaoioiga tuueseese. A o faatinoina, o le a e vaai o loo i ai punaoa i soo se mea. Amata i aso taitasi i le faaopoopo i ai i lau lisi. Ma a o e faia, o le a e mafaufau i ni auala e faafesootai ai tagata, ma o tagata faafesootai o le a oo atu ai lava i fonotaga.

• O lau vaega mo le ola tutoatasi o se puna maoae o punaoa, fesootaiga, ma fonotaga. O uso a tagata la o le Ekalesia, o ni tuaoi, po o ni tagata faigaluega i le galuega. Faaauau pea ona faaopoopo ia punaoa ao e faia ni faafesootaiga. Talosaga atu mo nisi tagata faafesootai pe a faia ni au fonotaga faafesagai. Talosaga atu mo nisi faatalanoaga ma tagata uma e te feiloai i ai.

• Faaaoga lau faamatalaga “o a’’u i le 30 sekone” E mafai ona fai le Faateleaiina o le Sailiga Galuega, ma e mafai ona avea ma mea fiafia i le taimi lava e te amataina ai. Aua la e te toe faatali. Talanoa i tagata uma. Ia sailia pea e le aunoa le taitaiga a le Agaga Paia ma ia tumau i le agavaa. Ia tausia ni faamaumauga lelei ma ia tulitataoina. A o e agai i luma, o le a faaali atu e le Alii le ala.

Faataitai:Ia tagai i lau pepa. O le a se mea o le a e faia muamua? Fai se fuafuaga e saili ni punaoa, fai ni faafesootaiga, ma faia ni fonotaga faafesagai i aso taitasi. Filifili pe o afea e mafai ona e faia ai, ma talosaga atu i lou aiga po o le soa galue e fesoasoani ia te oe.

Siaki lou alualu i luma i le siata o loo i le itulau e sosoo. Siaki au tagata e faafesootai i le Fomu e Tulitatao ai Tagata e Faafesootai i le itulau 20. Fai ni kopi se tele.

Fomu e Tulitatao ai le Faateleaiina o Sailiga Galuega

Faailoga ia pusa ao e faamaeaina ia faatinoga taitasi ma faaopoopo i ai ni faamatalaga.

AS0 1
Punaoa: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Aofaiga i Aso Taitasi
Tagata Faafesootai: ☐ ☐ ☐ ☐ ☐ ☐ ☐ ☐ ☐ ☐	Aofaiga i Aso Taitasi
Fonotaga: ☐ ☐	Aofaiga i Aso Taitasi
Faamatalaga:

ASO 2
Punaoa: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Aofaiga i Aso Taitasi
Tagata Faafesootai: ☐ ☐ ☐ ☐ ☐ ☐ ☐ ☐ ☐ ☐	Aofaiga i Aso Taitasi
Fonotaga: ☐ ☐	Aofaiga i Aso Taitasi
Faamatalaga:

Aso 3
Punaoa: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Aofaiga i Aso Taitasi
Tagata Faafesootai: ☐ ☐ ☐ ☐ ☐ ☐ ☐ ☐ ☐ ☐	Aofaiga i Aso Taitasi
Fonotaga: ☐ ☐	Aofaiga i Aso Taitasi
Faamatalaga:

ASO 4
Punaoa: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Aofaiga i Aso Taitasi
Tagata Faafesootai: ☐ ☐ ☐ ☐ ☐ ☐ ☐ ☐ ☐ ☐	Aofaiga i Aso Taitasi
Fonotaga: ☐ ☐	Aofaiga i Aso Taitasi
Faamatalaga:

ASO 5
Punaoa: ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐ ☐	Aofaiga i Aso Taitasi
Tagata Faafesootai: ☐ ☐ ☐ ☐ ☐ ☐ ☐ ☐ ☐ ☐	Aofaiga i Aso Taitasi
Fonotaga: ☐ ☐	Aofaiga i Aso Taitasi
Faamatalaga:

Fomu e Tulitatao ai Tagata Faafesootai
Fesootaiga

Tagata po o faalapotopotoga:

Telefoni:

Tuatusi:

Imeli:

Sa fasino mai a’u e:

Sa ou faafesootaia le tagata lenei

• Ioe

• Leai

Aso:

Aitema na talanoaina:

1.

2.

3.

Gaoioiga e tulitatao ai:

1.

Faamaeaina i le (aso):

2.

Faamaeaina i le (aso):

3.

Faamaeaina i le (aso):

Tagata fou ua faailoa mai:

1. Igoa:

Telefoni:

Fesi:

Imeli:

Tuatusi:

2. Igoa:

Telefoni:

Fesi:

Imeli:

Tuatusi: