Te Iteraa Papu o te Peropheta Iosepha Semita

Ua ma’itihia te Peropheta Iosepha Semita e te Atua no te faaho’i mai i te îraa o te evanelia i ni’a i te fenua nei.

Aamu o te Oraraa o Joseph F. Smith

I to’na apîraa, ua farii Joseph F. Smith i te iteraa papu e ua ma’itihia te Peropheta Iosepha Semita no te faaho’i mai i te evanelia a Iesu Mesia i teie tau tuuraa evanelia hopea nei. Tau matahiti i muri a’era, ua haamana’o te Peresideni Smith e: “I to’u tamariiraa, ua mâtau vau i te Peropheta Iosepha Semita. I to’u tamariiraa, i faaroo na vau ia’na i te pororaa i te evanelia ta te Atua i tu’u mai ia’na ia haapa’o. I to’u tamariiraa, ua mâtau vau i te mau melo o to’na fare, i to’na atoa utufare, mai ia’u atoa i mâtau i te feia i te utuafare o to’u iho metua tane. Ua mau ia’u te faaiteraa a te Varua o ta’u i farii na a vai tamarii ai au, o ta’u hoi i farii no o mai i to’u metua vahine mo’a ra, o te ti’aturi-papu-raa ïa e, e Peropheta Iosepha Semita na te Atua; ua faaurûhia oia taa ê atu i te mau taata atoa o to’na ra u’i, taa ê atu hoi i te taata e hia hanere matahiti na mua a’era; ua ma’itihia hoi oia e te Atua no te haamau i te mau niu o te Basileia o te Atua ra.”¹

A tavini ai oia ei Peresideni, ua faati’a Joseph F. Smith ia ho’ohia mai te mau vahi faufaa o te oraraa o Joseph F. Smith e no te tau o te tupuraa o te Ekalesia, e tae noa’tu i te vahi i fanauhia ai te Peropheta i te oire no Sharon, i te tuhaa fenua Vermont; te fare tape’araa no Tarateti (Carthage), i Illinois; e te fenua faa’apu a Joseph F. Smith, Metua, i te oire ra i Manchester, i te tuhaa fenua no New York.

Ua parau te Peresideni Joseph F. Smith no te ohipa a te Peropheta: “Te faaite atu nei au i to’u nei iteraa papu ia outou e i to te ao atoa nei, ua faati’ahia mai Joseph F. Smith e te mana o te Atua no te haamau i te mau niu o te ohipa rahi i teie mau mahana hopea nei, no te faaite i te îraa o te evanelia i to te ao nei i teie tau tu’uraa evanelia, no te faaho’i mai i te Autahu’araa o te Atua i te ao nei, o te mana ïa e rave ai te taata i te ohipa i roto i te i’oa o te Metua, e no te Tamaiti, e no te Varua Maitai, ia fariihia te reira e te Atua ra; e na reirahia na roto i taua mana ra. Te faaite atu nei au i to’u iteraa papu no te reira; ua ite au e, e parau mau ïa.”²

Haapiiraa na Joseph F. Smith

Ua riro te Peropheta Iosepha Semita ei mauihaa ma’itihia i roto i te rima o te Atua no te faaho’iraa mai i te evanelia no te ora.

O Joseph F. Smith te mauihaa i ma’itihia e te Atua e tei faatoro’ahia i to’na mana no te faaho’i mai i te Autahu’araa mo’a, te mana o te Atua no te taati i ni’a i te fenua nei i ni’a atoa i te ra’i ra,—te mana o te Autahu’araa e ti’a ai i te taata i te rave i te mau oro’a o te evanelia a Iesu Mesia no te faaora i te taata nei. Na roto ia Joseph F. Smith i faaho’ihia mai ai te evanelia no te tatarahaparaa, te bapetizoraa i raro i te pape no te faaoreraa i te hara, te bapetizoraa i te Varua Maitai e te auahi, te iteraa e o Iesu te Mesia, te Tamaiti Fanau Tahi a te Atua ra, e faaitehia atu ïa na roto i te varua o te parau mau. E feia ‘aitarahu tatou i teie tavini haehaa o te Fatu, oia ta te Fatu i ma’iti no te haamau i te niu o teie ohipa no te mau oro’a o te evanelia a te Tamaiti a te Atua ra, tei ite-ore-hia i to te ao nei i mutaa ihora e teie nei atoa, o te mea ïa e tahoêhia ai tatou ei utuafare, ei fetii, i raro a’e i te taamuraa o te fafauraa apî e te mure ore, no te mau tau, e no a muri noa’tu.

