26. Sesalia Filipai

ʻOku tuʻu ʻa Sesalia Filipai ʻi lalo ʻi he Moʻunga Heamoní. Ko e kiʻi vaitafe ko ʻení ko e taha ia ʻo e ngaahi matavai ki he Vaitafe Soataní. Naʻe hanga ʻe Hēlota ʻAkilipa, ʻa ia naʻá ne puleʻi ʻa e feituʻu ko ʻení, ʻo langa heni ha kolo ko ha fakalāngilangi kia Sisa (ʻa ia ko hono ʻemipolá) pea kiate ia pē foki; pea naʻe ʻuluaki ui ia ko Paniasi pea ʻoku ui ia he ʻahó ni ko Pāniasi pea pehē foki ki he Sesalia Filipai.

Meʻa Mahuʻinga naʻe Hoko aí: Naʻe fakataha ʻa e Fakamoʻuí ʻi Sesalia Filipai mo ʻEne kau ākongá. Naʻe fakahā heni ʻe Pita “ko e Kalaisí, ko e ʻAlo ʻo e ʻOtua moʻuí” ʻa e Fakamoʻuí. Naʻe talaʻofa leva ʻe he Fakamoʻuí kia Pita ʻa e “ngaahi kī ʻo e puleʻanga ʻo e langí” (Mātiu 16:13–20).