Haapotoraa Aamu

Na te ana‘iraa tau i muri nei e horo‘a mai i te hoê tuatapaparaa poto no te mau haapiiraa a te peresideni George Albert Smith tei vauvauhia i roto i teie nei buka.

4 no eperera 1870	Fanauhia i Salt Lake City, Utah, na John Henry e o Sarah Farr Smith.
1874–75	Ua tavini to’na papa o John Henry Smith, i te hoê misioni i te fenua Peretane. E maha matahiti to George Albert a reva’tu ai oia.
27 no atopa 1880	Ua faatoro‘ahia o John Henry Smith ei Aposetolo.
1882–85	Ua tavini o John Henry Smith ei peresideni no te Misioni no Europa.
1883	Ua haamata o George Albert Smith i te rave i te ohipa i roto i te hoê fare hamaniraa ahu i te 13raa o to’na matahiti.
1888	Ua haamata i te rave i te ohipa no te hoê taiete pereoo auahi. Ua tupu te fifi i to’na na mata na roto i taua ohipa ra.
Setepa–Novema 1891	Ua tavini i te hoê misioni i te pae apatoa no Utaha no te Taatiraa a te Feia Apî.
25 no me 1892	Ua faaipoipo ia Lucy Emily Woodruff i roto i te Hiero no Manti Utah.
1892–94	Ua tavini i te hoê misioni i te pae apatoa no te fenua Marite, ua haamata tau hepetoma rii noa i muri a‘e i to’na faaipoiporaa. Ua amui atu o Lucy ia’na e maha ava‘e i roto i te misioni.
8 no atopa 1903	Faatoro‘ahia ei Aposetolo e te Peresideni Joseph F. Smith.
1904	Ua papa‘i oia i « ta’na iho hiro‘a tumu », te hoê tapura e 11 mana‘o tumu ta’na i fafau e haapa‘o oia i te reira (a hi‘o api 1–2 o teie buka).
1909–12	Ua roohia oia i te mau ma‘i rarahi.
1919–21	Ua peresideni i te Misioni no Europa.
1921–35	Ua tavini ei faatere rahi no te Taatiraa a te Feia Apî Tamaroa.
1922	Ua ma‘itihia ei mono peresideni no te Sotaiete no te Fenua iho no te mau Tamaiti o te Aroraa no Amerika. Ua tavini oia i roto i teie toro‘a e tae roa’tu i te matahiti 1925 e i te matahiti 1944 e 1946.
Setepa 1930	Ua tauturu i te faanahoraa i te Taatiraa no te Utah Pioneer Trails and Landmarks no te imi e no te tapa‘o i te mau vahi haamana‘oraa o te Ekalesia. Ua ma‘itihia oia ei peresideni matamua no taua taatiraa ra.
27 no tiurai 1933	Ua riro ei peresideni no te Sotaiete no te Tauturu i te Feia Matapô i Utaha.
31 no me 1934	Ua farii i te feti‘a moni Buffalo, te haamauruururaa teitei roa a‘e i horo‘ahia na te Boy Scouts no Amerika.
1935–36	Ua hi‘opo‘a i te nene‘iraa o te Buka a Moromona i roto i te reo matapô.
5 no novema 1937	Ua pohe o Lucy i te 68raa o te matahiti i muri a‘e i te hoê ma‘i maoro.
Tenuare–Tiurai 1938	Ua tere i roto i te mau misioni a te Ekalesia i Patifita Tooa o te Râ, ua tape‘a i Hawaii, Samoa, Tonga, Tahiti, Niuterani, e Auteraria.
Tiurai 1943	Faataahia ei Peresideni no te Pŭpŭ no te Tino Ahuru Ma Piti Aposetolo
21 no me 1945	Faataahia ei Peresideni no te Ekalesia a Iesu Mesia i te Feia Mo‘a i te Mau Mahana Hopea Nei.
23 no setepa 1945	Ua haamo‘a i te Hiero no Idaho Falls Idaho
2 no novema 1945	Ua farerei i te peresideni Harry S Truman no te tau‘a parau i te mau rave‘a no te hapono i te tauturu i Europa i muri a‘e i te Tama‘i Piti o te Ao nei.
Me 1946	Ua haere e farerei i te mau melo o te Ekalesia i Mehiko, te Peresideni matamua o te Ekalesia i na reira. Ua horo‘a i te hoê Buka a Moromona i te peresideni Manuel Camacho no Mehiko.
24 no tiurai 1947	Ua haamo‘a oia i te ofa‘i haamana‘oraa Teie te Vahi e ua faahanahana i te hanereraa o te matahiti te taeraa mai o te mau pionie i roto i te Afaa no Roto Miti.
1947	Ua tae‘ahia i te hoê mirioni te rahiraa melo o te Ekalesia.
I te 30 no setepa– 2 no atopa 1949	Ua amui atu oia i roto i te haapurororaa matamua o te amuiraa rahi na roto i te afata teata.
4 no eperera 1951	Ua pohe i Roto Miti, Utaha, i te 81raa o to’na mahana fanauraa.