E feia aitarahu tatou i te Peropheta Iosepha Semita, oia i riro ei mauihaa i roto i te rima o te Fatu, no te ite te mauhia e tatou nei i te ohipa o te titauhia i roto i te fare o te Atua, no te faaoraraa o te feia ora e te faaoraraa o te feia pohe, e no te taatiraa muri ore o te mau taata o te taatihia i roto i teie oraraa nei na roto i te mana o te Atua, i raro a’e i te taamuraa o te fafauraa mure ore. E feia ‘aitarahu tatou i te Peropheta Iosepha Semita, oia i riro ei mauihaa i roto i te rima o te Atua, no te ite e mauhia e tatou nei, oia hoi eita e ti’a i te taata ia faateiteihia i mua i te aro o te Atua ma te farii i te îraa o to’na hanahana, ia faaea otahi noa te taata. Aita te taata i faataahia ia faaea otahi noa, inaha aita te tane i taa ê i te vahine, aita atoa te vahine i taa ê i te tane i te Fatu.³

Te ora nei te Atua, o Iesu te Mesia, te Faaora o te ao nei. E Peropheta Iosepha Semita na te Atua—e peropheta ora, e ere i te peropheta pohe i te mea e, eita roa’tu to’na roo e mou. Ua horo’a mai te melahi o tei haere mai e farerei ia’na i te poro’i a te Atua, ua parau atoa mai e, e haamaitaihia e e faainohia to’na i’oa i rotopu i te mau nunaa atoa [a hi’o Joseph F. Smith—Aamu 1:33]. Te ora nei te Atua, o Iesu te Mesia, te Faaora o te ao nei. E Peropheta Iosepha Semita na te Atua—e peropheta ora, e ere i te peropheta pohe i te mea e, eita roa’tu to’na roo e mou. Ua horo’a mai te melahi o tei haere mai e farerei ia’na i te poro’i a te Atua, ua parau atoa mai e, e haamaitaihia e e faainohia to’na i’oa i rotopu i te mau nunaa atoa [a hi’o Joseph F. Smith—Aamu 1:33]. Ua tohuhia taua parau ra i to’na apîraa, hou te faanahonahoraa i te Ekalesia, hou hoi i faatupuhia ai te mau mea i tupu na. Mai te mea noa’tu â eita taua parau ra e faatupuhia, ua faaitehia mai râ ïa; teie râ, mai te mahana i faahitihia ai te reira e tae roa mai i teie nei, e tae noa’tu hoi i te hopea o teie nei ao, te i’oa o Joseph F. Smith, oia te peropheta o te ahuru ma ivaraa o te tenetere, i porohia na tera i’oa, e e porohia â ïa i roto i te mau nunaa atoa o te ao nei, e faahanahanahia e e faainohia e to te ao nei … ; no te mea hoi, i rave na oia i te ohipa a te Fatu e te rave noa nei â oia i te reira. Ua haamau oia i te mau niu i teie nei tau tu’uraa evanelia no te faaho’iraa i te mau parau tumu o tei haapiihia e te Tamaiti a te Atua, e no taua mau parau tumu ra, ua ora oia, e ua haapii atoa, e ua pohe hoi, e ua ti’a faahou mai mai te pohe mai.⁴

