30. Kolinitō

ʻĪmisi

tā fika 30

Ko Kolinitō ʻa e kolo mahuʻinga taha ia ʻo e vahefonua Loma ko ʻAkaiá. Naʻe tuʻu ia ʻi he muitolotolo naʻe fakafetuʻutaki ʻa Peloponisesi (Peloponnesus) mo e fonua lahi ʻo Kalisí, pea naʻe ʻi ai hano taulanga naʻe tuʻu ʻi he faʻahi fakahahaké mo e fakahihifó. Ko e kolo taulanga koloaʻia mo mālohi lahi ia.

Ngaahi Meʻa Mahuʻinga naʻe Hoko aí: Naʻe nofo ʻa Paula ʻi Kolinitō ʻi ha taʻu ʻe taha mo e māhina ʻe ono peá ne fokotuʻu heni ʻa e Siasí (Ngāue 18:1–18). Naʻe fai ʻe Paula ha ngaahi tohi lahi ki he kāingalotu ʻo e Siasí ʻi he feituʻu Kolinitoó, pea ko e tohi ʻe ua ʻi he ngaahi tohi ko iá ʻoku ʻi he Fuakava Foʻoú ia (1 mo e 2 Kolinitō). ʻOku ngalingali naʻe tohi ʻa e ʻIpiseli ki he Kakai Lomá mei Kolinitō.