14. Fonualoto ʻi he Ngoué

ʻĪmisi

tā fika 14

ʻOku ngali ko e tuʻuʻanga ʻo e ngoue ʻo e fonualoto ʻo Siosefa ʻAlimateá. ʻOku pehē ʻe ha kau palōfita ʻo onopooni naʻe tuku ʻa e sino ʻo e Fakamoʻuí ʻi he fonualoto ʻoku hā atu hení.

Ngaahi Meʻa Mahuʻinga naʻe Hoko aí: Hili ʻa e pekia ʻa e Fakamoʻuí ʻi he funga kolosí, naʻe tuku leva Hono sinó ʻi ha fonualoto ʻa ia naʻe tā mei he maká (Mātiu 27:57–60). ʻI he ʻaho hono tolú, naʻe ʻalu atu ha kau fefine ki he fonualotó, ka naʻa nau ʻiloʻi ʻoku ʻikai ʻi ai ʻa e sino ʻo e Fakamoʻuí (Mātiu 28:1; Sione 20:1–2). Naʻe ʻalu foki mo e ongo ʻAposetolo ko Pita mo Sioné ki he fonualotó pea naʻá na ʻiloʻi ai naʻe pulia e sino ʻo e Fakamoʻuí (Sione 20:2–9). Naʻe hā ʻa e ʻEiki kuo toe tuʻú kia Mele Makitaline (Sione 20:11–18).