I te vahi e haamaitaihia ia [te i’oa o Joseph F. Smith], e haamaitai-atoa-hia ïa e te feia i fana’o i te faarooraa i te evanelia o tei tae mai i ni’a i te fenua nei na roto ia’na, e te feia atoa i rava’i to ratou parau-ti’a e to ratou aau haehaa no te farii i te reira. E faahiti ratou i te parau no’na, ma te ite o ta ratou i farii na roto i te faaurûraa a te Varua Mo’a, na roto atoa i te haapa’oraa i te mau parau tumu o ta’na i haapii, ei peropheta, e ei taata faaurûhia hoi. Te arue nei ratou ia’na ma te faahanahana e ma te faatura atoa i to’na i’oa. Te faatura nei ratou ia’na, e ua here ratou ia’na taa ê atu i te hoê taata noa’tu, no te mea e ua ite ratou e ua ma’itihia oia ei mauihaa i roto i te rima o te Mana Hope ia faaho’i mai i roto ia ratou te evanelia no te ora e no te faaoraraa, ia fa’aaraara i to ratou mata i te mau mea e tupu a muri a’e, ia iritihia i te paruru o te mau tau mure ore ia ite to ratou mata. Te feia o tei farii i te mau parau tumu ta’na i poro, ua ite ïa ratou e, e au taua parau tumu ra i to ratou iho ora e te oaoa e te hau, te pae varua e te pae tino, e tae noa’tu hoi i te maitai, te oaoa, te ora e te faateiteiraa o to ratou mau fetii o tei pohe na ma te ite ore i te parau mau.

Ta Joseph F. Smith ohipa i rave, aita i faataa-noa-hia no teie oraraa ana’e, e au atoa râ te reira i te oraraa no muri a’e, e i te oraraa i mairi ra. Te auraa oia hoi, e au i te feia o tei ora na i ni’a i te fenua nei, i te feia atoa e ora nei, e i te feia atoa hoi o te ora a muri a’e. E ere i te hoê mea o te au noa i te taata a parahi ai oia i roto i te tino tahuti nei, e au râ ïa i te utuafare atoa o te taata nei, mai te tau mure ore e te tau mure ore. … Aita atoa te reira i faataa-noa-hia no te hoê ana’e oire, e te hoê ana’e tuhaa fenua, e te hoê ana’e nunaa, e tae râ te reira i te mau fenua atoa, e te mau opu atoa, e te mau reo atoa e te mau nunaa atoa.⁵

E mea maere roa ia’u e, te vai ra teie rahiraa inoino i faaitehia e to te ao nei ia Joseph F. Smith. Aita roa oia i faaino noa a’e i te taata. Ua riro vau ei ite no te reira, ua mâtau hoi au i to’na oraraa. Ua ite au ia’na i roto i te tino tahuti nei, e ua tai’o atoa vau i ta’na parau. Ua tai’o vau i te mau heheuraa ta te Fatu i horo’a ia’na. Ua mâtau vau i ta’na ohipa, e ua ite hoi au e, aita roa’tu oia i faaino a’e i te taata. Aita oia i hamani ino i to’na taata tupu, ua rahi roa a’e râ ta’na i rave no te faateitei ia ratou. E teie râ te mea maere, te feia o tei ore emâtau ia’na, e tape’a ïa ratou i te mana’o inoino, e te taho’o, e te ino no’na ra. E tupu mai te uiraa i roto i to’u feruriraa e, No te aha ra te reira? I te pae rahi, eita ïa te taata e faatupu i te mana’o mai te reira te huru no te taata haavare e aore râ, no te feia i faatupu i te haapa’oraa apî a te taata. Tera râ, e maere noa’tu â tatou e, e hotu to ratou riri ia faahitihia mai te i’oa o Joseph F. Smith! E mea maere ihoâ te reira i te feruriraa taata nei, ua tû râ te reira i te parau i faaitehia ia’na i te matamua e te hoê o te mau ve’a no te ra’i o tei tonohia no te haapii ia’na… .

