Ha’api’ira’a a te mau Peresideni
Haapotoraa Aamu

Haapotoraa Aamu

Eere teie i te buka aamu, e haaputuraa râ no te mau parau tumu o te evanelia i haapiihia e te Peresideni Joseph F. Smith. Area râ, no te haapapuraa i te mau haapiiraa ia au i te mau ohipa i tupu, no reira, ua tu’uhia’tu teie tabula ei faaite-poto-noa-raa i te tahi mau ohipa o tei tupu i roto i to’na oraraa, e tei tuati hoi i ni’a i ta’na mau haapiiraa. Aita te tahi mau ohipa faufaa o to’na oraraa i tu’uhia i roto i teie haapotoraa parau, mai to’na mau faaipoiporaa (te ravehia ra te faaipoiporaa vahine rau i roto i te Ekalesia i taua tau ra) e tae noa’tu i te fanauraa e te poheraa o ta’na mau tamarii, o ta’na hoi i here roa.

1800, Febuare 9:

Hyrum Smith, te metua tane o Joseph F. Smith, fanauhia i Tunbridge, Vermont.

1801, Tiurai 21:

Mary Fielding, to’na metua vahine, fanauhia i Honidon, England.

1837, Titema 24:

Faaipoiporaa o Hyrum Smith raua o Mary Fielding, i Kirtland, Ohio.

1838, Novema 13:

Fanauhia o Joseph F. Smith i Far West, Missouri.

1844, Tiunu 27:

Ua taparahi-pohe-hia o Iosepha raua o Hyrum Smith, i te Fare Tapearaa no Carthage (5; na teie mau numera e faaite i te matahiti o Joseph F. Smith).

1846, Setepa Setepa 1848:

Ua tere atu te utuafare o Mary Fielding Smith mai Nauvoo, Illinois, haere ti’a’tu i Roto Miti (7–9).

1852, Me 21:

Ua bapezitohia o Joseph F. Smith na te Peresideni Heber C. Kimball (13).

1852, Setepa 21:

Ua pohe o Mary Fielding Smith i Roto Miti (13).

1854–1857:

Ua rave i ta’na tau misionare i Sandwich Islands (Hawaii) (15–19).

1860–1863:

Ua rave i ta’na tau misionare i Peretane (21–24).

1864:

Ua rave i te hoê misioni taa’e i Hawaii e o Elder Ezra T. Benson e o Elder Lorenzo Snow (25–26).

1865–66:

E melo i roto i te apooraa iriti ture; oia atoa i te matahiti 1867–70, 1872, 1874, 1880, 1882.

1866, Tiurai 1:

Faatoro’ahia ei Aposetolo e ei Tauturu i roto i te Peresideniraa Matamua (27).

1867, Atopa 8:

Faataahia ei melo no te Pùpù Tino Ahuru Ma Piti Aposetolo (28).

1874–1875, 1877:

Piihia e piti taime ei peresideni no te Misioni no Europa (35–36, 38).

1877, Atete 29:

Poheraa o te Peresideni Brigham Young, i Roto Miti (38).

1880, Atopa 10:

Paturuhia ei Tauturu Piti no te Peresideni John Taylor (41).

1887, Tiurai 25:

Poheraa o te Peresideni John Taylor, Kaysville, Utah (48).

1889, Eperera 7:

Paturuhia ei Tauturu Piti no te Peresideni Wilford Woodruff (50).

1890, Setepa 24; Atopa 6:

Ua fariihia te Manifesto; Te faaiteraa Mana 1 fariihia e te Ekalesia (51)

1893, Eperera 6:

Haamaitairaa o te Hiero no Roto Miti na te Peresideni Wilford Woodruff (54).

1898, Setepa 2:

Ua pohe te Peresideni Wilford Woodruff, San Francisco, California (59).

1898, Setepa 13:

Ua paturuhia ei Tauturu Piti no te Peresideni Lorenzo Snow (59).

1901, Atopa 10:

Poheraa o te Peresideni Lorenzo Snow, i Roto Miti (62).

1901, Atopa 17:

Ua faatoro’ahia e ua faataahia ei Peresideni no te Ekalesia (62).

1901, Novema 10:

Ua paturuhia ei Peresideni no te Ekalesia i roto i te hoê amuiraa taa ê (62).

1906, Tiurai–Setepa:

Te Peresideni matamua o te Ekalesia tei tere i te fenua Europa i roto i te tau no ta’na faatereraa (67).

1909, Novema:

Ua faaite te Peresideniraa Matamua i te parau haapiiraa “Nohea mai te Taata” (70).

1911:

Ua haamau te YMMIA [Pùpù Feia Apî Tamaroa] i te faanahoraa Scout, tei parauhia te Scouts MIA [Te Pùpù Haamaitairaa te Tahi e te tahi] (72).

1912:

Ua haamata te Mau Haapiiraa Evanelia i te haapiihia i roto i te fare haapiiraa Granite Seminary i Roto Miti.

1913:

Ua haamau te YWMIA [Pùpù Feia Apî Tamahine] i te faanahoraa Campeuse no te tau mahanahana, na te mau tamahine; 1914, monohia mai e te faanahoraa Tamahine Debure no te matahiti taatoa (74).

1913, Tiurai 27:

Ua haamaitai oia i te vahi tiaraa no te Hiero no Alberta (74).

1915, Eperera 27:

Ua faaitoito te Peresideniraa Matamua i te mau melo ia faatere tamau i te pô utuafare (76).

1915, Tiunu 1:

Ua haamaitai oia i te vahi tiaraa no te Hiero no Hawaii (76).

1916, Tiunu 30:

Ua faaite te Peresideniraa Matamua e te Tino Ahuru Ma Piti i te parau haapiiraa “Te Metua Tane e te Tamaiti” (77).

1918, Atopa 3:

Ua farii i te orama no te faaoraraa i tei pohe, tei riro mai ei tuhaa 138 i roto i te Parau Haapiiraa e te mau Parau Fafau (79).

1918, Novema 19:

Ua pohe oia i roto i te fare ra Beehive House, i Roto Miti (80).

1918:

Te mau numera no te hopea matahiti: 495,962 rahiraa melo; 75 tìtì; 839 paroita; 22 misioni.