7. Pētelihema

ʻOku hā ʻi he tā ko ʻení ʻa e ngaahi tafungofunga makamaka mo e ngaahi feituʻu musie ʻo e kau tauhi-sipí ʻi muʻa, pea mei mui ʻa e kolo ko Pētelihemá ʻi he ʻahó ni.

Ngaahi Meʻa Mahuʻinga naʻe Hoko aí: Naʻe tanu ofi heni ʻa Lesieli (Sēnesi 35:16–20). Ne nofo heni ʻa Lute mo Pōasi (Lute 1:19–2:4). Naʻe ʻaloʻi heni ʻa e Tuʻi ko Tēvitá pea pani ai ia ko e tuʻí (1 Sam. 16:1–13). Naʻe ʻaloʻi heni ʻa e Fakamoʻuí, pea naʻe hū ai kiate Ia ʻa e kau tauhi-sipí mo e kau tangata potó (Mātiu 2:1–11; Luke 2:4–16). (Vakai, FFL Pētelihema.)