… Te niu no te ohipa i haamauhia e te Peropheta Iosepha Semita, ua niuhia ïa i ni’a i te parau mau mure ore. Eita e ti’a ia faatiopa i te reira. E au te reira i te fare i patuhia i ni’a i te pâpâ. E tupu maira te vero, e mairi ihora te ûa, e tae maira te mata’i rorofai, e ti’arepuhia ihora te aau o te taata ia riri e ia hamani ino; hoê â râ to’na ‘eta’eta e te ‘eta’eta o te mau mou’a mure ore, i te mea e, ua patuhia i ni’a i te parau mau [a hi’o Mataio 7:24–25]. Te parau-ti’a, te viivii ore, te oraraa mâ, te faaroo i te Fatu ia Iesu Mesia e i To’na ti’a-faahou-raa, te haapa’oraa i te mau faaueraa a te Atua, e mau parau tumu matamua ïa no to tatou ti’aturiraa. Ua ite tatou e, e parau mau te parau haapiiraa.⁶

Ua riro te Orama Matamua a Joseph F. Smith ei ohipa faufaa roa i tupu mai te Ti’a- faahou-raa mai o te Faaora.

Te ohipa hau roa’tu i te faufaa o tei tupu i roto i te ao nei, mai te ti’a-faahou-raa mai o te Tamaiti a te Atua mai roto mai i te menema e tae atu i to’na revaraa i ni’a, o te fâraa mai ïa o te Metua e te Tamaiti i te tamaiti ra ia Joseph F. Smith, ei faaineineraa i te e’a no te haamauraa i te niu o to’na ra basileia—eiaha te basileia o te taata—o te ore roa e mou, o te ore hoi e faatiopahia. Ua farii au i taua parau mau nei, no reira e mea ohie ia’u ia farii i te tahi atu â parau mau o ta’na e faaite mai. … Aita roa oia i haapii i te hoê parau haapiiraa e ere i te parau mau. Aita oia e faaohipa i te hoê parau haapiiraa o tei ore i faauehia ia’na ia faaohipa. Aita roa’tu oia i a’o i te a’oraa hape. Aita oia i vare. Ua ite to’na mata; ua faaroo to’na tari’a; ua rave oia mai tei au i tei faauehia ia’na; e no reira, e ere na Joseph F. Smith te ohipa tei faaotihia e ana—na te Atua râ. E ohipa ïa na te Fatu, e ere i ta te taata.⁷

I te omuaraa o te matahiti 1820, ua farii [Joseph F. Smith] i te orama matamua no te ra’i mai. Hoê ahuru ma maha ïa to’na matahiti i reira ra. Eita ihoâ tatou e ti’aturi i te ohipa a te hoê tamaiti hoê ahuru ma maha matahiti, peneia’e eita atoa paha te hoê tamaiti apî mai ia’na e riro ei taata no te mea ua fanauhia e ua paari i roto i te hoê vahi faa’apuraa, tei atea ê i te mau faahemaraa o te mau oire rahi, tei atea ê i te mau taatiraa viivii e te ino. Penei a’e aita oia i faaea ohipa ore noa e paari noa mai ai oia e tae atu i te ahuru ma maharaa o to’na matahiti; no te mea e, ua rave puai to’na metua tane i te ohipa no to’na oraraa e ia imi i te faufaa no roto mai i te repo fenua i to’na iho rima, no te mea e taata veve oia e e utufare rahi hoi to’na no te aupuru.⁸

No te mau faaiteraa pae varua tei tupu, e nehenehe ia mana’ohia e, e ohipa haavare tei opuahia e teie tamaiti, no ta’na parau i te mea o ta’na i ite e o ta’na i faaroo? Aita; aita atoa te pahonoraa a te ve’a no te ra’i mai i horo’a ia’na i hamani- noa-hia i roto i te feruriraa o taua tamarii ra. Te iteraa papu o ta Joseph F. Smith i faaite no ni’a i ta’na orama hanahana i muri rii mai i to’na oraraa, e mea haehaa, e mea papu, e mea ohie e te haavare ore, e parau na te tamarii; te haapa’o maite, te itoito e te aroha i haamauhia i roto e i roto i te huru o te oraraa o taua tamaiti ra o tei ore i hape e aore râ, i taui i to’na paariraa mai. To’na maramarama, no roto mai ïa i te mau heheuraa ta te Atua i horo’a ia’na.⁹

