11. Moʻunga ʻŌlivé

Ko e vakai fakahahake ʻeni ʻi he Moʻunga ʻŌlivé. Ko e fale ʻi muʻá ʻoku ngalingali ko ha tuʻunga ia ʻo e Ngoue ko Ketisemaní. Naʻe fononga hake ʻa ʻEletā ʻOasoni Haiti ʻo e Kōlomu ʻo e Kau ʻAposetolo ʻe Toko Hongofulu Mā Uá ʻi he ʻaho 24 ʻOkatopa 1841, he Moʻunga ʻŌlivé ʻo ne fakahoko ha lotu fakakikite ʻo fakatapui ki he foki mai ʻa e fānau ʻa ʻĒpalahamé mo hono langa ʻo e temipalé.

Ngaahi Meʻa Mahuʻinga naʻe Hoko aí: Naʻe hanga ʻe Loma ʻo fakaʻauha ʻa Selusalema ʻi he T.S. 70 ʻo hangē ko hono kikiteʻi ia ʻe he Fakamoʻuí mei he Moʻunga ʻŌlivé (vakai ki he SS—M 1:23). ʻE toetuʻu ʻa e Fakamoʻuí ʻi he Moʻunga ʻo e ʻŌlivé ki muʻa ʻi Heʻene hā mai ki he māmaní kotoa. (Vakai ki he Sāk. 14:3–5; T&F 45:48–53; 133:19–20; FFL ʻŌlivé, Moʻunga ʻo e.)