2. Moʻunga Sainaí (Hōlepi) mo e Toafa Sainaí
ʻOku ʻi ai ha ngaahi feituʻu ʻoku ngali ko e tuʻunga ʻo e Moʻunga Sainaí. Ko e taha ʻo e ngaahi tuʻunga naʻe anga ʻakí ko Sepeli Musa (Moʻunga ʻo Mōsesé), ʻoku hā atu heni.
Ngaahi Meʻa Mahuʻinga naʻe Hoko aí: Naʻe hā mai ʻa e ʻOtuá kia Mōsese ʻo foaki mai kiate ia ʻa e Fekau ʻe Hongofulú (ʻEke. 19–20). Naʻe mamata mo fetuʻutaki ai mo e ʻOtuá ʻa Mōsese, ʻĒlone, mo e toko ua ʻi he ngaahi foha ʻo ʻĒloné, mo e kaumātuʻa ʻe toko 70 (ʻEke. 24:9–12). Naʻe fai mai ai ʻe he ʻOtuá ʻa e ngaahi fakahinohino kia Mōsese ʻo kau ki hono langa ʻo e tāpanekalé, (ʻEke. 25–28; 30–31). Naʻe hū ʻa e kakai ʻIsilelí ki ha ʻuhikiʻi pulu koula ʻa ia naʻa nau fakalotoʻi ʻa ʻĒlone ke ngaohi (ʻEke. 32:1–8). Naʻe hola mai ʻa ʻIlaisiā ki he fonua ko ʻení mei he Teleʻa Sesililí, ʻa ia naʻe nofo ai ʻa e Kuini ko Sisipelí (1 Ng. Tuʻi 19:1–18). Naʻe fefolofolai foki ai ʻa ʻIlaisiā pea mo e ʻOtuá (1 Ng. Tuʻi 19:8–19). (Vakai, FFL Sainaí, Moʻunga.)