Te na ô ra te feia te faaino ia tatou e, e fâraa mai ta te Peropheta Iosepha i ite area râ, aita oia i parau mai te reira. Ua parau oia e, na taata tei fâ mai ia’na, e na taata mau.… Ua ite tatou i te parau no te fanauraa, te oraraa e te ohipa a te Mesia, aita atoa hoi hoê parau i roto i te tuatapaparaa o tei faatupu i te mana’o ti’aturi mai te aamu o Joseph F. Smith. I to’na pouraa, mai te ra’i mai, 1900 ti’ahapa matahiti a’enei, ua haere te Mesia i rotopu i to’na mau hoa, e ua paraparau e ua a’o hoi ia ratou. Te vai ra anei te hoê tumu e ore ai oia e ti’a ia pou faahou mai, ia tae faahou mai â i ni’a i teie fenua ma te paraparau faahou i te taata? Mai te mea e te vai ra tera tumu, a faaite mai na. Tera te mea o ta’u i hinaaro i te haapapu atu ia outou, e taata mau te Atua, e taata tino i’o e te ivi, mai ia outou na e mai ia’u atoa nei. Hoê â huru te Mesia, area te Varua Maitai râ, e tino varua to’na.¹⁰

Ua iriti te Peropheta Iosepha Semita i te Buka a Moromona na roto i te horo’araa e te mana o te Atua.

Ia tae [Joseph F. Smith] i te area matahiti 17 e tae mai i te 18 matahiti, ua farii oia i te tahi â orama no te ra’i mai, e ohipa rahi e te hanahana tei heheuhia ia’na, e i na matahiti tataitahi e maha, ua farereihia oia e te hoê ve’a no te ra’i mai. … Tera taata, te na ô ra oia e, ua heheu mai i te mana’o e te hinaaro o te Fatu, ma te faaite atoa mai ia’na i te huru o te ohipa rahi mau ta’na e rave, ei mauihaa na te Atua, no te haamauraa i ni’a i te fenua nei, ia tae i te tau mau ra. O te ohipa te reira i ravehia e te melahi Moroni, i roto i te area matahiti 1823 e tae mai i te matahiti 1827. I te matahiti 1827, ua farii oia, mai roto mai i te rima o te melahi Moroni, te mau ‘api auro, mai roto mai i te reira i iritihia ai e ana teie buka (Buka a Moromona) na roto i te faaurûraa a te Mana Hope, e na roto atoa i te horo’araa e te mana o te Atua ia’na. …

I roto i na matahiti e toru, mai te matahiti 1827 e tae atu i te matahiti 1830, a ohipa ai Joseph F. Smith ia roaa mai te tahi oraraa haehaa noa, a ‘ape ai oia i to’na mau enemi, a horo tapuni ai oia i te feia o te imi ra i te rave’a no te haamou ia’na e i te opaniraa ia ore oia ia faaoti i ta’na misioni, a faaruru ai oia i te turoriraa huru rau e te aau taiâ i te faaotiraa i te iritiraa i te buka, e i roto i taua na matahiti ra, e ti’a anei ia’na ia riro ei taata ino e te viivii? Ua mana’o vau, aita. I te otiraa ia’na i te iriti i te Buka a Moromona, te vai apî noa ra oia, e na roto i te reira, ua roaa ia’na te ite no te pae o te mau aamu i mutaa ihora, te mau tohu, te mau heheuraa, te mau parau faaite ateahia, te mau iteraa papu e te mau parau haapiiraa, te mau faaueraa e te mau parau tumu o te ore roa e roaa i te mana e te paari o te feia maramarama o te ao nei ia rave ei hoho’a e aore ra ia pato’i. E ere o Joseph F. Smith i te tamaiti ite e tae noa’tu hoi i te haapiiraa a te ao nei. Ua haapiihia ra oia e te melahi ra o Moroni. Ua farii oia i te haapiiraa no ni’a mai, no o mai i te Atua Maha Hope, eiaha ra no o mai i te mau faanahoraa a te taata; tera râ, ia faahapahia oia no to’na vai poiriraa, e mea tano ore e te hape atoa; aita te hoê taata, aita atoa te hoê pùpù taata e mau ra i te ite hau atu i to’na, aita atoa hoi e ti’a i te paari e te ite o to’na ra tau ia tapiri i ta’na ohipa. E ere oia i te taata i faaea noa i roto i te poiri, inaha ua haapiihia oia e taata no reira mai te mau maramarama atoa. Ua roaa ia’na te ite o te Atua ra e no ta’na ture, e no te oraraa mure ore.¹¹

Ua iritihia te Buka a Moromona na roto i te horo’araa e te mana o te Atua, na roto i te tautururaa a te hoê taure’are’a apî; eiaha na roto i te hoê taata i haapiihia, te hoê taata i roaa te parau tu’ite, na roto râ i te hoê tamaiti parau tu’ite ore, tei mâtau ore i te peu o te ao nei, e tamaiti hara ore! E taua tamaiti parau tu’ite ore, taua tamaiti tei mâtau ore i te peu o te ao nei, taua tamaiti hara ore ra, o Joseph F. Smith ïa. Aita to’na e paari, aita e ite, aita atoa e aravihi no te huriraa i roto i te reo Peretane te mau mea i ootihia mai ni’a mai i te mau ‘api o tei huna-ê-hia e te feia i tahito ra no teie fenua. Aita roa oia i parau e, ua iriti oia i taua mau parau tahito ra na roto i to’na iho paari. Area râ, ua tamau noa oia i te parau e, e mea na roto i te horo’araa e te mana o te Atua i tu’uhia mai ia’na.¹²

Taa ê atu ia Iesu, ua hau te ohipa ta Joseph F. Smith i rave no te faaoraraa i te taata nei i tei ravehia e te tahi ê noa’tu taata.

Ua iriti [Joseph F. Smith] i to’na apîraa i te uputa ia paraparau te taata i to te ra’i. Ua faahaere mai oia i te Buka a Moromona, tei roto i te reira te îraa o te evanelia; e te mau heheuraa i roto i te Buka o te Parau Haapiiraa e te Mau Parau Fafau; ua faaho’i mai oia i te Autahu’araa mo’a i te taata nei; ua haamau e ua faanahonaho oia i te Ekalesia a Iesu Mesia i te Feia Mo’a i te Mau Mahana Hopea Nei, te hoê faanahonahoraa tei ore i ai faito i te mau faanahoraa atoa o te ao nei, te hoê atoa faanahoraa tei ore roa e ti’a ia faatupuhia na roto i te ite e te paari o te mau taata o te mau tau atoa. Ua haamau oia i te mau fenua aiharu i roto i te tuhaa fenua no New York, no Ohio, no Missouri e no Illinois, e ua faaite oia i te e’a no te haaputuputuraa i te Feia Mo’a i te Mou’a Ofafa’i; ua faatae i te pororaa evanelia i Europa ma e i te mau motu o te moana; ua haamau oia i te oire no Kirtland i Ohio, e ua patu oia i te hoê hiero i reira o tei titau e rave rahi tauasini tara; ua haamau oia i te oire no Nauvoo i rotopu i te tau hamani-ino-raa; ua haaputuputu mai oia i Nauvoo e i te mau vahi i piha’i mai na taata 20.000 ti’ahapa, e haamata ihora i te patu i te hiero i reira, e oti a’era i te patuhia, hoê milioni tara tei haamau’ahia; e na roto i to’na raveraa i te reira, ua ‘aro oia i te mau mana’o iino o to’na anotau, e ua ‘aro atoa atu i te mau peu hamani inoraa, e te mau naho’a taata iino, e te pari haavareraa e aita e faito tei hurihia mai i ni’a ia’na e te mau taata e rave rahi. Te auraa ra, i roto noa i te area ahuru ma maha e te piti ahuru matahiti te maoro, ua hau atu ta’na ohipa i rave no te faaoraraa i te taata i tei ravehia e te tahi noa’tu taata i parahi i ni’a i te fenua nei, maori o Iesu ana’e [a hi’o PH&PF 135:3], e noa’tu â ïa, ua parihia oia e te mau enemi o te Ekalesia ei taata faatau e te faufaa ore!

E haere tatou i hea e imi ai i te tahi atu taata o tei faaoti hoê tuhaa i ni’a i te tauasini o te maitai tei ravehia e Joseph F. Smith? . … Aita e taata i roto i te ahuru ma ivaraa o te tenetere maori râ o Joseph F. Smith ana’e, o tei afai mai i to te ao nei te ite i te mau taviri e te mana o te Autahu’araa mo’a e aore râ, te mau oro’a o te evanelia, no te feia ora anei e aore râ, no te feia pohe. Na roto ia Joseph F. Smith, ua heheu mai te Atua i te mau mea e rave rahi o tei hunahia mai te faatumuraa mai â o te ao nei, ei fatupuraa i te mau parau a te mau peropheta. … E ua tû te reira i te opuaraa e te huru o teie ohipa rahi mau o te mau mahana hopea nei, no te faaoti i te mau tumu e te mau faanahoraa a te Atua no te tau tu’uraa evanelia no te îraa o te mau tau.¹³

Ua riro Iosepha te Peropheta … ei rave’a, no te opuaraa a te Atua, no te faaho’i i te parau tahito mau o te evanelia mure ore a Iesu Mesia, oia hoi te rave’a no te ora, e mea tahito atu hoi te reira i te utuafare o te taata nei. Parau mau atoa, e mea apî ta’na mau haapiiraa i te taata i to’na ra anotau i te mea e, i taiva na ratou i te parau mau—area te mau parau tumu o te evanelia râ, o te parau tahito mau roa’tu ïa te reira. E mea apî te reira i to Iosepha u’i, mai to tatou atoa nei u’i, no te mea e, i taiva na te taata, e te painu noa ra, ma te aueue noa i tera mata’i e tera mata’i i te parau a te taata nei—o te feia ïa tei parauhia te imi ra i te maramarama apî. No reira, ua riro te Peropheta Iosepha ei taata tei faaho’i mai, eiaha ei taata tei haamou, i te parau tahito mau. E ere hoi tera i te tumu no to tatou faarueraa i te mau parau tumu papu e te matamua o te evanelia, a tapapa atu ai i te mau haapiiraa e te mau mana’o apî.¹⁴

Te faaite mau nei au ia outou ma te haavare ore, na roto i te onoono o to’u nei aau e, te ti’aturi nei au ma to’u aau atoa i te misioni mo’a a Joseph F. Smith te Peropheta, e ua putapu roa i roto i te mau vahi atoa o to’u nei tino e, ua faati’a te Atua ia’na no te faaho’iraa mai i ni’a i te fenua nei te evanelia a te Mesia, o te reira mau â te mana o te Atua no te ora. Te faaite papu atu nei au e, ua riro Joseph F. Smith ei mauihaa i roto i te rima o te Fatu no te faaho’iraa mai i te parau mau a te Atua i te ao nei, e tae noa’tu hoi i te Autahu’araa mo’a, o to’na ïa mana i horo’ahia mai i te taata nei. Ua ite au e, e parau mau te reira, e te faaite papu atu nei au i te reira. Ia’u nei, o te taatoaraa ïa te reira; o to’u ïa ora, o to’u ïa maramarama; o to’u ïa ti’aturiraa, e to’u hoi ïa oaoa; e horo’a mai te reira ia’u i te faapapuraa no to’u faateiteiraa, no to’u ti’a-faahou-raa mai te pohe mai, i piha’i iho i te feia o ta’u i here e i faaherehere i roto i teie oraraa, e o ta’u i ati atu i teie nei ao—te mau taata tura, e te viivii ore, e te haehaa, o tei haapa’o i te Atua e ta’na mau faaueraa, o tei ore i haama i te evanelia a te Mesia, aita atoa i haama i to ratou ti’aturiraa e to ratou ite i te parau mau o te evanelia; te mau taata tei au i te feia o tei pohe no to ratou faaroo, te ti’a i te mau taime atoa ia pûpû i to ratou ora no te Mesia, e no te evanelia, mai te mea e hinaarohia, o ta ratou i farii i roto i to ratou aau na roto i te faaiteraa a te Varua Mo’a. Ua hinaaro vau i te farerei faahou i taua mau taata ra ia oti ta’u ohipa i ô nei. Ia oti ta’u misioni i ô nei, te hinaaro nei au i te haere ê atu i roto i te ao varua tei reira ratou i te parahiraa, e i te farerei faahou atu ia ratou. Na te evanelia a te Tamaiti a te Atua i horo’a ia’u to’u nei ti’aturiraa i taua farerei-faahou-raa e i te faatupuraa i to’u nei hinaaro no te haere na taua e’a ra. Ua ti’aturi hope roa vau i te evanelia, aita hoi au i rave faufaa ore noa i te reira. Ua ite au o vai ta’u i ti’aturi. Ua ite hoi au e, te ora nei to’u Faaora, e ia tae i te hopea ra e ti’a mai ai Oia i ni’a i te fenua nei.¹⁵

Mana’o Tauturu i te Haapiiraa

E mea nahea to te Peropheta Iosepha Semita riroraa “ei mauihaa i roto i te rima o te Fatu”? E mea naeha outou i te haamaitairaahia i roto i te mau mea ta te Fatu i heheu mai na roto i te Peropheta Iosepha Semita?
No te aha e mea faufaa ia roaa te iteraa papu e, e Peropheta Iosepha Semita na te Atua i roto i teie nei tau tu’uraa evanelia?
Eaha te parau faufaa mau ta Joseph F. Smith i haapii na roto i te Orama Matamua? Eaha te parau faufaa mau ta outou i haapii na roto i te Orama Matamua? E mea nahea te iteraa papu o te Orama Matamua i te riroraa ei niu no te fariiraa i te tahi atu â parau mau o te evanelia?
Eaha te faufaa no te iteraa e, ua iritihia te Buka a Moromona “na roto i te horo’araa e te mana o te Atua”?
Eaha te mau vahi i “hau atu [ai te] ohipa [ta Joseph F. Smith] i rave no te faaoraraa i te taata i tei ravehia e te tahi noa’tu taata i parahi i ni’a i te fenua nei, maori o Iesu ana’e”?
Eaha te faufaa no te iteraa e ua riro te Peropheta Iosepha Semita “ei taata tei faaho’i mai, eiaha ei taata tei haamou, i te parau tahito mau”?
Mea nahea outou i te haapuai-raa-hia na roto i te amuiraa atu i te mau tane, te mau vahine e te mau tamarii e mau iteraa papu puai e o tei ore hoi i “haama i te evanelia a te Mesia”? E mea nahea tatou ia faaitoito ia vetahi ê na roto i to tatou iteraa papu?
Eaha te mea tei haaputapû roa i to outou aau no roto mai i to Joseph F. Smith mau iteraa papu no te Peropheta? Eaha to outou iho iteraa no te misioni mo’a a te Peropheta Iosepha Semita?

Joseph Smith — Ua faaite te Peresideni Joseph F. Smith e, ua riro te Peropheta Iosepha Semita “ei mauihaa ma’itihia e te Atua, o tei vehihia i to’na tura ia haamau i te Autahu’araa mo’a” (*Gospel Doctrine*, api 478).